Телеграм канал «HERBİ_AZERBAİJAN»

🇹🇷 Türkiyədə polkovnik Özlem Karapınar ölkənin Hərbi Hava Qüvvələrinin tarixində general hərbi rütbəsini alan ilk qadın olub.

Karapınarın hərbi rütbəsinin artırılması ilə bağlı qərar Ali Hərbi Şuranın Türkiyə Prezidenti Rəcəb Tayyib Ərdoğanın sədrliyi ilə keçirilən iclasında qəbul edilib.

🇹🇷Türkiyə mediası Azərbaycan prezidentinin köməkçisinin fikirlərini təhrif edib

Hikmət Hacıyev:

● Azərbaycanda səfərdə olan Türkiyə media nümayəndələri ilə maraqlı görüşümüz baş tutdu.

● Amma təəssüflə qeyd edirəm ki, “Türkiye Gazetesi”nın jurnalisti Yılmaz Bilgen tərəfindən 5 avqust 2026-cı il tarixində dərc olunmuş reportajda mənə aid edilən bəzi fikirlər təhrif olunmuş şəkildə təqdim edilib. Həmin məqalədə mənə istinadən verilən bir sıra ifadələr düzgün deyil.

● Bir daha vurğulamaq istərdim ki, Azərbaycan Respublikası öz milli maraqlarını rəhbər tutaraq müstəqil və prinsipial xarici siyasət yürüdür.

⚡Prezidentin köməkçisi Hikmət Hacıyev Azərbaycan ərazisinin "Mossad" tərəfindən istifadə edilməsi iddialarına münasibət bilirib.

● Azərbaycan İranı qardaş ölkə hesab edir. Azərbaycan üçün ərazilərin azadlığı və suverenliyi fundamental prinsipdir.

● Azərbaycan heç vaxt öz ərazisindən qonşu ölkəyə müdaxiləyə imkan verməz.

● İsrailin Azərbaycan ərazisindən istifadə etməsi iddiası texniki baxımdan da mümkünsüzdür. Çünki bunun üçün onların Türkiyə ərazisindən keçməsi lazımdır ki, nə Türkiyə, nə də Azərbaycan buna icazə verər. Bu cür iddialar sırf çirkin təbliğat elementləridir.

Fulya Öztürk: Bura 30 il əvvəl Ermənistanın işğal etdiyi, 6 il əvvəl isə Azərbaycanın işğaldan azad etdiyi Qarabağdır.

Qarabağda bir tərəfdən minalar təmizlənir, digər tərəfdən isə yeni evlər tikilir. Azərbaycanlılar doğma Qarabağa qayıdır.

🇦🇿 HHM bölmələrinin istifadəsinə 20-yə yaxın yeni hərbi infrastruktur verilib

Obyektlərdə yeməkxana, mətbəx, tibb məntəqəsi, yataqxana, silah otağı, məişət otağı, hamam-sanitar qovşağı, qazanxana və su təchizatı kompleksi, eləcə də ərazinin fasiləsiz elektrik enerjisi ilə təmin olunması məqsədilə generatorlar mövcuddur. Binalar kommunal xidmət sistemləri və kommunikasiya xətləri, o cümlədən yanğın əleyhinə siqnalizasiya ilə təchiz edilib.
İnfrastrukturlar bütün zəruri ehtiyacları təmin etmək məqsədilə müasir avadanlıq, mebel və inventarlarla təchiz olunub. 

General-polkovnik Zakir Həsənov ölkəmizin hava məkanının fasiləsiz müdafiəsi, bununla yanaşı HHM bölmələrində keçirilən təlim və məşqlər zamanı arsenala yeni daxil edilmiş müasir silah və texnikanın taktiki-texniki xüsusiyyətlərinin dərindən öyrənilməsi, onların döyüş şəraitində effektiv tətbiqi qaydalarının mənimsənilməsi barədə Hava Döyüş Komandanlığına müvafiq tapşırıqlar verib.

📍5 avqust - Hərbi Donanma Günüdür.

Ölkəmizin dəniz sularının mühafizəsində əvəzsiz xidmətlər göstərən Hərbi Dəniz Qüvvələrinin şəxsi heyətini bu münasibətilə təbrik edir, fəaliyyətlərində uğurlar arzulayırıq!

❗️Zakir Həsənov Azərbaycan Respublikasının xarici ölkələrdəki səfirliklərin nəzdində fəaliyyət göstərən hərbi attaşeləri ilə görüşüb. 

Müdafiə nazirinə cari il ərzində ölkəmizin digər ölkələrlə hərbi əməkdaşlığı üzrə mövcud vəziyyət, hərbi attaşelik aparatlarının fəaliyyəti və xarici ölkələrdə yeni təsis olunmuş attaşelik aparatları barədə ətraflı məlumat verilib.