Yaqin 5 yilda xitoy tiliga talab keskin oshsa kerak Bugun mahalla bo‘ylab biroz tungi sayr uyushtirgandim. Ilgari unchalik e’tibor bermagan bir holatga guvoh bo‘ldim. Kuzatishimcha, mahallamizdagi mehmonxonalarning 80–90 foizi xitoyliklar tasarrufiga o‘tgan. Mahallada xitoy milliy taomlari tayyorlanadigan maskanlar soni osh tayyorlanadigan joylardan kam emas, balki ko‘proq ham bo‘lishi mumkin. Eng hayron qoldirgani esa ayrim oziq-ovqat do‘konlarda o‘zbeklardan ko‘ra xitoyliklar ko‘proq edi. Xitoyliklar kelayotgani, qaysidir ma’noda xitoy mahallalari shakllanayotgani quvonarli holat. Chunki ular pul va bozor bor joyga oshiqadi. Ammo, bu qadar tez kirib kelishayotgani qoʻrqinchlidek ham. Ishqilib, Xitoy tilini oʻrganinglar. Surat: Shaxsiy arxiv. @hisperspective

Ahost qiziq domen zonasida aksiya o‘tkazayotgan ekan Boshidan aytib qo‘yay, bu post uchun Ahost menga bir tiyin ham bermadi. Shunchaki o‘zimga qiziq ko‘ringani uchun sizlarga ham aytay dedim. Xullas, Ahost’dagilar .CV domen zonasida nomlarni ro‘yxatdan o‘tkazishga chegirma qilishibdi. Birinchi yil uchun narx 34 ming so‘m ekan. Bu summaga Kabo-Verde reyestrida ro‘yxatdan o‘tkazish haqi ham kirar ekan. Ish topish yoki e’lon joylashtirish platformasini qilayotgan yoxud qilish niyatida bo‘lgan birodarlar bo‘lsa, ajoyib domen nomlari bo‘sh turibdi, ovolinglar. Ishqilib, Kabo-Verde men uchun bu yilgi JChning topilmalaridan biri bo‘ldi. Domen zonasi ham ajoyib ekan. Surat: Ekran tasviri. @hisperspective

Ayollar huquqlarini erkaklar ko‘proq so‘rashi, talab qilishi, qadrlashi muhim Akalar, ukalar, otalar, erlar hammasi hayotining qaysidir bir jabhasida o‘ziga muhim ayol qadriyatlari uchun kurashadi. Deylik u ayol yori, onasi, opasi, singlisi yoki suyukli qizi bo‘lishi mumkin va bu to‘g‘ri, menimcha albatta. O‘zbek mediasida ayollar huquqi haqida ko‘proq gapirgan hamda yodimda qolganlardan biri Mirshakar Fayzullayev. Ayniqsa, uning: “Nega biz 1,5 yoshli qizchani boshiga sochiq tashlab kelin salom qilishni oʻrgatamiz?” degan savoli juda oʻylashga majbur qilarli edi. Bu kurashning yana bir chiroyli ifodasi o‘zbek repida ham sezilmoqda. Reper Konsta o‘z leybli qoshida Q.zlar guruhini tashkil etib, musiqiy treklar orqali jamiyatga samimiy va chuqur g‘oyalarni yetkazmoqda. Quyida ularning trekidan satrlar: Ojiza haqida tasavvuring bo‘lar vayron, Qo‘limdan kelgani o‘zimni qiladi hayron. Ishqilib, o‘zbek yigitlari o‘zgaryapti hamda o‘zbek mediasi yumshoq kuchdan foydalanishni asta-sekin o‘rganmoqda. Ajoyib bu. @hisperspective