Телеграм канал «TDYU • KARYERA»

#tavsiya #mulohaza

⚖️ Bo‘lajak yurist, ismingiz ortida qanday kasbiy qiyofa bo‘ladi?

Yuridik fanlar doktori, professor B. Xodjayevning bir fikrlari yaqinda e’tiborimni tortdi: “Har bir olimning o‘z brendi bo‘lishi kerak.”

Bugun uni faqat olimlarga emas, o‘z karyerasini qurayotgan yuristlarga ham tegishli deb hisoblash mumkin. Chunki hozirgi mehnat bozorida “men yuristman” degan ta’rifning o‘zi tobora kamlik qilmoqda. Muhimi, sizning aynan qaysi bilim va ko‘nikmangiz bilan ajralib turishingiz.

Balki siz mehnat huquqini yaxshi bilarsiz. Ehtimol, korporativ nizolar, advokatura, jinoyat huquqi yoki xalqaro huquq sizga yaqinroqdir. Yana kimdir raqamli huquq, sun’iy intellekt, intellektual mulk, gender tengligi yoki ijtimoiy ta’minot masalalarini o‘zining asosiy yo‘nalishiga aylantirishi mumkin. Menimcha, kasbiy o‘zlik aynan shunday tanlovlardan boshlanadi.

Yillar o‘tishi bilan sizni muayyan yo‘nalishdagi bilim va qarashlaringiz orqali tanishsa, bu allaqachon kasbiy mavqening shakllanayotganidan dalolat beradi. Odamlar biror masala yuzasidan “shu yuristning fikrini ham ko‘rish kerak” deb murojaat qila boshlashi ham katta natija.

Lekin bu yerda bir nozik jihat bor. O‘zini tanitish boshqa, o‘ziga nufuz yaratish boshqa. Ijtimoiy tarmoqlarda ko‘rinish, ko‘p obunachiga ega bo‘lish yoki faol postlar yozish insonni mashhur qilishi mumkin. Ammo haqiqiy professional obro‘ buning o‘zidan paydo bo‘lmaydi. Obro‘ vaqt talab qiladi. U bilim, mehnat, halollik, amaliy tajriba, ilmiy izlanish, yozilgan maqolalar, bildirilgan fikrlar va odamlar uchun yaratilgan real qiymat orqali shakllanadi.

❗️ Shuning uchun yosh yuristlarga bir narsani tavsiya qilgan bo‘lardik: hamma yo‘nalishni yuzaki egallashga intilishdan ko‘ra, o‘zingiz tanlagan bir sohada chuqurlashishga harakat qiling. Chunki bir kun kelib, sizni shunchaki “yurist” deb emas, ma’lum bir masala bo‘yicha murojaat qilinadigan mutaxassis sifatida bilishlari — karyerangizdagi muhim bosqich bo‘ladi.

Yana bir savolni o‘zimga ham, boshqa yurist va olimlarga ham berib ko‘rish qiziq: Agar bugun ismimizni Google’da qidirishsa, biz haqimizda qanday professional tasavvur paydo bo‘ladi❓

Qaysi yo‘nalishdagi ishlarimiz ko‘rinadi? Qanday fikrlarimiz esga tushadi? Ilmga yoki kasbga qanday hissa qo‘shganimizni odamlar nimalar orqali biladi? Menimcha, shaxsiy brendning eng muhim jihati ham shu. U sizning o‘zingiz haqingizda nima deganingiz bilan emas, yillar davomida qilgan ishlaringiz siz haqingizda nima deyishi bilan belgilanadi. Oxir-oqibat, insonning nomi emas, uning nomi ortida qolgan mazmun qadrlanadi. Yaratilgan bilim. Aytilgan va amalga oshirilgan g‘oyalar. Tarbiyalangan shogirdlar. Va kasb hamda ilmda qoldirilgan iz.

Balki olim va yurist uchun eng munosib “brend” ham aynan shudir.

✍️ Ismoilova Aziza Alisherovna,
Mehnat huquqi sho’basi katta o’qituvchisi, yuridik fanlar bo‘yicha falsafa doktori (PhD).

