Jamoamiz uchun tajribali SAT oʻqituvchilarini qidirmoqdamiz! 😪ASOSIY VAZIFALAR: 😷9–11-sinf o‘quvchilariga SAT English va SAT Math fanlaridan dars berish; 😷O‘quvchilarning akademik natijalarini muntazam monitoring qilish va ularni rivojlantirish; 😷Tasdiqlangan o‘quv dasturi asosida sifatli va samarali darslarni tashkil etish; 😷O‘quvchilarning individual ehtiyojlaridan kelib chiqib, ularga individual yondashish; 😷Darsdan tashqari mashg‘ulotlar va maktab tadbirlarida faol ishtirok etish; 😷O‘quvchilarning SAT imtihonlariga samarali tayyorgarligini ta’minlash. 😪TALABLAR: 😷 SAT Math natijasi 780-800; 😷 SAT English natijasi 750+; 😷 SAT dars berish tajribasi; 💙 UMUMIY TALABLAR: 😷Mas’uliyatli, tashabbuskor va o‘z ustida muntazam ishlaydigan bo‘lish; 😷Jamoada samarali ishlay olish; 😷O‘quvchilar bilan ijobiy va professional munosabat o‘rnata olish; 😷Zamonaviy ta’lim metodikalaridan foydalanish va kasbiy rivojlanishga intilish. 😪BIZ TAKLIF QILAMIZ: 😷Raqobatbardosh ish haqi; 😷3 mahal bepul ovqatlanish; 😷Farzandlaringiz uchun maktabda oylik toʻlovdan 50% chegirma; 😷Bepul ichki treninglar; 😷Tashqi o‘quv dasturlari va professional rivojlanish imkoniyatlari; 😷Qo‘llab-quvvatlovchi, do‘stona va professional ish muhiti; 😷Kasbiy rivojlanish uchun imkoniyatlar; 😷Ish grafigi: 8:30 - 17.00 (5/2) 😷Mehnat kodeksiga asosan rasmiy ishga qabul va mehnat shartnomasi 😷Oylik maosh — suhbat asosida kelishiladi. 😷Agar siz o‘z sohangizning kuchli mutaxassisi bo‘lsangiz, yuqori natijalarga intilsangiz va professional jamoaning bir qismi bo‘lishni istasangiz — Sodiq School sizni jamoamizga taklif qiladi! 😤Ariza topshirish uchun: @sodiqschool_hr @sodiqschoolcareers 😷 Birgalikda o‘sish sari!

Maqsad sizga qayerga yetib borishni ko‘rsatadi. Tizim esa u yerga qanday yetib borishingizni belgilaydi. Masalan, ozishni maqsad qilgan inson tarozida kerakli raqamni ko‘rishni istaydi. Ammo muntazam mashq qilish, ovqatlanishni nazorat qilish va uyqu tartibiga rioya qilishni odatga aylantirmasa, natijani saqlab qolishi qiyin bo‘ladi. Ta’limda ham xuddi shunday. Maktabning maqsadi yuqori natija ko‘rsatish bo‘lishi mumkin. Lekin buning uchun kuchli o‘qituvchilarni tanlash, dars sifatini muntazam kuzatish, o‘quvchilar bilimini tahlil qilish va xatolarni tuzatish tizimi kerak. Maqsadga bir marta erishish mumkin. Ammo natijani qayta-qayta yaratish uchun tizim zarur. Muhim nuqta: maqsad natijani belgilaydi, tizim esa natijani takrorlash imkonini yaratadi. Shuning uchun faqat «Nimaga erishmoqchiman?» deb o‘ylamang. «Bu natijani muntazam ta’minlaydigan qanday tizim qurishim kerak?» degan savolga ham javob toping.

Boshqalarga yordam berishning ikki xil yo‘li bor. Birinchisi, ularga nima qilish kerakligini aytish. Qanday yashash, qanday ishlash, nimani tanlash va nimadan voz kechishni belgilab berish. Ikkinchisi esa, ularga to‘g‘ri qaror qabul qilish uchun kerakli bilim, vosita va fikrlash usullarini berish. Birinchi yondashuvda inson sizning ko‘rsatmalaringizga tayanadi. Ikkinchisida esa asta-sekin o‘ziga tayanishni o‘rganadi. Albatta, bu yordam bermaslik yoki yo‘l-yo‘riq ko‘rsatmaslik degani emas. Zarur paytda aniq ko‘rsatma ham beriladi. Ammo asosiy maqsad insonni doimiy ravishda sizga muhtoj qilib qo‘yish emas, uning mustaqilligini rivojlantirishdir. Ba’zan eng katta yordam tayyor javobni berish emas, insonni o‘z javobini topa oladigan darajaga olib chiqishdir. Haqiqiy uztozning maqsadi sizga ergashadigan insonlarni emas, sizsiz ham to‘g‘ri yo‘l topa oladigan insonlarni tarbiyalashdir.