Працягваю рабіць праект Brevly, які павінен спрасціць усю валакіту і бюракратыю для ініцыятараў і удзельнікаў брэветаў. Праект атрымаўся даволі масштабным, таму давялося шукаць спосабы паскорыць яго распрацоўку, бо займацца ім атрымліваецца толькі ў свабодны ад працы і іншых абавязкаў час. Таму пазваў на службу ШІ агентаў, каб яны рабілі розныя дробязі, пакуль я заняты. І атрымалася такая схема, дзе Gemini ў мяне – Product Owner, у яго вілікі кантэкст, які дазваляе трымаць шмат фактаў адразу і добра планаваць працу, ну і таму што код піша ён не вельмі. Claude Code у нас Team Lead, які робіць самыя складаныя задачы, і яшчэ робіць тэхнічны грумінг задач для middle-распрацоўшчыка. Codex адказвае за якасць і робіць code review, ён Senior. А DeepSeek у нас той самы middle, які робіць розныя дробязі (бясплатна). Ну а я пакуль што кірую гэтым усім і гляджу на вось такі дашборд, але ў планах паскорыць і гэты кавалак, каб быў яшчэ project manager, які будзе кіраваць агентамі і даваць ім задачы.