Телеграм канал «IV Notes 💉»

💊 بروفين وأسبوسيد Don't Mix ❌

طبعاً كلنا عارفين إن الـ NSAIDs ليها Anti-platelet action، طيب اشمعنى دايماً الـ Aspirin هو اللي بيتم وصفه للغرض ده؟! 🤔

لأن الـ Aspirin irreversible على الـ Platelet، يعني بيقفلها ويمشي من الجسم خالص، وتفضل مقفولة زي ما هي لحد ما تموت.

عكس باقي الـ NSAIDs اللي هما Reversible، يعني بيقفلوها شوية وتفتح تاني وبدرجات مختلفة، يعني منهم اللي يقفلها ساعة أو اتنين أو عشرة وهكذا.

🧠 أولاً: عايزك تفهم حاجة!

الـ Low-dose Aspirin هو اللي بيشتغل كـ Anti-platelet، أما الـ Large dose مش هتفيدني أو ممكن تعمل العكس.

طب ليه؟ 🤔

الشرايين والدم يا جماعة واقعة تحت رحمة ميزان.. الميزان ده ليه كفتين:

🔴 كفة منهم اسمها Thromboxane A2 (TXA2) ودي بتعمل VC وبتنشط الـ Platelet.

🟢 وكفة منهم اسمها Prostacyclin (PGI2) ودي بتعمل العكس VD وبتقفل شغل الـ Platelet.

والحاجتين دول خد بالك هما أصلاً PGs، يعني مش كل الـ PGs بيعملوا VD زي ما كنت متخيل.

💡 الأسبرين Low dose هيقفل TXA2 فقط، والـ High dose هيقفل الاتنين.

لذلك أنا لو إديت Low dose هستفيد بأني معملتش تنشيط للـ Platelets ومحصلش VC.

يبقى مين المرضى اللي هيستفيدوا من العملية دي؟

الناس اللي بيجيلهم جلطات أو مرضى الضغط العالي! 😮

نعم!! ضغط عالي و NSAIDs!

إزااااي؟!

ما إحنا قولنا مش أي NSAID، لازم LDA، لأنه منع الـ VC وكمان مكنش بالجرعة الكافية إنها تعمل باقي المشاكل وتزود الضغط.

⚠️ طيب، مال البروفين ومال أم الحوار ده؟!

قولنا إننا بنوصف الـ LDA للناس اللي بيجيلهم جلطات عشان الـ Platelets متزودهاش.

البروفين زي ما قولت هو Reversible platelet blocker إن صح التعبير، بس مش Reversible بس، لأ ده Short term كمان، يعني يدوب بيقفلها حاجة بسيطة خالص وتشتغل تاني على طول.

هتقولي طيب إيه المشكلة؟ ما أخد الاتنين مع بعض وكل واحد يقفل اللي يقدر عليه!

هقولك لأ! ❌

مشكلة البروفين إنه لما هيخش هيقفل الـ Platelet، هييجي الأسبرين بعده يحاول يقفلها هيلاقي مين قاعد عليها؟ البروفين، فمش هيقدر يتكلم!

هيروح فين؟ هيخرج برة خلاص، ما إحنا قولنا إنه بيقفلها ويمشي وهي بتفضل مقفولة لحد ما تنتهي.

بس للأسف هو معرفش يقفلها ومشي وساب البروفين.

البروفين إدانا على قفانا وقعد شرب الشاي على الـ Platelet وخلص ومشي، الـ Platelet اشتغلت تاني والمسكينة اللي كانت واخداه وعندها جلطات الدنيا خربقت منها وجالها جلطات أكتر. 😅

🚨 الخلاصة المهمة

لذلك عيان ماشي على LDA لو اشتكى وقال آه يا ضهري، أوعى تقوله خد بروفين، لأنك فاهم دلوقتي إنه هيلغي شغل الأسبرين.

