أوصيكم يربعي ضلع الزهرة ضلعي وهيه شوفي وعيوني هيه كلشي بيه وروحي البين اديه ومن تاذوها تاذوني إنا اعطيناك الكوثر واليبغضها جاهل أتبر @@@@ أبوها انا وأدگ الباب كلما سيرت ليها وأظلن واگف اعله الدار وتأذنلي اتانيها باچر لو گضه عمري شو لحد يأذنيها الرايد يرضي رب الكون الزهره خله يرضيها انه نبي الرحمه وأگل للزهره يمه امي انا اسميها شبعتني محنه العيشه وياها جنه بري مني اليأذيها ليزعلها حتماً يخسر واليبغضها جاهل ابتر @@@@@ انا لو چنت گاعد وزارتني أكوملها وعن أبچاني اتزحزح وأخلي گعدتي ألها ومو هي التقبلني أول انا اقبلها شكو حسره بوسط گلبي شوفت فاطمة تحلها ونست روحي يمها بيها ريحة امها باچر عگبي راعوها يرد روحي حچيها هاي أمُّ أبيها مو بعدي تأذوها لمن صارت گلبي استبشر واليبغضها جاهل ابتر @@@@ مو قصة ابوها انا وهي بنتي لا أكبر ولا قصة ابنها حسين ولا قصة مرة حيدر فاطم واليزعلها خصمه انا بالمحشر اليبغض فاطمة الزهرة بس الجاهل الأبتر انا بكلشي ادري امبلل بعده گبري وضلع بنتي تكسرونه وياكم كلشي يفيد تدفع بابي چم ايد بحطب بابي تحرگونه بأسفل نار بيوم المحشر واليبغضها جاهل أبتر @@@@@@ بيوت الله أذن ليها بيها ينذكر اسمه وبيت الزهره مو أي بيت بيت الرأفه الرحمة الچف الچنت أقبّل بي البحرگ بابها يلچمه الصدر البي يعيش حسين ليش الظالم يهشمه اتظل الزهره مابين باب ودمعة حسين ودمها تارس العتبه تظل بخدها اثار والمصيوبه بسمار النفس من يشهگه يتعبه جم ضلع امن الزهره اتكسر واليبغضها جاهل ابتر مرتضى الربيعي

يالعفتيني وحدي أبين الآهات كون وياج يا زهره علي مات بعد شلّي بالعمر وأنتي صرتي بالگبر ......... يا روحي ودفنت بإيدي روحي بلا عينج بعد شيبطله نوحي عگبج ماكو أي دوّه لجروحي ما ادريها روحي هيج هلكد تحمل فراگج والمفروض ميت انا بأول لحظه بغيابج لو گلتيلي ضلعج صابه بسمار چا حيدر توفه بأول إنهار من حياتي شأنتظر وانتي صرتي بالكبر ........ شلون اتحمليتي هاي الأيام يجرين النفس چن جرت اسهام والمكسور ضلعه يموت لو نام زغيره بعدج وباب الجذوع الفوگج اثگيله لو طاحت على زلمه بثگلها هم تهد حيله اتلثمية نفر وانتي ورا الباب حگه ضلعج من العصره ما طاب كون بضلوعي الكسر وانتي صرتي بالگبر ......... چفي بالغسل من لاح ضلعج ميته لچن ونيتي أسمعج ما ادري ترا ضلعج يوجعج والاكثر فجعني فاطمة والهيج أحزاني شبيها حمره عينج خاف مجروحه بجرح ثاني كلشي يهون لاچن هاي متهون جفنج ليش صاير أحمر اللون خاف خدج منسطر وانتي صرتي بالگبر .......... بيه شلون وانتي ماكو يمي اندفنتي وبيه بعده يجري دمي من ابعيد بيه انشاف همي علي وحده غريب ومنحني من فرگتج طوله علي القالع الباب بموتتج گامو يتجوله النهر ينشف وانا دمعي ميجف بس اوصل لداري طولي من الحزن يرجف دمعي بعيوني شكثر وانتي صرتي بالكبر

ابو الحسنين مو نفسه التعرفينه ترا دموعه بعد ما فارگت عينه ....... اتمنى تگعدين و تشوفيني وعيونج بعد ماظن تعرفيني يالزهره الهوا بفرگاچ يلويني لسابع جار يوصل نوحي وونيني الذلت هيبة الفرسان چفينه ترا دموعه بعد ما فارگت عينه ........... شفتج بالغسل وتغيرت احوالي يمي موسده ومو انتي حسبالي أمدد ثوب يمي توقعت خالي وشلت الچفن لنچ انتي الگبالي على مصابج علي بس الله اليعينه ترا دموعه بعد ما فارگت عينه ............. اغسلچ گمت اهيل الماي ودموعي سمعتج صحتي اه ورجفت فروعي بالك علي لا تتدنه لضلوعي يا روحي اعله حالة فاطمة لوعي فرگتج يالزجية بينت بينه ترا دموعه بعد ما فارگت عينه ............... نعشچ شلته بس شايل جبل چني انتي مو ثگيلة بس هدل متني انحنيت وبس ضوه عيونج يعدلني حيدر انا بس فرگاج كبرني علي الما يوم واحد سامع ونينه ترا دموعه بعد ما فارگت عينه ............. يعرفني شلوني اليسألني شلوني من يوم الفگدتج منخطف لوني فرگتج يالزجية مبينه بعيوني ويجاوبهم دمع عيني الينشدوني الچان وياج هسه احواله مو زينه ترا دموعه بعد ما فارگت عينه مرتضى الربيعي