Assalomu alaykum, barchaga! Kurslarimiz uchun 27CODE.UZ saytini ham yangicha formatda tayyorlayapmiz. Vaqtingiz bo‘lsa, kirib bir ko‘rib chiqinglar. Hozircha saytimizning boshlang‘ich versiyasi tayyor. Albatta, hali kamchiliklari bor, yaxshilashimiz kerak bo‘lgan joylari ham ko‘p. Inshaalloh, bularning hammasini vaqt o‘tishi bilan bosqichma-bosqich yaxshilab boramiz. Maqsadimiz shunchaki kurslar sotiladigan sayt qilish emas. Kelajakda uni katta ta’lim platformasiga aylantirish niyatidamiz. Odamlar bilim oladigan, o‘z ustida ishlaydigan va yangi imkoniyatlarga ega bo‘ladigan platforma bo‘lishini xohlaymiz. Hozircha kichik qadamlar bilan boshlayapmiz. Alloh nasib qilsa, hali oldinda rejalarimiz ko‘p. 🌐 27code.uz Kirib ko‘ringlar, fikr va takliflaringiz bo‘lsa, bemalol yozib qoldiringlar. Sizlarning fikrlaringiz biz uchun muhim!

Assalomu alaykum, barchaga! Ochig‘i, oxirgi 2–3 kundan beri offline o‘quv markazimizning ishlari bilan yugurib yuribmiz. Rostini aytsam, tashkiliy ishlarni qilish oson emas ekan. Ayniqsa, hammasini sifatli qilishga harakat qilsangiz, o‘ylaydigan narsalar juda ko‘p bo‘larkan. Qanday darslar o‘tamiz? Nimalarni o‘rgatamiz? Yaxshi ustozlarni qayerdan topamiz? O‘z ishining mutaxassislarini qanday jalb qilamiz? O‘quvchilarni qayerdan topamiz? Ularga qanday qilib haqiqatan ham foydali bilim bera olamiz? Shunaqa savollar bilan kunimiz o‘tyapti. Shu jarayonda bir narsani yana ham yaxshiroq tushundim: jamoa bo‘lishi juda katta ne’mat ekan. Yoningizda siz bilan bir maqsadda harakat qiladigan insonlar bo‘lsa, ancha yengil bo‘larkan. Allohga shukr, shu kungacha ham yomon natijalarga erishmadik. Ko‘p narsalarni o‘rgandik, xatolar qildik, tajriba orttirdik. Endi esa maqsadimiz bitta — keyingi bosqichga chiqish. Ko‘proq darslar, sifatliroq ta’lim, kuchliroq ustozlar va eng muhimi, o‘quvchilarimizga haqiqiy foyda beradigan o‘quv markaz qilish. Faqat kurs ochib, dars sotish emas, odamlar bizdan bilim olib, hayotida biror natijaga erishishini xohlaymiz. Buning uchun avvalo o‘zimiz ham ko‘proq o‘qishimiz, izlanishimiz va shu ishga munosib inson bo‘lishimiz kerak. Alloh nasib qilsa, hali oldinda yaxshi niyatlarimiz, katta rejalarimiz bor. Hozircha esa harakatdamiz. Qolgani Allohdan. 🤲

Endilikda yangiliklarni shu shakilda tayorlab bormoqchimiz nima deysizlar Link