👮‍♂️ Karyerangizni biz bilan rivojlantiring!
Karyera — yuristlar uchun bo‘sh ish o‘rinlari

#vakansiya #Toshkent

📣 JURU xalqaro muhandislik va konsalting kompaniyasi shartnomalar bo'yicha mutaxassis (Contracts Specialist) lavozimiga ishga taklif qiladi. Bitiruvchilar ham ko'rib chiqiladi.

📌 Talablar:
🟣 yuridik oliy ma'lumot (LLB yoki unga teng);
🟣 ish tajribasi shart emas, moot court yoki amaliyot tajribasi ustunlik;
🟣 javobgarlik chegarasi, kafolat va sug'urta kabi tushunchalarni bilish;
🟣 Excel'da ishonchli ishlay olish;
🟣 ingliz tili erkin (majburiy), rus va o'zbek tillari ustunlik;

📌 Majburiyatlar:
🟢 xizmat ko'rsatish, mehnat, korporativ shartnomalar va NDA'larni tayyorlash;
🟢 hamkorlar va subpudratchilar bilan muzokaralar olib borish;
🟢 shartnomalar ijrosi va muddatlarini nazorat qilish;
🟢 shartnomaviy xatarlar va nizolarni hal qilish;
🟢 shartnoma shablonlarini yangilab borish;

📍 Toshkent shahri, ofisda;

🔗 Batafsil: LinkedIn havolasi

✈️ Qo'shimcha ma'lumot olish uchun: +998 50 073 09 17

👮‍♂️ Karyerangizni biz bilan rivojlantiring!
Karyera — yuristlar uchun bo‘sh ish o‘rinlari

📢 ISHGA TAKLIF!

🏢 “RESPUBLIKA INKASSATSIYA XIZMATI” MChJ YURIST lavozimiga nomzodlarni taklif etadi.

Asosiy vazifalar:
🟠 mehnat, fuqarolik va iqtisodiy huquq masalalari bo‘yicha hujjatlar tayyorlash;
🟠 shartnomalar va boshqa huquqiy hujjatlarni ekspertizadan o‘tkazish;
🟠 da’vo va talabnomalar tayyorlash;
🟠 sud va boshqa davlat organlarida Jamiyat manfaatlarini himoya qilish;
🟠 qonunchilikdagi o‘zgarishlarni tahlil qilish va tegishli takliflar tayyorlash.

Nomzodga qo‘yiladigan talablar:
🎓 Oliy yuridik ma’lumot;
🟠 O‘zbekiston Respublikasi qonunchiligini, xususan fuqarolik, mehnat, iqtisodiy protsessual va shartnoma huquqini yaxshi bilish;
🟠 huquqiy hujjatlarni savodli va asoslantirilgan tarzda tayyorlay olish;
🟠 O‘zbek tilini mukammal bilish; rus tilini bilish ustunlik beradi;
🟠 Mas’uliyatlilik, tahliliy fikrlash va jamoada ishlash qobiliyati.

📝 Lavozimga qiziqqan nomzodlardan quyidagi so‘rovnomani to‘ldirish so‘raladi:

👇 So‘rovnomani to‘ldirish:
🔗 HAVOLASI

📍 O‘z imkoniyatingizni sinab ko‘ring va munosib ish o‘rniga ega bo‘ling!

👮‍♂️    Karyerangizni biz bilan rivojlantiring!
Karyera — yuristlar uchun bo‘sh ish o'rinlari

#vakansiya #Toshkent

📣 “DARUL FATH LAW FIRM”advokatlik firmasi advokat yordamchisi lavozimiga ishga taklif qiladi.

📌 Talablar:
🟣 yuridik oliy ma'lumot (huquqshunoslik yo'nalishi);
🟣o'zbek va rus tillarida erkin muloqot qila olish;
🟣 hujjatlar bilan ishlash ko'nikmasi;
🟣 mas'uliyatlilik va maxfiylikka rioya qilish.

