Телеграм канал «𝚃𝚄𝚃𝙾𝚁𝙸𝙰𝙻 𝙲𝙻𝙰𝚂𝚂 𝙵𝙾𝚁 𝙰𝙻𝙻 𝙲𝙰𝙼𝙿𝚄𝚂 𝚂𝚃𝚄𝙳𝙴𝙽𝚃»

: ከህሊናህና ከመንፈሳዊ አማካሪህ ሳትመክር ምንም ነገር አትወስን ፤ አጥርተህ ሳትሰማ ቃል አትግባ ። መከራ ካልደረሰ
በቀር ባል በሌለበት ቤት ውስጥ ከሚስቲቱ ጋር ብቻህን አትቀመጥ ።
:የሚበልጥህ ልኩራብህ እንዳይልህ ፣ ያነሰህ ልድረስብህ ብሎ እንዳያጠፋህ የሀብትህን ልክ እንዳታወራ ፤ በገዛ አፍህ ባንዱ
ትከብራለህ ባንዱ ትቀላለህና ።
:በጣም በማክበርህ እንዳታመልከው ፤ በጣም በመናቅህ እንዳታዋርደው ሠው እንዳንተ መሆኑን እወቀው ።
:የእኔ መናገር ምን ይለውጣል? ብለህም ስህተትን አትለፍ ፤የእኔ አስተዋፅኦ ምን ይጠቅማል ? ብለህም ስጦታህን አትጠፍ ።
:መልካም ቃል ከስጦታ ይበልጣልና መልካም ቃል ተናገር ፤ ማንኛውም ስጦታ ከልመና ወንበር አያስነሣም ።
የተስፋ ቃል ግን እንደሚያስነሣ አውቀህ ለሰዎች የተስፋ ቃል ስጣቸው ።
:ትምህርት ለዕውቀት ያዘጋጃል እንጂ ዕውቀትን አይጨርስም ።
ዕውቀትህን የምትይዝበትን ሥነ-ሥርዓት ግን ያሳይሃል ።
አእምሮህን ለማረቅ ትምህርት ፣ ሰውነትህን ለመግዛት ትዕግስት ፣ ከማንም ጋር ለመኖር ሥነ-ሥርዓት ያስፈልግሃል ። ለህሊናህ እረፍት ግን እምነት ያሻሃል ።
ተከታይ ለማበጀት ደግሞ ግልጽ መሆንና ታማኝነት ግድ ይልሃል።
:አንተው እውነትን ጠልተሃት ዘመኑ እውነትን ጠልቷል አትበል ።
ዘመን እኔና አንተ ነን ፤ በራሱ ክፉና ደግ የሆነ ዘመን የለም ።
:መልካም ምክር ብትሰማ ሕይወት ቀላል ይሆንልሃል ።
ትክክለኛም ውሳኔ ከመልካም ምክር ነውና..!!
GEBREMARIAM.T
========================
ለትክክለኛ ወቅታዊ መረጃ ቻናላችንን join አድርጉ፣ለትክክኛ መረጃ ፈላጊዎች ጋብዙ👇👇👇👇👇👇👇👇
@GTutorialclass

