Телеграм канал ''




209 подписчиков
135 просмотров на пост


Детальная рекламная статистика будет доступна после прохождения простой процедуры регистрации


Что это дает?
  • Детальная аналитика 802'125 каналов
  • Доступ к 322'934'841 рекламных постов
  • Поиск по 1'285'115'144 постам
  • Отдача с каждой купленной рекламы
  • Графики динамики изменения показателей канала
  • Где и как размещался канал
  • Детальная статистика по подпискам и отпискам
Telemetr.me

Telemetr.me Подписаться

Аналитика телеграм-каналов - обновления инструмента, новости рынка.

Найдено 18 постов

#المجالس_الحسينيه

اكو حسبه بالي وكلش محتار وماأعرف شسوي وشلون اخلص منها.!

ف البارحه حاضر بمجلس حسيني واثناء المجلس نزلت دمعه من عيني..
وبعد ماخلص المجلس فجأه واحس اكو اشاره وصلتني سوي هيج وينتهي الي بالك
#المهم سويت الشيي والحمد للّه ارتاحيت ونشال هم كلش جبير.

نصيحتي ألك ك شاب شكد ماتكدر احضر مجالس الحسين عليه السلام 💔

هذه المجالس تلعب دور في بناء شخصيه الانسان..

الدمعه ع الحُسين تولد الخشوع في قلب بني آدم..


وهنالك روايه تقول :
حضور مجالس الحُسين عباده ولها أجرٌ عظّيم
الأنسان يجي ع باله هواي أشياء يحب يگولهن بس يتراجع بنفس الوقت لأن الأغلب ما راح يتفهمه

يعني من يصير خلاف بينك وبين صديقك او حبيبتك او اي شخص كان

حاول بكل الطرق تحافظ على هدوئك وابقى كما انت

حتى وان الشخص المقابل طلع وجهه الثاني اللي كان مخفي فـ بكل الاحوال هوه الخسران

عاقب الاهمال بـ الاهمال...

مرات الواحد يتنرفز ويعصب ويحچي كلشي

اذا تدري بي انت طيب وخوش انسان انطي فرصه ثانيه

بس السؤال ليش من تريد تحچي محد يفهمك وليش من تريد تسوي شي زين يگلوبنه ضدك؟

معقوله الناس هيج خربت طبعاً مو الكل البعض منهم لأن لو خليت قلبت!!

المهم عيشو حياتكم على طبيعتها وحاول تكون هادئ وبعيد عن المشاكل
#ركز
الناس ما يبين معدنها وكت الكعدة واللمة الحلوه والكلية والمطعم.

معدنها يبين وكت الخلاف، وكت المشكلة كلمن راح يعكس اصله واخلاقة الي تربى عليها
قبل اسمع ناس تكول، عاشروا البشر اليقّدر الزاد والملح حتى اذا اتفاركتوا
مرعبة العالم الماعدها عزيز وغالي، الي بس تختلف وياه يجرحك ويدور بيك عيب انت نفسك متتخيله، وإذا مغلطان اكو سورة اسمها المنافقين
(ان المنافقين في الدرك الاسفل من النار ولن تجد لهم نصيرًا)

البشر معدن
مافهمت هالحجاية اله من تعاملت ويه الناس، وانصدمت بيهم مرة واثنين وعشرة
ايدك مو كل اصابعها سوه، مثل متشوف ناس زينين راح تشوف ناس ينطوك مفهوم لمعنى النذالة...
وتبين حقيقتهم لو بعد عشر سنين،