📌 Vazifalar:
🟢yuridik hujjatlar, ariza va shikoyatlarni tayyorlashda yordam berish;
🟢sud ishlari va muzokaralar uchun materiallar tayyorlash;
🟢 mijozlar bilan muloqot va hujjatlar ro'yxatini yuritish;
🟢 advokatning topshiriqlarini bajarish;

📌 Biz taklif etamiz:
🟣 tajribali advokat rahbarligida kasbiy o'sish imkoniyati
🟣 rasmiy ish joyi va barqaror maosh;
🟣 qulay ish muhiti;

📍 Toshkent shahri, Yakkasaroy tumani, Yakkasaroy ko'chasi 5A-uy

✈️ Murojaat uchun: @Odilov_M1

👮‍♂️    Karyerangizni biz bilan rivojlantiring!
Karyera — yuristlar uchun bo‘sh ish o'rinlari

#vakansiya #Toshkent

📣 Azizova Education jamoasiga rus tilida dars bera oladigan Huquq fani o‘qituvchisi ishga taklif etiladi.

🇷🇺 Ta’lim tili: rus tili

📌 Talablar:

🟣 oliy yuridik ma’lumot;
🟣 huquq sohasida yetarli bilim va amaliy ko‘nikma;
🟣 rus tilida erkin va tushunarli dars o‘ta olish;
🟣 21 yoshdan katta bo‘lish;
🟣 mas’uliyatli, izlanuvchan va rivojlanishga intiluvchan bo‘lish.

📌 Vazifalar:

🟢 huquq fanidan sifatli va zamonaviy dars mashg‘ulotlarini olib borish;
🟢 murakkab huquqiy tushunchalarni o‘quvchilarga sodda va tushunarli tarzda yetkazish;
🟢 o‘quvchilarning bilim va natijalarini oshirishga ko‘maklashish.

✈️ Murojaat uchun: obyektivkangizni Telegram orqali @Azizov_RS manziliga yuboring.

📞 +998 90 744 52 66

📍 Toshkent shahri, Shayxontohur tumani, Samarqand Darvoza, Qoratosh 32A

👮‍♂️    Karyerangizni biz bilan rivojlantiring!
Karyera — yuristlar uchun bo‘sh ish o'rinlari

#vakansiya #Toshkent

📣 CodexAcademy o'quv markazi tarix fani o'qituvchi (rus guruhlar uchun) lavozimiga ishga taklif etadi!

📌 Talablar:

🟢 21 yoshdan katta bo‘lishi;
🟢 kamida 2 yillik ish tajribasiga ega bo‘lishi;
🟢 o‘quvchilari bilan samarali natijalarga erishgan bo‘lishi;
🟢 rus tilida erkin dars o‘ta olishi.

📌 Taklif:

🟣 kasbiy rivojlanish va o‘sish imkoniyati;
🟣 ahil va samimiy jamoada faoliyat yuritish;
🟣 qulay ish joyi va sharoitlar.

💸 1 500 000 so‘mdan 8 000 000 so‘mgacha.

📞 +998 50 890 3003

✈️   @codexqabul
rezyumeni telegram orqali yuboring.

👮‍♂️    Karyerangizni biz bilan rivojlantiring!
Karyera — yuristlar uchun bo‘sh ish o'rinlari

#vakansiya #Toshkent

📣 "MILLIY HUQUQ MAKTABI" o'quv markazi huquq-tarix fani o'qituvchi (rus guruhlar uchun) lavozimiga ishga taklif etadi!

📌  Talablar:

🟣 yosh chegarasi: 18-30 yosh;
🟣 huquq va tarix fanlaridan yuqori darajadagi bilim;
🟣 tarix fanidan milliy sertifikat (ustunlik beradi);
🟣 faollik, ma'suliyatlilik va jamoa bilan ishlash ko'nikmasi;

📌  Taklif qilinadi:

🟢 munosib oylik ish haqi;
🟢 ahil va do'stona jamoa;
🟢 moslashuvchan ish grafigi;
🟢 shaxsiy va professional o'sish imkoniyati;

⏰ 6/1, 14:00 dan 20:00 gacha

📍 Shayxontohur tumani ( Qoratosh ko'chasi)

✈️ Murojaat uchun: @Milliyhuquqmaktabi_admin

👮‍♂️    Karyerangizni biz bilan rivojlantiring!
Karyera — yuristlar uchun bo‘sh ish o'rinlari