ጠቃሚ ምክሮች❗
እስከመጨረሻው አንብቡት👇
📌በወጣትነት ሁሉም ነገር ትክክል ነው ከሚል መመሪያ ውጣ ፤ሁሉንም ካላየሁ አላምንም አትበል።
📌ሰምቶ ማመን ፣ ከተጎዱት
መማር አስተዋይነት መሆኑን አትርሳ ።
📌የሰማንያ ዓመት ዕውቀትን ለመገብየት ግድ ሰማንያ ዓመት መኖር የለብህም፣ ሰማንያ ዓመት ከኖሩት በትሕትና መጠየቅ ይገባሃል ።
📌ምክርን ብትሰማ በነጻ ትማራለህ፣ምክርን አልሰማ ብትል ግን
በዋጋ እንደምትማር እወቀው፣ በዋጋ መማር ግን አድካሚ ደግሞም የሚያስመርር ነው ።
📌 ብልህ ከሆንህ በሰው ከደረሰው ትማራለህ፣ ሞኝ ከሆንህ ግን በራስህ ሲደርስ ትማራለህ ።
📌የታየህን አሳይ ፣ ያልታየህን አጥራው ። በደንብ ያልተረዳኸውን
አታስተምረው። ያልቀመስከውን ለሰው አትጋብዝ ። የሰማኸውን
ሁሉ አትመን ። ያየኸውን ሁሉ ስጡኝ ፣ የተናገርከውን ሁሉ ፈፅሙ አትበል ።
የሰጠኽውን እርሳ እንጂ አታውራ። ፍፃሜውን ሳታይ ምስጋና አታብዛ ።
ቀኑ ሳይመሽ ቀኑ ጥሩ ነው አትበል ።
ዓይንህ የፊቱን ቢያይ ልብህ የኋላውን ያስብ ።
📌ነገ ላይ እንድትደርስ የትናንቱን አትርሳ ። የምትሄድበት እናዳይጠፋህ
የመጣህበትን አትዘንጋ ።
📌የአባቶችህን መልካም ሥራ አብነት አድርግ ።
📌ካሳለፉት ሕይወት
ተማር እንጂ አወዳሽና ወቃሽ አትሁን ። ሌሎች መሆን ያለባቸውን ስታውቅ አንተ መሆን ያለብህ እንዳይጠፋህ ተጠንቀቅ።
ደግሞም አንተም በታሪክ ፊት መሆንህን እወቀው ።
ክፋት አይሙቅህ ፣ መልካም ነገርም ብርድ ብርድ አይበልህ ።
ለክፋት አቅም ካለህ ለበጎ ነገርም አቅም አለህና ተግባርህ
የምርጫ ውጤት ነውና አስብበት ።
📌ገንዘብ የሚመልሰው የገንዘብን ጥያቄ ብቻ ነውና ሁሉንም ነገር ገንዘብ ያስገኝልኛል ብለህ አታስብ።
ላለው አትሩጥ ፣ምጽዋትህና ተግባርህ በአቅምህ መጠን ይሁን እንጂ ከአቅምህ አትነስ ።
📌ድሃም ሆነህ ተበድረህ ስጦታ አትስጥ፣በጣም ካልቸገረህ ለቅንጦት አትበደር።
📌ያንተን ድርሻ ከጨረስህ ያልተጨረሰ የሌሎችን ድርሻ ፈፅምላቸው ።
ለሀብታም አትሳቅ ፣ የደሀ ጉልበት አይለፍብህ ፣ ያለ ሰው ሰው
አልሆንክምና ሰው አትጥላ ፣ የወጣህበትን መሰላል አትገፍትር ፣
ለመውረድም ያስፈልግሃልና ፣ ያየኽውን ሴት ሁሉ የመውደድ ጠባይህ ካለቀቀህ ትዳር አትያዝ ፣ ካልጋበዙህ በቀር አማካሪ አትሁን ፣ባልጠሩህ ሥፍራ አቤት አትበል ፣ ካልሾሙህ መሪ አትሁን ፣ጉድለት በሌለበት ቦታ ጊዜህን አታባክን ፣የሰው ፊት ጥገኛ ሁነህ ሲስቁልህ የምትስቅ ሲቆጡህ የምታለቅስ አትሁን ፣ ነገርህን በልክ ፣ ቃልህን በጣዕም ፣ ድምፅህን በዝግታ ፈፅመው።
📌እውር እንዳይሉህ ያልታየኽን አያለሁ አትበል። ጨካኝ
እንዳይሉህ ያልተሰማህን ጩኸት እሰማለሁ አትበል ። ንፉግ
እንዳይሉህ ያለ አቅምህ እረዳለሁ አትበል ። ነገር አይገባውም እንዳይሉህ
ያልገባህን እንደገባህ አድርገህ አትለፍ ። አንድ በጎ ዕውቀት ሳትጨብጥ
የዋልክበትን ቀን እንደ ኖርክበት አትቁጠረው ፣ ስለዚህ መፅሐፍትን
አንብብ ፣ አዋቂዎችን ጠይቅ ፣ ሁሉን ሳትንቅ ስማ ።
📌ሥልጣን ሲሰጥህ መሪ እንጂ አለቃ አትሁን ፤ ከፊት እየቀደምህ አስከትል እንጂ ከኋላ ሆነህ አትቅደም ።
:በዓላማ ኑር ፤ እንቅፋቶች የሚያጸኑህ እንጂ ተግባርህን የሚያስተውህ አይሁኑ ። ሕይወት ትምህርት ቤት መሆኑና ባለማወቅ ብዙ ትህምርቶች እንዳያመልጡህ ተጠንቀቅ ።
📌የመከራ ቀን ወዳጆችህን አትርሳ ፤ የዛሬ ሰው ብቻ አትሁን ፤ የትላንቱንም አስብ ፤ አንገት የተፈጠረው ዞሮ ለማየት ነውና ።
