በአዲሱ የወንጀል ሥነ ሥርዓትና የማስረጃ ሕግ ላይ የተሰጠው ሁለተኛ ዙር ሥልጠና ተጠናቀቀ አዲስ አበባ | ጥቅምት 29/2019 ዓ.ም. የፌዴራል ሕግና ፍትሕ ኢንስቲትዩት ከፌዴራል ጠቅላይ ፍርድ ቤት ጋር በመተባበር፣ በአዲሱ የወንጀል ሥነ ሥርዓትና የማስረጃ ሕግ ላይ ለፌዴራልና ለክልል ፍርድ ቤቶች ዳኞች የሰጠው ሁለተኛ ዙር ሥልጠና ተጠናቋል። ለሦስት ቀናት በቆየው ሥልጠና፣ የአዲሱ የወንጀል ሥነ ሥርዓትና የማስረጃ ሕግ ዋና ዋና ይዘቶች፣ የወንጀል ችሎት ክስ የሚሰማበት ሥርዓት፣ የማስረጃ አቀራረብና የማስረዳት ሸክም ሥርዓት፣ የወንጀል ጉዳዮች ውሳኔ የሚሰጥባቸው አማራጭ መንገዶችና መፍትሔዎች እንዲሁም የፍርድ ቤቶች የዳኝነት ሥልጣን ከወንጀል ፍትሕ አስተዳደር ጋር በተያያዙ ጉዳዮች ላይ ማብራሪያና ውይይት ተካሂዷል። በሥልጠናው መዝጊያ ላይ ንግግር ያደረጉት የፌዴራል ጠቅላይ ፍርድ ቤት ፕሬዝዳንት ጽሕፈት ቤት ኃላፊ አቶ ድሪባ ፈዬራ፣ አዲሱ ሕግ የያዛቸውን ለውጦች በተሻለ ሁኔታ ለመተግበር ዳኞች ቀድመው እንዲዘጋጁ ሥልጠናው የጎላ ሚና እንደነበረው ገልጸዋል። አቶ ድሪባ አክለውም፣ በአዲሱ ሕግ ላይ የሚሰጡ ሥልጠናዎች በዚህ ብቻ እንደማያበቁ ጠቁመው፣ በተለያዩ ርዕሰ ጉዳዮች ላይ ዝርዝር ሥልጠናዎች ወደፊት እንደሚዘጋጁ አስታውቀዋል። ================= ዘገባው፦ የሕዝብ ግንኙነትና ኮሙኒኬሽን ዳይሬክቶሬት ነው ! የፌዴራል የሕግና ፍትሕ ኢንስቲትዩት በድህረ ገጻችን፡- www.fjli.gov.et የዩቱብ ቻናላችን፡- www.youtube.com/@FederalLawandJusticeInstitute የፌስቡክ ገጻችን፡- web.facebook.com/profile.php?id=100078423697131 የቴሌግራም ቻናላችን፡- t.me/jlrtinet

https://youtu.be/ZMcTif8b2x0