#mulohaza_uchun #bilasizmi #maslahat Oxirgi paytlarda sun’iy intellekt bilan ishlash uslubim shu darajada o‘zgardiki, bu tajribamni sizlar bilan ham bo‘lishgim keldi. *** Ko‘pchilik ChatGPT’dan savol so‘rash, matn yozdirish yoki tarjima qilish uchun foydalanadi. Men ham avval shunday boshlaganman. Lekin hozir sun’iy intellekt bilan ishlash butunlay boshqa bosqichga chiqdi. Hozir men ishlayotgan IT loyihalarda bir vaqtning o‘zida bir nechta sun’iy intellekt modellaridan foydalanaman: GPT (loyiha miyasi), Claude (dasturchi-ishchi) va Codex (mustsqil taqrizchi). Ularning har biri o‘z vazifasiga ega. Masalan, GPT loyihadagi ishlarni rejalashtiradi, vazifalarni taqsimlashga yordam beradi va natijalarni nazorat qiladi. Claude esa dastur kodini yozadi, xatolarni topadi va tuzatadi. Codex esa bajarilgan ishni mustaqil tekshiradi. Ya’ni bir sun’iy intellekt bajargan ishni boshqasi nazorat qiladi. Buning uchun men maxsus Bridge, ya’ni sun’iy intellektlar va ish jarayonlari o‘rtasida ko‘prik vazifasini bajaradigan tizim ham yaratdim. Oddiy qilib aytganda, bu tizim turli sun’iy intellekt vositalarining bir-biri bilan muvofiqlashgan holda ishlashiga yordam beradi. Maqsadim har safar ma’lumotlarni biridan boshqasiga qo‘lda ko‘chirib yurmasdan, imkon qadar yagona boshqaruv tizimini tashkil qilish edi. Eng qiziq tomoni, endi GPT faqat maslahat berib o‘tirmaydi. U kompyuterda Chrome brauzerini ochishi, kerakli sahifalarga kirishi, tugmalarni bosishi, saytni sinab ko‘rishi va muammo qayerdaligini aniqlashga yordam berishi mumkin (mustaqil debugging). Oldin bularning ko‘pini kompyuter oldida o‘tirib, o‘zim bajarardim. Hozir esa ko‘p jarayonlarni iPhone orqali boshqarishim mumkin. Qayerda bo‘lishimdan qat’i nazar, topshiriq beraman, ish qanday ketayotganini kuzataman, natijalarni tekshiraman va kerakli qarorlarni tasdiqlayman. Bu yerda bitta qiziq texnik jihat ham bor: MacBook’im sleep mode, ya’ni uyqu rejimiga o‘tib qolmasligi kerak. Chunki ayrim sun’iy intellekt vositalari va jarayonlar aynan MacBook’da ishlaydi. Kompyuter uyquga ketsa, ular ham to‘xtab qolishi mumkin. Shuning uchun MacBook ishlashda davom etadi, men esa iPhone orqali jarayonlarni kuzatib, boshqaraman. Ya’ni kompyuter ishni bajaradi, telefon esa mening boshqaruv vositamga aylanadi. Masalan, hozirgi loyihamning Android va iPhone ilovalarini ishlab chiqish, xatolarini tuzatish, sinovdan o‘tkazish va yangi versiyalarini chiqarish jarayonida aynan shu uslubdan foydalanmoqdaman. Albatta, bu sun’iy intellekt hamma narsani xatosiz va mustaqil bajaradi degani emas. Hali ham inson nazorati, tekshiruv va muhim qarorlar uchun ruxsat kerak. Ba’zi jarayonlarni avtomatlashtirish ustida ham ishlayapman. Lekin eng katta o‘zgarish shundaki, endi men har bir texnik ishni o‘zim bajarishdan ko‘ra, turli sun’iy intellektlar ishini birgalikda tashkil qilish va boshqarishga ko‘proq vaqt ajratyapman. Bir necha yil oldin bunday ishlash uslubini tasavvur qilish ham qiyin edi. Hozir esa bu mening kundalik ish jarayonimning bir qismiga aylanib bormoqda. 📝 Manba: Dilshod Raxmat 👨🏻‍💻@itspecuz | Mundarija

JPG va PNG haqida 🔥 👍 Bizning barcha loyihalar

Arzon narxda sifatli noutbuk qidiryapsizmi ⁉️ https://t.me/OPTOM_LAPTOP Istalgan modeldagi Laptoplarni shu kanaldan topishingiz mumkin✔️