Bu hafta dengizdaman Kelasi yilga rejalarim ko‘p. Anchadan beri o‘ylab yurgan, lekin hali qo‘l urmagan ishlarim bor. O‘zimga bergan va’dalarim ham. Endi shularni birma-bir amalga oshirmoqchiman. Hozir esa bir oz dam olib, nafas rostlamoqdaman. Ishlarga kirishib ketgach, o‘zimga bunday vaqt ajratish oson bo‘lmasligini bilaman. Dengiz, shamol, yelkanlar, yonimdagi odamlar bilan samimiy suhbatlar… Shu kunlarning zavqini suryapman. Xayolim baribir ora-orada ishlarga ketib qoladi. Keyin o‘zimga «shoshma, qaytgach hammasiga vaqt bo‘ladi», deb qo‘yaman. Dam olishni ham o‘rganish kerak ekan. Telefonni bir chetga qo‘yib, hech qayerga shoshmasdan, «yana bir ishni bitirib olay» demasdan vaqt o‘tkazishni. Men ham shunga harakat qilyapman. Xullas, 9-noyabrgacha men dengizdaman. Qaytgach, ishlashda davom etaman. Anchadan beri o‘zimga ham bir oz vaqt qarz edim.