📌ዓለም ዋዣቂ ናት ። ከፍና ዝቅ ስትል አትደናገጥ ፤ ፀሐይ ዝናብን ተከትላ ትፈነጥቃለች ። ከመከፋትም በኋላ ትልቅ መፅናናት ይሆናል። ከሌሊት በኋላም ሌሊት አይመጣም ። ከሀዘን በኋላ ደስታ ይሆናልና በርታ!
:መነቀፍን አትፍራ ፤ ነቀፋህን ግን አጥራው ፤ ስለ ሀሰት ሳይሆን ስለ እውነት ተገፋ ፤ ሌሎችን ውደድ ፍቅር ስጦታ እንጂ ብድር አይደለምና አልወደዱኝም ብለህ በአበዳሪዎች አንቀጽ አትካሰስ ፤የገባህን አድርግ የዚህ ዓለም ሰው ሲወድህም ሲጠላህም ባለማወቅ ነው።
📌ብዙዎች ስለወደዱህ ይወድሃል ፤ ብዙዎች ስለጠሉህ ይጠላሃል።
📌ሁልጊዜ የበላዮችህን አትመልከት ፤ የበታቾችህንም ተመልከት ። ለድምፅ አልባዎች ጩህላቸው ፣ ለተጠቁት ተሟገትላቸው ።
📌እውነት እውነት በማለትህ የምታጣው ሀሰተኛ ወዳጅህን ብቻ ነው ። እውነት እውነት በማለትህ የምታተርፈው ግን እውነተኛ ወዳጅን ነው።
📌ደጋፊዎች ተከታዮች አይደሉም ። ሰዎች ስለደገፉህም የያዝኩት እውነት ነው ብለህ መንቻካ አትሁን ፤ ምናልባት ዛሬ የሚጮሁልህ ዛሬን ሊረሱብህ ሊሆን ይችላልና ። ሲያለቅሱልህም ቃልህ ማርኳቸው ሳይሆን የሞተ ዘመዳቸው ትዝ ብሏቸው ሊሆን ይችላልና አለቀሱ ብለህ ንግግርህን ድንበር አታሳጣው ። እውነትንም በደጋፊ ብዛት እንዳትመዝናት ተጠንቀቅ።
📌ለእውነታ እንጂ ለይሉኝታ አትኑር ፤ ያን ስልህ የምትኖርበት ሕዝብና ባሕል ከእውነት ጋር እስካልተጋጨ መጋፋት የለብህም።
📌ሠዎች  የሚቀበሉህ ባሕላቸውን ስታውቅና ስታከብርላቸው ነው ።
ልጅነት የለሰለሰ መሬት ፣ ወጣትነት የአዝመራ ዘመን ፣ ሽምግልና ደግሞ የአጨዳ ዘመን መሆኑን አስተውል ። በሽምግልናህ የምታጭደው የወጣትነትህን አዝመራ ነውና ዛሬ ለምትዘራው ተጠንቀቅ ።
📌የሰዎችን ያለማወቅ አግዝ ፤ ዕውቀትህ ባላወቁት ላይ እንድትኮራና እንድትፈርድ አያድርግህ የአዋቂ ኩሩ ቁጥሩ ካላዋቂዎች ነውና ማወቅ ባለዕዳነት እንዳይሆን አላዋቂዎችን እርዳቸው።
📌ዛሬ የመዝራት ዘመንህ ነገ መከርህ ነውና በእምነት እውነትን ዝራ ፤ በምታውቀው ቦታ ላይ አገልጋይ በማታውቀው መልካም
ተግባር ላይ ደጀን ሁን ፤ በቦታህ መምህር ያለቦታህ ተማሪ ሁን ፤ ክብሩ እንዳይቀንስብህ ከዕቃ ትምክህት ፣ ከዕውቀት ሙግት ራቅ ።
:📌ሁሉን ወሬ ላውራ አትበል ፣ የደበቁህን ምስጢር አታውጣጣ ፣ የሰማኽውን ወሬና የተገለጠልህን ምስጢር ምን መፍትሔ
ሰጠኸውና ? ያየህውን ሥራ ሁሉ እሰራለሁ የሰማኸውን ትምህርት ሁሉ
እማራለሁ አትበል ። ይህ የተሰወረው የቅንዓት ጠባይ ነውና ሁሉን ልያዝማለትም ዝንጉ አድረጎ እንዳያስቀርህ ሁሉም ውስጥ ልኑር አትበል ።:
ቆንጆዎች ቁንጅናቸው ሁሉን የሚተካ እየመሰላቸው ከዕውቀትና ከትሕትና ይርቃሉ ። ሁሉንም ሰው በመልካቸው የሚማርኩት ስለሚመስላቸው ኩሩና ተንኮለኞች ይሆናሉ። አንተ ግን ቆንጆ ወዳጅን እንጂ ቆንጆ ቁመናን አትሻ ፤ ቆንጆ ትዳርን እንጂ ቆንጆ ሴትን
አትመኝ ፤ የላይ ነገር ከንቱና ኀላፊ ነውና በሚፈርስ አካል ፣ ኑሮ በሚለውጠው መልክ አትደለል ።
📌እወድሃለሁ ብለህ የምትናገረውን ቃል ውለታ አታድርገው ፣ መውደድህን የምትናገረው እንወድሃለን እንዲሉህ አይሁን ፣ሠላም ያለው አፍቃሪ የራሱን ፍቅር ያለ ምክንያት መፈፀም የሚችል ብቻ እንደሆነ እወቅ ። መወደድህን ለመስማት አትጠብቅ ።
📌ቂም አፍን የሚያመር ፣ ልብን የሚያነቅዝ ፣ ተግባርን የሚያልፈሰፍስ ነውና ለበደለህ ሰው ቅያሜህን ግለጥለት ፤
ቂመኝነት በክፉ መሸነፍ እንጂ ጀግንነት አይምሰልህ ።

