ҚАЗАҚСТАН РЕСПУБЛИКАСЫ КҮНІ ҚҰТТЫ БОЛСЫН!

ҚМГ мен CNPC геологиялық барлау және мұнай өндіру саласындағы технологиялық ынтымақтастықты кеңейтуде 📍Астанада геология және мұнай-газ кен орындарын игеру мәселелеріне арналған IV Қазақстан – CNPC техникалық семинары басталды. Іс-шараға «ҚазМұнайГаз» ҰК АҚ Басқарма төрағасы Асхат Хасенов, ҚР Энергетика вице-министрі Ерлан Ақбаров, Қытайдың CNPC мұнай-газ корпорациясының президенті Чжоу Синьхуай, ҚМГ тобына кіретін геологиялық барлау және инжинирингтік компаниялардың өкілдері, сондай-ақ сала ардагерлері және жетекші сарапшылар қатысуда. 🗣А.Хасенов өз сөзінде кен орындарда қордың табиғи түрде сарқылуы жағдайында ресурстық базаны толықтыру мұнай-газ саласының стратегиялық тұрақтылығын қамтамасыз ететін негізгі факторлардың бірі екенін атап өтті. Бұл бағытта ҚазМұнайГаз қолданыстағы кен орындарында, соның ішінде Маңғыстау және Қызылорда облыстарындағы CNPC-мен бірлескен өндіруші активтерде қосымша барлау жұмыстарын белсенді жүргізуде. ⬇️ Семинар барысында «Қазгермұнай» компаниясы Қызылорда облысындағы Ақшабұлақ, Ақсай және Нұралы кен орындарында сейсмикалық деректерді қайта интерпретациялаудың заманауи әдістерін қолдану нәтижелерін таныстырды. 2021–2026 жылдары жеті бағалау ұңғымасы бұрғыланып, оның алтауы мұнай ағынын берді. Нәтижесінде бастапқы алынатын мұнай қорының расталған көлемі 1 млн тоннадан асады. 2027–2029 жылдары тағы төрт бағалау ұңғымасын бұрғылау жоспарланған. Бұл қор көлемін шамамен 500 мың тоннаға ұлғайтуға мүмкіндік береді деп күтілуде. ▪️Сонымен қатар ҚМГ өз күшімен және халықаралық компаниялармен серіктестесе отырып, геологиялық зерттеулердің ауқымын жүйелі түрде кеңейтіп келеді. Бұл ретте жаңа перспективті аумақтар мен тереңде жатқан мұнай-газ кешендерін зерттеуге ерекше назар аударылуда. ▪️Семинарда ҚазМұнайГаз жүргізіп жатқан Оңтүстік Торғай бассейнінің палеозой шөгінділері мен тақтатас мұнайы, Шу-Сарысу бассейнінің аз зерттелген аумақтарын, сондай-ақ Маңғышлақ және Каспий маңы бассейндерінің палеозой кешендерін зерттеу нәтижелері мен перспективалары қаралды. 🔎 Өз кезегінде «ПетроҚазақстан Құмкөл Ресорсиз» АҚ Оңтүстік Торғай бассейніндегі геологиялық барлау жұмыстары бойынша тәжірибесімен бөлісті. Компания 2005 жылдан бері 20 мұнай-газ аумақтық учаскені ашып, нәтижесінде алынатын мұнай қоры шамамен 52 млн тоннаға ұлғайды. Алдағы уақытта Батыс Тұзкөл, Арысқұм және Қызылқия кен орындарында 13 іздеу және бағалау ұңғымасын бұрғылау мүмкіндігі қарастырылуда. Бұл жұмыстар мұнай шоғырының геологиялық құрылымын нақтылауға, қосымша қорды бағалауға және мұнай өндіру көлемін ұлғайтуға бағытталған. ▪️Жалпы, геологиялық барлау саласында ҚМГ мен CNPC ынтымақтастығының перспективті бағыттары айқындалған. Олардың қатарында озық технологиялар мен инновациялық тәсілдерді енгізу, сейсмикалық зерттеулер мен деректерді өңдеудің заманауи әдістерін қолдану, терең ұңғымаларды бұрғылау және сынау, сондай-ақ ауқымды геологиялық-геофизикалық ақпаратты кешенді талдау мен интерпретациялау үшін жасанды интеллект технологияларын пайдалану бар.

