Ад Крыштальнай ночы да добрасуседзтва Майстар-клас з рэфлексій і калажамі/ 8 лістапада, Варшава Мы, мігрант:кі ў Польшчы, ведаем, што такое мігрантафобія: яна ў навінах, у камэнтарах, у паведамленьнях пра напады. Бывае страшна. Але гэта не ўся праўда пра наша жыцьцё тут. Бо ёсьць і іншае. Суседка, якая вітаецца з намі на лесьвіцы, хоць мы ня ведаем яе імя. Сусед, які прытрымаў дзьверы ці ўсьміхнуўся нашаму дзіцяці. Пані ў ліфце з яе «Dzień dobry». Гэта малыя знакі, і яны кажуць: «я цябе бачу, ты тут свой/свая/свае». Іх больш, чым здаецца, проста на фоне трывогі мы іх не заўважаем. Напярэдадні 9 лістапада, гадавіны Крыштальнай ночы, мы памятаем, што лёс «чужых» залежыць ад таго, ці бачаць у іх суседзяў. І выбіраем засяродзіцца на тым, што нас аб’ядноўвае: на добрасуседзтве як штодзённай практыцы, якую можна заўважаць, умацоўваць і ствараць. На майстэрні мы: 🌿️️️️️️ у бясьпечнай прасторы назавём тое, што нас трывожыць, каб адпусьціць і рушыць далей; 🌿️️️️️️ узгадаем малыя знакі добрасуседзтва ў нашым жыцьці; 🌿️️️️️️ зробім калажы са станоўчымі вобразамі добрасуседзтва: якім яно ёсьць і якім мы хочам яго бачыць; 🌿️️️️️️ кожная і кожны забярэ з сабой свой калаж і адзін просты крок на наступны тыдзень. Ня трэба ўмець маляваць: часопісы, фота, тэкстуры і словы прынясём мы. Можна прынесьці і свае выразкі, фатаграфіі ці рэчы, якія для вас пра дом і суседзтва. Шукаем агульнае, наладжваем кантакт і застаемся сабой. 📍 Варшава 📅 8 лістапада (нядзеля) 🕐 13:00–16:30 ✍️ Просім запоўніць анкету да 5 лістапада: https://forms.gle/wr1NiEBe8B2GBhvE8