አደገኛ የሌባ ቡድን ተያዘ❗❗
ከ200 ሚሊዮን ብር በላይ የሞባይል ባንኪንግ ማጭበርበር! 37 ተጠርጣሪዎች ተያዙ❗❗

658 ዜጎችን ለከፍተኛ የገንዘብ ኪሳራ የዳረገ የማጭበርበር ወንጀል መፈጸሙን ፌደራል ፖሊስ አስታወቀ!

የኢትዮጵያ ፌደራል ፖሊስ ከሌሎች የጸጥታ አካላት ጋር በመቀናጀት ባካሄደው ልዩ ኦፕሬሽን፣ የባንክ ሠራተኛ በመምሰልና የተለያዩ የማታለያ ዘዴዎችን በመጠቀም ከ200 ሚሊዮን ብር በላይ የገንዘብ ጉዳት አድርሰዋል የተባሉ 37 ግለሰቦችን በቁጥጥር ሥር ማዋሉን አስታወቀ።

በፖሊስ መረጃ መሠረት፣ ተጠርጣሪዎቹ የባንክ ሠራተኞች መስለው ለዜጎች በመደወል ሚስጥራዊ የይለፍ ቃላትን፣ PIN እና OTP ቁጥሮችን በማግኘት ከባንክ ሂሳቦች ገንዘብ ሲያወጡ እንደነበር ተገልጿል።

በኦፕሬሽኑም ተጠርጣሪዎቹ ለማጭበርበር ተግባራቸው ይጠቀሙባቸው ከነበሩ ቁሳቁሶችና ተሽከርካሪዎች ጋር መያዛቸውን ፖሊስ ገልጿል።

⚠️ ለሁሉም የሞባይል ባንኪንግ ተጠቃሚዎች አስፈላጊ ማሳሰቢያ!

የባንክ ሠራተኛ ነኝ ብሎ የሚደውልላችሁ ማንኛውም ሰው የይለፍ ቃላችሁን፣ PIN ወይም OTP ቁጥራችሁን ቢጠይቅ በፍጹም እንዳትሰጡ!

ፖሊስ ሕብረተሰቡ ከመሰል የማጭበርበር ወንጀሎች ራሱን እንዲጠብቅና አጠራጣሪ ሁኔታዎችን ሲያጋጥመው ጥቆማ እንዲሰጥ አሳስቧል።
የኢትዮጵያ ፌደራል ፖሊስ**
========================
ለትክክለኛ ወቅታዊ መረጃ ቻናላችንን join አድርጉ፣ለትክክኛ መረጃ ፈላጊዎች ጋብዙ👇👇👇👇👇👇👇👇
@Gtutorialclass

በማኅበራዊ ሚዲያ የተሠራጨው የሐሰት ወሬ ውሸት መሆኑ ተረጋገጠ፡- አቶ ለማ በሰላም በሕይወት ይገኛሉ!