💊 طيب مين الـ NSAID اللي ممكن ميتعارضش مع الـ LDA؟

الـ Naproxen بتأثر على الـ Platelet، ولكنها Long term مش زي الـ Ibuprofen، وبالتالي بتقفل الـ Platelet فترة يمكن الاعتماد عليها.
أو لو مش متوفر معاك نابروكسين، ممكن ياخد البروفين بس بشرط يكون خد الأسبوسيد بتاعه الأول وانتظر ساعتين على الأقل قبل ما ياخد البروفين عشان الأسبرين يلحق يقوم بوظيفته قبل ما البروفين يدخل ✅

❤️ ومتنساش: الـ Selective COX-II هما أسوأ مسكنات على مرضى القلب، قولناها قبل كدة

💊 شوية تفاصيل حلوة عن الـ NSAIDs عشان تفهم المسكنات وتعرف تتصرف إزاي بناءً على فهمك كل واحد فيهم بيعمل إيه 👨‍⚕️

مبدئياً، المسكنات كل شغلها إنه COX inhibitors، وبالتالي هتقلل الـ PGs، والـ PGs هي اللي بتزود الـ Sensitization of pain receptors peripherally وبتوصل الـ Impulse of pain centrally.

وإحنا عارفين بردو إن الـ NSAIDs أنواع، منها:

🔹 Non-selective زي الأسبرين

🔹 Preferential COX-2 inhibitors زي الديكلوفيناك

🔹 Selective COX-2 inhibitors زي السيليكوكسيب

🧠 إيه الفرق بقى؟

هنعرفه لما نعرف كل واحد بيأثر على إيه، واللي بيأثر عليه ده كان في الأصل بيعمل إيه، وبالتالي هيحصل العكس.

🔸 الـ Non-selective بتأثر على COX-1 & COX-2

🔸 الـ Preferential بتأثر على COX-2 mainly & less effect on COX-1

🔸 الـ Selective بتأثر على COX-2

كدة عرفنا كل واحد بيأثر على إيه، طيب دور كل COX فيهم إيه بقى؟ 🤔

⚙️ وظائف الـ COX

🔹 COX-1:

Platelet aggregation

Inhibit gastric secretion

Preserve renal function

Inhibit asthma induced by NSAIDs

🔹 COX-2:

Pain

Inflammation

Fever

Patent ductus arteriosus

Preserve renal function

وبناءً على كل اللي فات في معرفة شغل الـ NSAIDs:

الـ Non-selective هيعكسوا كل الوظائف اللي أنا ذكرتها دي.

الـ Preferential هيعكسوا كل وظائف (( 2 ))، ولكن تأثيرهم ضعيف على وظائف (( 1 )).

الـ Selective هيعكسوا وظائف (( 2 )) فقط.

🔥 وبالتالي (( الزاتونة بقى ))

1️⃣ مشاكل المعدة 🫃

مشاكل المعدة هتحصل مع الـ Non-selective، وبشكل أقل مع الـ Preferential، ومش هتحصل مع الـ Selective إلا في حالة الـ Long-term use لأنها بتفقد الـ Selectivity.

2️⃣ مشاكل الكلى 🩺

مشاكل الكلى هتحصل مع كل أنواع المسكنات، حتى الـ Selective، لأنها بتتأثر بالـ COX-1 & COX-2.

3️⃣ مشاكل القلب ❤️

مشاكل القلب هتكون أقل مع الـ Non-selective لأنها بتقلل الـ TXA2، وبالتالي Inhibit the platelets ومنعت الـ VC، والمشاكل هتزيد مع الـ Preferential وهتوصل أقصاها مع الـ Celecoxib.

4️⃣ المسكنات ومرضى الـ Asthma 🫁

معروف إن عيانين الـ Asthma ممنوع عنهم المسكنات لأنها بتزود الـ Attack، عشان بتقفل طريق الـ COX وبتوجه كل الـ Mediators ناحية طريق الـ LOX اللي بيعمل الـ Asthma.

