اعظم امصاب ـ عصرت الباب من فعل ناس ـ گالو اصحاب ضربو الزهره وصدگ شبعت اذيه ابيا ذنب تتكسـر اضـــلوع الزجيه ــــــــــــــ ــــــــــــــ ــــــــــــــ من دفعو عليها الباب             لاذت خلفه مجبوره وعصرو للنبي قران         وطاحت منه جم سوره شمس العافيه ابهل يوم        وسفه ابخدها مصطوره گطعو صوت الترتيل  صوت النعمه ماضلت عند الگوم     ذرة رحمه ماتت فاطم والكون    صاير ظلمه ابلايه تشريع ـ حقها سلبوه والنبي ابهاي ـ گلبه اذوه ناس ماعدهم ضمير ولاحميه ابيا ذنب تتكسر اضلوع الزجيه ــــــــــــــ ــــــــــــــ ــــــــــــــ باب البخت هذا الباب           ليش اتعمدو حرگه ومتون الزجيه بسوط            صارت بالضرب زرگه وسفه انفاس چن تسبيح            بالدخان مختـــــــنگه عافت بالدار ايتام   شيصبرهم وحنية كل الكون   راحت منهم مهضومين ينوحون   بفراش امهم وسفه الحنان ـ ضلو ايتام ودهر الاحزان ـ الهم اشضام حيل طـر اگلوبهم سهم المنيه ابيا ذنب تتكسر اضلوع الزجيه ــــــــــــــ ــــــــــــــ ــــــــــــــ حتماً مو بشر شيطان            المن الزهره يتشفه ويدري بهل امر يغضب           ربها. وشانها يعرفه الراضع من حليب ابليس            باقي البشر مو صنفه اتمادت جف الشر حيل   ويلي اعليها يدخل دون اســــــتأذان   ويأذيــــــها وبت اشــرف خلق الله    يعــــلم بيها والله ياناس ـ صعبه تنگال دخلو البيت ـ زمرة انذال والسقيفه الاسست هاي الرزيه ابيا ذنب تتكسر اضلوع الزجيه ــــــــــــــ ــــــــــــــ ــــــــــــــ غسلها وطلع ملجوم         حيدر ذابله ارسومه وچلمت ماتت الزهراء          موس اعرض ابلعومه محني وزينب الحوارء           امجلبه بطارف اهدومه دناها الصدره وحيل    گام يضمها زغيره وعذبها هواي     ياموت امها گوه ادموعه الكرار     ضل يگضمها صدره مخنوگ ـ والنفس ضاگ وســعرت بينه ــ نار الفــراگ يحچي وي روحه علي بكل مغريبه ابيا ذنب تتكسر اضـــــلوع الزجيه ــــــــــــــ ــــــــــــــ ــــــــــــــ حيدر شيعاها ابليل           ويجر بالنفس گوه الحيد الماهتز ابيوم           الشافه ايگول موهوه عافيته دفنها وضال            مــــــن الألم يتلوه شايل روحه ابتابوت    موش الزهره ســراً دافنها وغيض    تارس صــدره چن مو كبر ام حسين   حافــر گبره حيدر اليوم ـ ضهره مكسور طالع ابليل ــ يدفـــــن النور بروحه ضلت نار فرگتها سريه ابيا ذنب تتكسر اضلوع الزجيه ــــــــــــــ ــــــــــــــ ــــــــــــــ   ✍الخادم كامل السعيدي

امنه قـــــرأن المحنه امنه ديره تلمنه كلنه ادبتنه ـ وكبرتنه ـ لخدمة حسين ــــــــــــــــــــــــــــــــــ علمتنه امــــن الطفـوله وحزمتـنه اعله الطم وگالت اليخلص ابحــبه مـــــن جهــنم ينفطم امـنه كل مجلس تحضــره تگول ماريد انحرم ومن يمر طاري السبايه نشوها اشگد تنهظم اوياها تاخذنه بزغرنه تريدنه انوسم صدرنه ادبتنه ـ وكبرتنه ـ لخدمة حسين ــــــــــــــــــــــــــــــــــ ماكو بالعـالم مثـــلها أمــنه حيــل امعــــدله ولدللــــول بحــلگها اتگـــــــول آيـه مــــرتله دوم وكـت النــــــوم ألنه تروي قصـــة كربـله وكثر ما تبچـي المصــابه الشيله دوم امبلله العدها ابوالسجاد غالي ايصــــــير عالمها مثالي ادبتنه ـ وكبرتنه ـ لخدمة حسين ــــــــــــــــــــــــــــــــــ امنه مــن تدعي ابمسيه ابيتنه ايعم الســـلام ومــن كثـر طيــبة گلبها ايبض ابچفها الحمام امنه مثل الجمعه راحـــه نغفه يم ضلها وننام اشكد لذيذ امسامر امنه ويحلى وياها الكلام مــن نقص بالزاد تهتم نشوفها اتصيرلنه زمزم ادبتنه ـ وكبرتنه ـ لخدمة حسين ــــــــــــــــــــــــــــــــــ نســتراح بضحكه منــها ويا دفـوها البل حضـن والشجر من عدها ماخذ كل خضاره البل قصن النــوگ مــــن حنية امــنه تعلمت هالگـد تحـن مـن تعوف البيت لحظه ايصــير ابــد ما ينسكن امنه ياملح السوالف امنه ياستر المضايف ادبتنه ـ وكبرتنه ـ لخدمة حسين ــــــــــــــــــــــــــــــــــ ايعينه اللـه اليفـگد امــه ينچــوي ابنـار الهجـر ايصير كلشي بعينه ظلمه وتنطفي الوان الفجر ابكل مسـيه الشــــوگ ألها يگـوم بگليـبه يجر الترضه عنه امـه بحيــاته هــذا هوا اعظم اجر تسوه دنيه بمحتواها يرضـه بارينه الرضاها ادبتنه ـ وكبرتنه ـ لخدمة حسين ــــــــــــــــــــــــــــــــــ   ✍الخادم كامل السعيدي