አዲስ አበባ — በዛሬው እለት በማኅበራዊ ሚዲያ መድረኮች ላይ "ለዓመታት ፍቅረኛውን ሲጠብቅ የነበረው አቶ ለማ ሕይወቱ አልፏል" በሚል በሰፊው ተዘዋውሮ የነበረው መረጃ ፍጹም ሐሰተኛ መሆኑ ተገለጸ።

እንደ ብርሃኑ ዘ ሸገር መረጃ እና ማስተባበያ ከሆነ፤ አቶ ለማ በሰላም በጤና ላይ የሚገኙ ሲሆን፣ አሁን ላይ በአንድ ላይ እንደሚገኙ ታውቋል። በማኅበራዊ ሚዲያዎች ላይ የተለቀቀው የሞት ወሬ መሰረት የሌለው እና የተሳሳተ መረጃ መሆኑን ለማረጋገጥ ተችሏል።

የሐሰት ወሬ አቀናባሪዎችና አሰራጪዎች ትክክለኛውን ሁኔታ ከመረመረ ይልቅ ለግል ትኩረት ሲሉ የሚለቁት እንዲህ ዓይነት መረጃዎች በህብረተሰቡ ዘንድ ስጋትና ግራ መጋባትን የሚፈጥሩ በመሆናቸው ተቀባይነት የሌላቸው መሆናቸው ተመልክቷል።

የሚዲያ ባለሙያዎችና ዜጎች ማንኛውንም መረጃ ከማጋራታቸው በፊት ከታመኑ ምንጮች ማረጋገጥ እንደሚገባቸው ተሳስቧል። አቶ ለማ በልዩ ጽናቱ የሚታወቅበት ማህበራዊ ታሪኩ እንዳለ ሆኖ፣ በአሁኑ ሰዓት በጤና እና በደህና እንደሚገኝ በድጋሚ ተረጋግጧል።
ጉርሻ
========================
ለትክክለኛ ወቅታዊ መረጃ ቻናላችንን join አድርጉ፣ለትክክኛ መረጃ ፈላጊዎች ጋብዙ👇👇👇👇👇👇👇👇
@Gtutorialclass

📢 የትግራይ ክልል ዩኒቨርሲቲ ተማሪዎች ምደባ!!

📌 በትግራይ ክልል በሚገኙ ዩኒቨርሲቲዎች ስትማሩ ለነበራችሁ ነባር ተማሪዎች፡
በጊዜያዊ ምደባ ሂደቱ ላይ የቀረቡ ቅሬታዎችን የማጣራት ሥራ ተጠናቆ ምላሽ የተሰጠ በመሆኑ፣ በጊዜያዊነት የተመደባችሁበትን ዩኒቨርሲቲ https://student.ethernet.edu.et/university-transfer/ በሚለው ማስፈንጠሪያ በመግባት መመልከት የምትችሉ መሆኑን እንገልጻለን።

የምደባ መረጃችሁ በቀጥታ ለየዩኒቨርሲቲዎቹ የሚላክ ሲሆን፣ ተቋማቱ በሚያወጡት የጥሪ መርሃ-ግብር መሠረት በጊዜያዊነት ወደተመደባችሁባቸው ዩኒቨርሲቲዎች በመሄድ ትምህርታችሁን መቀጠል ትችላላችሁ።

እንዲሁም የተስትካከለ ምደባ ሊኖር ስለሚችል ከመሄዳቹህ በፊት በዚህ ማስፈንጠሪያ  በመግባት https://student.ethernet.edu.et/university-transfer/ እንድታረጋግጡ ይሁን

📌 አዲስ ተማሪዎች፡
የምደባ ቦታችሁን https://student.ethernet.edu.et/view-placement/ በሚለው ማስፈንጠሪያ በመግባት ማረጋገጥ የምትችሉ መሆኑን እናሳውቃለን።

ማሳሰቢያ፦ ሁኔታዎች እየተሻሻሉ ስለሆነ በትግራይ ክልል በሚገኙ ዩኒቨርሲቲዎች ትምህርታችሁን መቀጠል የምትፈልጉ ተማሪዎች(በጊዜያዊነት የተመደባችሁትን ጨምሮ) ዩኒቨርሲቲዎቹ የሚያወጡትን የጥሪ ማስታወቂያ በመከታተል ትምህርታችሁን በነበራቹሁበት መቀጠል እንደምትችሉ እናሳውቃለን።