ولكن هل كل المسكنات ممنوعة؟

لأ، الـ Selective أمان أكتر لأن الـ Asthma بتشتغل على COX-1 فقط.

5️⃣ الـ Low-dose Aspirin والحمل 🤰

الـ Low-dose Aspirin لو الحوامل خدته، هل هيعمل Closure of ductus arteriosus؟

لأ، لأنه بيأثر على الـ TXA2 فقط، اللي هو من وظيفة الـ COX-1، والـ Ductus arteriosus بتتأثر فقط بالـ COX-2.

بس خلاص ❤️

🚗 دوار المواصلات (Motion Sickness)

الترجيع عشان يحصل، لازم الإشارة توصل للمخ، والمخ يدي قراره.

طيب الإشارة بتوصل إزاي؟ 🤔

مبدئياً، الترجيع واقع تحت تأثير مركزين، واحد فيهم مركز رئيسي والتاني السكرتير بتاعه! 😅

🔹 المركز الرئيسي: Vomiting Center (VC)
وده موجود جوة المخ، لأنه الرئيسي ولازم القرار يطلع منه.

🔹 المركز التاني: CTZ
وده السكرتير بتاع المركز الرئيسي، وموجود جنب المخ (( مش جوة ال BBB )).

في ناس عادية لازم يعدوا على السكرتير الأول (( CTZ )) وبعد كدة هو يدخلهم للرئيس (( VC )).

وفي ناس مهمة مبتعديش على السكرتير، بيدخلوا على الرئيس على طول، زي ال Motion sickness.

🧠 طيب إيه علاقة ده بدوار المواصلات؟

الـ Motion sickness ال Pathway بتاعه بيروح direct to vomiting center اللي عليه Histaminic and muscarinic receptors only.

لذلك اللي فعال فيه هي ال Antihistaminics and Antimuscarinics.

أما ال CTZ فعليه Dopamine receptors، وبالتالي اللي فعال عليه هو ال Anti-dopamine.

💊 ليه الـ Metoclopramide مش فعال في دوار المواصلات؟

ال Metoclopramide اللي هو البرمبران، وكل أدوية الترجيع العادية اللي بتقفل ال D2 على ال CTZ، مش هيكون ليها فاعلية في دوار المواصلات؛ لأن المشكلة أصلاً في ال Vomiting Center not CTZ.

فأنا لازم أدي حاجة تتعامل مع ال VC على طول.

💡 طيب هدي إيه في الـ Antihistaminic؟

لازم 1st generation antihistaminics، مينفعش 2nd generation؛ لأن ال 1st هي اللي بتقدر تعدي ال BBB، وال Vomiting Center جوة ال BBB، عكس ال CTZ اللي برة ال BBB زي ما قولنا.

وفي نفس الوقت مش أي 1st generation ينفع، ده حسب ال Clinical trials بقى، هنلاقي إن الأكثر فاعلية:

🔹 Promethazine مش متوفر أوي

🔹 Hydroxyzine مش متوفر أوي

🔹 Dimenhydrinate — في السوق اسمه درامينيكس

🔹 Diphenhydramine مش متوفر أوي

🔹 Cyclizine — في السوق اسمه إميتركس

🔹 Meclizine — في السوق اسمه نافوبروكسين

#By_Dr_Mo
#IV_Notes

4 دقائق بالظبط هتسمعهم مرة واحدة هتفهم إزاي تقدر تلعب بكل إحترافية في جرعات الإنسولين لعيان السكر سواء كان سكره مش متظبط على الإنسولين أو عنده مشاكل كلى أو كبد ممكن تؤثر على الجرعة بتاعته ✅

كمان هتعرف التارجت بتاعك في قياسات السكر سواء كان الصائم أو الفاطر أو التراكمي، وده لأن التارجت بيختلف من عيان للتاني، فهتعرف كل عيان هدفك فيه ايه بالظبط ✅

👇👇
https://www.facebook.com/share/v/1LoQtqm73Y/