جنت متصورهم مهمين بس طلعوا سنت مايسوون.. 👌🙂
ب2018 جان عندي ساعة كلش احبها وغالية عليه ،24 ساعة جانت بيدي حتى من انام أنسى وابقى لابسها، يوم من الايام خلص الباتري مالتها، نزعتها وخليتها بكنتوري، يومية اكول احطلها باتري والبسها مثل قبل وانساها،
بالبداية من نزعتها حسيت اكو شي ناقصني، اتخيل ايدي بيها نقص، مرة التهي، ومرة اكول باجر اوديها، ومرة اكول ليش مستعجل عليها ؟ هي موجودة بالكنتور ماراح تختفي،
عدت شهور وبقيت اتذكر فرق لون الجلد اول منزعت الساعة
قبل فترة بالصدفة صارت كبالي، اللمعان الجان بيها كله رايح، السير صاير اصفر وصغرانه على ايدي، صاير عليها تراب حتى شكلها مو نفس الساعة الجنت احبها قبل.

قيس هذه الشي بعلاقتك ويه البشر، تلكه المشكلة صارت من وره شغلة صغيرة ، بس نتيجة العناد والمكابرة والوكت اليعدي تنخلق جوانا طبقات من الفجوة والقسوة.. 💔

قسوة تخليك تخسر ناس عافوا علامات جوه روحك، ناس تتفاجئ على خسراتهم..
#الطبخ
#الثواب
#المواكب
#اللطم
كلها اجتهادات شخصيه واهداف بسيطه لثورة الامام .
الهدف الاكبر والاسمى والغايه العظمى
هيه ثورة الحق على الباطل في كل زمان ومكان..🤍
من ضمن مساوئ مجتمعنا #بالفيس #والأنستكرام #ومواقع_التواصل الافتراضية حسست كل واحد المفروض تصير عنده موهبة ملحوظة يستحق عليها اشادة المجتمع الافتراضي ووراها يشتهر ويصير نجم والناس تصور وياه بمول المنصور لو يبقى انسان تافه مااله لازم ويطلع من الفيس بوك بدون قيمة.
وبناءً عليه فكل واحد تشوفه فارض روحه بكل شغلة ،موديل لو مطرب لو كوميديان لو كاتب ساخر والأكثرية الساحقة (محلل سياسي)
المهم لازم يطلع بشي حتى لو يجيب النفسه انتقاد الناس وهالموضوع قمة التخلف حقيقة.
محبه واحترام وامتنان الكل واحد عرف قيمة نفسه صدك، وماعبر على محطه مو اله، وعرف اذا ربه مامنحه موهبة فهاي مو كارثة ولاضياع مستقبل، لأن عنده اهم موهبة الي هي الإنصات لأغنية حلوة، لقراءة كتاب، والاستمتاع بالحياة بتواضع، والضحكة الطالعة من الگلب، وسعة الصدر وحب الناس والنقاش بأحترام وتمني الخير للغير
ومساعدة الناس بلا مقابل وغيرها وغيرها
ذني الحاجات للأسف ما الها متابعين ومتجيب شهره الهالسبب سوكها واكف.

يابخت العنده قناعة بروحه ويعرف قيمة نفسه زين... 💙
من بين كل هاي الأحداث
اكثر فئة كاسرين خاطري بالعراق همه الملحدين
لا همه مرتاحين بهل بلد
ولا همه راح يرتاحون بالآخرة
تحس وجودهم اغنية حزينة
متندم ع كل ليله تغطيت بيها بالشتا..🙂
#الله_بالخير.

"احيانًا" المشاهد والاحداث اليومية الصارت واللي دتصير ضمن واقعنا بدت تخلينا نفقد التعاطف وي الاشخاص للأسف، وحتى واقع الاحداث المأساوية والمؤلمة بدا يصير اقل حدة وثأثير.
والموضوع صار مجرد scrolling، سواء النا كعراقيين او حتى لبقية الاشخاص من شعوب اخرى.


