لو تعرف بنص الي ينكال عليك جان قررت من زمان انو التوحد جان افضل من انو تنطي كل هذا المجال لأي واحد مجان يستاهل او انو تخلي صديق الك او حتى انو يعرفك ....لا فعلا يعني شجنت تتوقع من بشر يحسب النفاق حلال ليومك هذا ضلع وليكون هذا خوش دليل ليش محد يستاهلك

الكل يكول على نفسه مميز وهو مركز كلشي مركز الاشخاص المهمين والشغل المهم وحتى العمر الاحلى....بس هل هذا الشي صح؟ الاشخاص انت تعتبرهم مميزين لان تعرفهم....تذكر من كلنه لو تكطع كل سبل التواصل وياهم فراح يرجعون غربه و ترجع انت غريب والاماكن همين غيرك سوه الي سويته وراح للرب رحته وانجز الي انجزته والايام غيرك عاش ما هو افضل احنه ننظر للواقع من منظورنه بس و نعتبر البقيه هوامش على ايامنه و الي ديسووا مو مهم او ميعنيلك مراح تهتم بي و همه كذلك البقيه هيج

اذا فرضنه عندك كتاب وهذا الكتاب تكدر تمر على كل جزء مره وحده فشون حتقراه؟ بكامل التركيز و تستمع بكل جزء بي و متفوت شي مو؟ اعتبر هذا الكتاب هو عمرك و هذول همه ايامك....حتفوت شي بيهم؟