🌧️ “ဘာဖြစ်နေလဲ?” လို့ မေးရင် မဖြေတတ်ဘူး… စိတ်ထဲမှာ အဆင်မပြေနေဘူးဆိုတဲ့ ခံစားချက်မျိုး ကြုံဖူးလား? ဝမ်းနည်းနေတာလားဆိုတော့လည်း အတိအကျ မပြောတတ်ဘူး။ ပင်ပန်းနေတာလားဆိုတော့လည်း အဲဒီတစ်ခုတည်း မဟုတ်သလိုပဲ။ အလုပ်မှာ စိတ်မပါဘူး။ စကားပြောချင်စိတ်လည်း မရှိဘူး။ တစ်ယောက်ယောက်ကို ပြောပြချင်ပေမယ့် ဘယ်ကနေ စပြောရမလဲ မသိဘူး။ အဲဒီလို ကိုယ့်ခံစားချက်ကို ကိုယ်တိုင်တောင် နားမလည်နိုင်သေးတဲ့ အချိန်မျိုး ရှိတတ်ပါတယ်။ ရှင်းရှင်းလင်းလင်း မပြောပြတတ်သေးလို့ ကိုယ့်ခံစားချက်တွေက အရေးမပါတာမျိုးတော့ မဟုတ်သေးပါဘူးနော်… တစ်ခါတလေ “ဒီလိုမခံစားရအောင် ဘာလုပ်ရမလဲ?” ဆိုတဲ့ အဖြေကို အမြန်ရှာဖို့ထက် “အခု ငါ ဘာခံစားနေရတာလဲ?” လို့မေးကြည့်ဖို့ လိုနေတတ်ပါတယ်။ “အဆင်မပြေဘူး” ဆိုတဲ့ စကားလေးရဲ့ နောက်မှာ… 💭 “မဖြစ်သေးတဲ့ကိစ္စတစ်ခုအတွက် စိတ်ပူနေတာ ဖြစ်မယ်။” 💭 “မျှော်လင့်ထားသလို မဖြစ်ခဲ့လို့ စိတ်ပျက်နေတာ ဖြစ်မယ်။” 💭 “ကိုယ့်ကို နားလည်ပေးမယ့်သူ မရှိသလို ခံစားရလို့ အထီးကျန်နေတာ ဖြစ်မယ်။” ဆိုတဲ့ ခံစားချက်တွေ ရှိနေနိုင်ပါတယ်။ တစ်မျိုးထက်ပိုပြီး ရောထွေးနေတာလည်း ဖြစ်နိုင်ပါတယ်။ 🧠 ဒီလို ခံစားချက်တွေကို စကားလုံးနဲ့ ဖော်ပြပေးတာကို Affect Labeling လို့ ခေါ်ပါတယ်။ “အဆင်မပြေဘူး” လို့ပဲ သိနေရာကနေ “ငါ စိတ်ပူနေတာပါလား” လို့ ခွဲခြားသိလာတာက ကိုယ့်အတွင်းမှာ ဖြစ်နေတာကို နားလည်ဖို့ အစလေးတစ်ခု ဖြစ်နိုင်ပါတယ်။ ခံစားချက်ကို နာမည်တပ်လိုက်တာနဲ့ ပြဿနာအားလုံး ပြေလည်သွားမှာတော့ မဟုတ်ပါဘူး။ ဒါပေမယ့် ကိုယ်ဘာခံစားနေရလဲဆိုတာကနေ ကိုယ်ဘာလိုအပ်နေလဲဆိုတာကို ဖြည်းဖြည်းချင်း ဆက်စဉ်းစားကြည့်လို့ ရပါတယ်။ 🌿 ဒီနေ့ ကိုယ့်စိတ်ကို နားထောင်ဖို့ အချိန်ခဏလေး ပေးပြီး ဒီစာကြောင်းတွေကို ဖြည့်ကြည့်ပါဦး။ ✏️ အခု ငါခံစားနေရတာက ______။ စိတ်ပူတာ၊ ဝမ်းနည်းတာ၊ စိတ်ပျက်တာ၊ အထီးကျန်တာ… ကိုယ့်ခံစားချက်နဲ့ အနီးစပ်ဆုံး စကားလုံးလေးဆို ရပါပြီ။ ✏️ ဒီခံစားချက်နဲ့ ဆက်စပ်နေနိုင်တာက ______။ အကြောင်းရင်းကို မသိသေးရင် “မသေချာသေးဘူး” လို့ ရေးထားလည်း ရပါတယ်။ ✏️ အခု ငါလိုအပ်နေတာက ______။ ခဏအနားယူဖို့လား။ တစ်ယောက်ယောက်က နားထောင်ပေးဖို့လား။ ကိုယ့်အတွက် အေးအေးဆေးဆေး နေချိန်လေးလား။ ဒီမေးခွန်းလေးတွေက အခုအချိန်မှာ ကိုယ့်စိတ်က ဘယ်လိုရှိနေလဲဆိုတာ သိခွင့်ပေးတဲ့ မေးခွန်းလေးတွေပါ။ ကိုယ့်ခံစားချက်ကို ချက်ချင်း နားမလည်နိုင်သေးရင်လည်း ရပါတယ်။ “ငါ နားထောင်ပေးနေပါတယ်” ဆိုတဲ့ သဘောထားလေးနဲ့ ကိုယ့်ကိုယ်ကိုဆီ ပြန်လှည့်ကြည့်ပေးပါဦး။ 💛 💬 ဒီနေ့ သင့်ခံစားချက်ကို စကားလုံးတစ်လုံးနဲ့ ဖော်ပြရမယ်ဆိုရင် ဘာဖြစ်မလဲ? #HonestHour #EmotionalAwareness #KnowYourBrain #MentalWellbeing

🪔 မင်္ဂလာရှိသော သီတင်းကျွတ်လပြည့်နေ့ ဖြစ်ပါစေ 🪔 ဆီမီးအလင်းရောင်တွေ ထွန်းလင်းတောက်ပနေတဲ့ သီတင်းကျွတ်လပြည့်နေ့ အခါသမယမှာ အားလုံးရဲ့ စိတ်နှလုံးမှာလည်း နွေးထွေးမှုအလင်းရောင်တွေ ပြည့်ဝနေပါစေလို့ Honest Hour မှ ဆုမွန်ကောင်းတောင်းအပ်ပါတယ်။ 🤍 ချစ်ခင်ရသူတွေနဲ့အတူ နွေးထွေးတဲ့ အချိန်လေးတွေကို မျှဝေနိုင်ကြပြီး ကျေးဇူးရှိသူတွေကို ဂါရဝပြုရင်း ကြည်နူးဝမ်းမြောက်မှုတွေ ရရှိကြပါစေ။ လာမယ့်နေ့ရက်တိုင်းကို စိတ်အေးချမ်းသာစွာ ဖြတ်သန်းနိုင်ကြပြီး ကိုယ်စိတ်နှစ်ဖြာ ကျန်းမာချမ်းသာကြပါစေကြောင်း Honest Hour မိသားစုမှဆုမွန်ကောင်းတောင်းလျက်… #HonestHour #သီတင်းကျွတ်လပြည့်နေ့ #Thadingyut