حريق مستشفى او سرقة مال عام او تردي الصحة والخدمات وغيرها في بلدنا صارت تعتبر مجرد نتائج لشعب امتلئ بالجهل والتخلف والصراعات، فقبل ما ترفع اصابع الاتهام على الحكومة وتحرض الشباب على الانتفاضة عليها بسذاجة وتهور حتى يكونون مجرد ضحايا اضافيين وتزيد مواجِعنا، تذكر بلدك بعشائره وصدرييه وعبيد رجال الدين والمراجع وأحزاب الميليشيات وبطريقة التفكير الصحراوية عند اغلب مواطنيه، وشلون هالامور بحد ذاتها تمثل عائق جبير اتجاه تطوره وتحسنَه،
فمن المستحيل يجتمع مصطلح حكومة جيدة مع شعب سيء.

جورج أورويل يگول "شعب يختار فاسدون، محتالون، لصوص وخونة، انه ليس ضحية بل شريك"
شوف المنتخب صارله سنين من الاخفاق ومحد كدر يغير عناصره وفساده ، يجيبلك كفاءة يحاربه ويكعده مسصطبة، شوف الفن ، نفس الوجوه والمواضيع المستهلكة والرثاثة المستمرة ،
شوف الاعلام، ماكو اعلامي منصف اله اذا مايتحارب ويتهم بالعمالة
هذا الوضع يريدوه يبقى نفسه ، بس يصير تغيير حقيقي يجر لحد مايوصل مفاصل الدولة
هي هاي سياسة الفوضى بالبلدان...
المشكلة الجبيرة المصدكين بيها اغلب العراقيين هو تغيير العراق يصير بيد رئيس الوزراء الجديد .
اي رئيس وزراء يجي يمثل سياسة الحزب التابع اله مو مثل الامام علي انتخبوا اغلب المسلمين وامتنعوا عنه اهل الشام
التغيير يجي من تغيير الاحزاب مو من شخص يمثل الاحزاب نفسها الحكمت العراق مدري شجم سنة
ماكو شخصيات مستقلة بالعراق تنتخبها كلها احزاب تمثل ميولها وعقائدها ومصالحها
هي الغرفة نفسها يجيبلك قوطية بنتلايت غير لون ويصبغها كل سنة فوك خرابها وعفنها
هاي مو نظرة تشاؤمية مثل مايعّرف شوبنهاور السعادة بالحياة
يكول ماكو سعادة بالحياة ، والفرح التحس بي هذا الالم من يقل تحس بي سعادة!
فلتتأمل بسعادة مزيفة ، بهذا الوطن شغلتين ماترهم بعد
وطن مستقر ، وتشريب الكص
#اثنينهن_فوضى
مرات استغرب من نهاية علاقات المفروض متنتهي
استغرب شلون حالات طلاق تصير وره عشر سنين لو اكثر
اكول ليش انفصلوا هسه مو من البداية ؟!
لو اصدقاء العمر بلحظة واحد ميحجي ويه الثاني بعد ومحد يكدر يرجع علاقتهم ، لوعلى مستوى الكرايب والجيران وحتى الأهل تشوف اخ ميحجي ويه اخوه لو اخت متحجي ويه اختها سنين ،
بقيت استغرب الحد ماوصلت لحقيقة وهيّ اكو شي بالعلاقات اسمة "الرصيد"
علاقتك بأي انسان يحددها رصيد مرتبط بمعزة الشخص وسلوكة وياك كل ما التعامل يبقى بيه احترام كلما يزيد هذه الرصيد والعكس صحيح،
كل ما التعامل يبقى بلا تفاهم وسوء سلوك ينقص الرصيد
الشخص المتأكد منك من يتمادى ويجرح ميدري لا إراديًا ينقص من رصيد محبته بداخلك ، يتصورك فاتورة تمتد بلا نهاية وطبعا العلاقة تستمر الحد ما الرصيد يصير صفر

حافظوا على علاقاتكم ويه الناس التغفر وتسامح ،ولتتصور طول العلاقة سبب كافي لأستمرارها ،

