⚽️ Эҳсони Панҷшанбе ва Шервонӣ Мабатшоев ба бошгоҳи "Теренгану"-и Малайзия пайвастанд.
Нимҳимоятгарони тими миллии Тоҷикистон ба ҳайси футболбози озод ба даста ҳамроҳ шуданд, хабар медиҳад ФФТ.
"Теренгану" айни замон дар Суперлигаи Малайзия ҷойи панҷумро ишғол мекунад.
Мавсими гузашта Эҳсони Панҷшанбе дар дастаҳои "Суғдиёна"-и Ҷиззах ва "Истиқлол"-и Душанбе баромад карда, Мабатшоев дар дастаҳои "Капаз"-и Озарбойҷон ва "Регар-ТадАЗ"-и Турсунзода ҳунарнамоӣ намуд.
"Эҳсон аз соли 2016 дар дастаи миллии Тоҷикистон бозӣ карда, дар 67 вохӯрӣ 8 гол задааст. Мабатшоев аз соли 2018 ба мунтахаби кишвар даъват гашта, дар 39 бозӣ 13 голро марбути номи худ намудааст", - омадааст дар хабарномаи ФФТ.