ҚазМұнайГаз бен CNPC бірлескен жобалардың іске асырылу барысын қарастырды   ▪️Астанада «ҚазМұнайГаз» ҰК АҚ Басқарма төрағасы Асхат Хасенов пен Қытайдың China National Petroleum Corporation (CNPC) мұнай-газ корпорациясының президенті Чжоу Синьхуаймен кездесті. 🗣Тараптар көмірсутекті өндіру, өңдеу және тасымалдау салаларындағы ынтымақтастық мәселелерін, сондай-ақ геологиялық барлау бағытындағы серіктестікті кеңейту мүмкіндіктерін талқылады. Атап айтқанда, Мемлекет басшысының қолданыстағы мұнай өңдеу зауыттарын жаңғырту, өндірістік қуаттарды барынша тиімді пайдалану және жаңа газ кен орындарын игеруді жеделдету жөніндегі тапсырмалары аясында жүзеге асырылып жатқан бірлескен жобалардың орындалу барысы қаралды. 🏭Жанармайға сұраныс тұрақты өсіп отырған жағдайда Шымкент мұнай өңдеу зауытының өндірістік қуатын 2030 жылға қарай 6 млн тоннадан 12 млн тоннаға дейін арттыру жобасы елдің энергетикалық қауіпсіздігін қамтамасыз ету үшін стратегиялық маңызға ие. Қазіргі уақытта техникалық-экономикалық негіздемені әзірлеу аяқталуға жақын. Сонымен қатар FEED/жобалау-сметалық құжаттаманы дайындау кезеңіне өту бойынша тиісті рәсімдер жүргізілуде. ҚМГ басшысы жобаның барлық жоспарланған кезеңдерін уақытылы іске асыру қажеттігін атап өтті. 🎺 Кездесу барысында Қазақстан – Қытай мұнай құбырларының өткізу қабілетін арттыру мәселесі де қозғалды. Шымкент мұнай өңдеу зауытының жаңғыртылуын ескере отырып, оны шикізатпен қамтамасыз ету мақсатында Кеңқияқ – Атырау мұнай құбырының өткізу қабілетін жылына 15 млн тоннаға, ал Кеңқияқ – Құмкөл құбырының қуатын 20 млн тоннаға дейін ұлғайту жоспарланып отыр. ҚМГ мен CNPC аталған мұнай құбырларын кеңейтуге арналған жобалық құжаттаманы әзірлеу жөнінде шешім қабылдады. ⚡️Ақтөбе облысындағы «Өріктау» жобасы аясында бірінші кезеңде, яғни биыл жыл соңына дейін шикі газдың өнімділік деңгейін жылына 200 млн текше метрге дейін жеткізу көзделіп отыр. Бұған қоса жобаның екінші кезеңі іске асырылып жатыр. Оны 2027 жылдың соңына дейін аяқтау жоспарланған. Жоба толық қуатына шыққан кезде жыл сайын 1 млрд м³ дейін газ өндіріледі. Бұған дейін хабарланғандай, кен орнында өндірілетін шикі газ Жаңажол мұнай-газ өңдеу кешенінде өңделеді. Бұл кешеннің операторы – «CNPC-Ақтөбемұнайгаз» АҚ. Орталық Өріктау кен орнының газ конденсатты бөлігінің қор көлемі 29 млрд м³ құрайды. ▪️Бұдан бөлек, Қызылорда облысындағы игеріліп жатқан кен орындарының табиғи сарқылуы жағдайында «Қазгермұнай» (ҚГМ) және «ПетроҚазақстан Құмкөл Ресорсиз» (ПҚҚР) компанияларының ресурстық базасын толықтыру және тұрақты жұмысын қамтамасыз ету шаралары талқыланды. ҚМГ бұған дейін ҚГМ мен ПҚҚР активтерінде барлау және қосымша барлау бойынша кешенді бағалау жүргізген болатын. Соның нәтижелерін ескере отырып, жаңа перспективті жер қойнауы учаскелерін игеруге тарту арқылы геологиялық зерттеулерді жандандыру қажет. ▪️Сондай-ақ тараптар «ПетроҚазақстан» компаниялар тобының кен орындарынан ҚГМ-ның өңдеу қуаттарына жылына 100 млн м³ дейінгі көлемде шикі газ жеткізу мүмкіндіктерін қарастырды. 📱 ҚазМұнайГаз