زيدوا رصيدكم بالرحمة والأحترام والتفاهم
وتذكر .. اليشوفك بعين الجبيرة
يكدر بلحظة ايحجمك
#الكبر بالعقل مو بالعمر
#والمحبه بالقلب مو بالشكل
#والصحبه بالقدر مو بالمصلحه
🌝🤍
ياترتبط بالشخص الصح ، یا تعيش عمرك لنفسك واهلك وتتونس بي ويه عائلتك وناسك . الدنيا مو بس ارتباط وزواج ، وعائله ومسؤوليات . الاختيار الخطأ راح يسبب الهم والمغثه طول العمر . كل الي تكدر تسوي انو تنجح ، تنجح بشغلك بشغفك بسعادتك وبحياتك .
#ماأنكر_اهميه المشاركة والاستقرار بس ما الها اي طعم لو جانت ويه #انسان ميعرف يقدر قيمتك...!
كل المخلوقات الموجوده بالعالم يجمعها الحس الاخلاقي الي احنه مستحوذين علّي ونسمّي الدافع الانساني
البشر اذا جان #ملحد او #مؤمن بطبيعته يحب يساعد ويرحم ويتصدق ،الاناث تمتلك صفة الرحمة والأمومة والذكور يمتلكون دافع المسؤولية وهذا الشي تشاركنا بي الحيوانات بكل انواعها ، اعترافك بالدين هو مسألة شخصية وعدم اعترافك بي هو معتقد شخصي
لاتضر غيرك ولاتنفعه
فالمفروض مانتعامل ويه البشر على دينهم ومذاهبهم
الافعال فقط هي التي تحدد من انت! وليست صلاتك او عدم اعترافك بالله ..
احب اعايد الناس الوكفت ويانه وماخذلونه
احب اعاید شکو واحد ضل يحبنه وماغيرته سوالف الناس
الناس التحب الخير لاي شخص حتى لو متعرفه ، احب اعايد الموجودين ويانه بفرحنه وحزنه ، الناس الي ماملوا منه بوكت برودنه وعصبيتنه ، الناس الي ويانه عالحلوه وعالمره ، الناس الي تجبر بخاطرنه كل لحظه ويوم وسنه الناس الي تحب جمال وجوهر الروح وميغرها الشكل ، الناس الي تذكرنه بابسط الاشياء

كل عام وانتو بخير . 💙
تخنكك العبره من تگلب بمنشورات ٢٠١٩ و بدايات ٢٠٢٠
تخنكك العبره من تدخل لحسابات الشهداء، تشوف هذا العنده حبيبه وهذا العنده حلم وذاك العنده أم وهذا العنده اغنيه ناشرها ومعتبرها صديقته.
تشوف حساباتهم حزينة وصامتة، بالمقابل تشوف ماضيهم الحلو، هذا الناشر سفرته، وذاك الناشر كعدته بالمطعم، وهذا الناشر اصدقائه، وهذا الخطيه الناشر شهيد اخر مات قبله ويترحم عليه، تتمنى لو جنت تعرفهم، لو جنت صديق احد منهم، تباوع على جمالهم وتنقهر .. تنقهر لأن ما موجودين ولان مستحيل يكونون موجودين...💔
الشخص الي حجه عليه بالمو زين هو مو جذاب فعلا اني جنت مو زين لإنه هو اساسا مو زين وياي واجه الوكت الي اوكفه عند حده

، والشخص الي حجه عليه وكال مؤذي هو مو جذاب اني فعلا أذيته بعد ما هو أذاني الف مرة !

والشخص الي شايفني اتلون لو مخادع بس لمجرد هو حاول يوصلني للشي الي ميعجبني علمود يسمع الكلمتين الي منتظرهم يسمعهم مني ، هو حر ..

والي كال عليه شخصية طيبة هو مو جذاب لإن اني شفته هو شخص طيب وميستاهل مني غير بس الخير ..

بالنهاية إنت مراية نفسك تتعامل على اساس اخلاقك وتربيتك ، المقابل إلي يختار الطريقة الي تتعامل وياه بيها .💙

Найдено 18 постов