Телеграм канал «የፀጋ ወንጌል»

♦️#የገና_በዓል_መጽሐፍ_ቅዱሳዊ_ነውን?♦️ ================================== 📌ጌታችን ኢየሱስ ክርስቶስ በታህሳሥ ወር አለመወለዱን ያውቃሉ??? "መንፈሳዊ ሰው ግን ሁሉን ይመረምራል" 1ቆሮ 2፡15 ✍️ዮሐንስ 8:31-32 ኢየሱስም ያመኑትን አይሁድ፡— እናንተ በቃሌ ብትኖሩ በእውነት ደቀ መዛሙርቴ ናችሁ፤ እውነትንም ታውቃላችሁ እውነትም አርነት ያወጣችኋል፡ አላቸው። 1) በእውነት ኢየሱስ ክርስቶስ በታህሳስ ወር ተወልዷልን??? 2) የሚደረገው ስርዓትስ ከክርስትና ጋር ግንኙነት አለው?? 3) የገና ዛፉስ ከየት መጣ??? 4) መብራቱ እና አፉፋውስ(ፊኛ) ከየት መጣ??? 5) ቅዱስ ኒቆላዎስስ ( የገና አባት ) የተባሉት ከየት መጡ??? ✍️መንፈሳዊ ሰው ግን ሁሉን ይመረምራል 1ቆሮ 2:15 📌 መጽሐፍ ቅዱስ ምን ይላል ፦ ========================= መሐፍ ቅዱስ ኢየሱስ ክርስቶስ የተወለደው በታህሳስ እንዳልሆነ ይናገራል። ✍️1ዜና 24፡7-19 ንጉሥ ዳዊት ካህናትን በተራቸው ወደ እግዚአብሔር መቅደስ ገብተው ያጥኑ ዘንድ መደባቸው 24 ካህናት ነበሩና በወር 2 ካህን ማለትም( ከ 1-15 እና ከ 16-30) በ 12 ወር 24 ካህናትን አደረገ ። ✍️በእስራኤላዊያን ቀን አቆጣጠር መሰረት ደግሞ የመጀመሪያ ወራቸው ኒሳን (Nisan) ይባላል። አስቴር 3፡7 , 8፡9 የእስራኤል የመጀመሪያ ወር ኒሳን በኢትዮጵያውያን ቀን አቆጣጠር ሚያዚያ መሆኑ ነው። ✍️ በምድቡም መሰረት ===================== 📌በአንደኛው ወር (ኒሳን) ከ 1-15 ቀን== ዮአሪም ከ 16-30 ቀን== ዮዳኤ 📌በሁለተኛው ወር (እያር) ከ 1-15 ቀን==ካሪም ከ 16-30 ቀን==ሥዖሪም 📌በሶስተኛው ወር (ሲቫን) ከ 1-15 ቀን==መልክያ ከ 16-30 ቀን==ሚያሚን ♥️በአራተኛው ወር ( ታሙዝ) ከ 1-15 ቀን== አቆስ ከ 16-30 ቀን== ♦️አብያ♦️ በሉቃስ ወንጌል 1፡5- 13 #ከአብያ ቤተሰብ የሆነ ስሙ ዘካርያስ የሚባል ሰው እናገኛለን በ 4ኛው ወር (ታሙዝ) የወሩ ሁለተኛ አጋማሽ ማለት ከ 16-30 ቀን በክፍሉ ተራ ለማጠን ወደ እግዚአብሔር መቅደስ ይገባል። በመቅደስ ውስጥ እያጠነ መልአኩ ገብርኤል ተገልጦ ልጅ እንደሚወልድ ይነግረዋል ተራውንም ጨርሶ ወደ ቤቱ ይመለሳል ከዚያም ዩሐንስ መጥምቁ ይፀነሳል። ✍️መጥምቁ ዩሐንስ በተጸነሰ በ6ኛው ወር መልአኩ ገብራኤል በናዝሬት አውራጃ ገሊላ በሚባል አካባቢ ወደምትኖር ስሟ ማርያም ወደምትባል ድንግል ሴት ያቀናል ከመንፈስ ቅዱስ እንደምትጸንስና ኢየሱስ ክርስቶስን እንደምትወልድ ይነግራታል። ሉቃ 1:26 ኢየሱስም በ 10ኛው ወር (#ቴቬት) ይፀነሳል ቴቬት 10ኛ ወራቸው በኢትዮጵያ አቆጣጠር በጥር ወር ኢየሱስ ይፀነሳል ከጥር ጀምሮ 9 ወር ስንቆጥር መስከረም (ቴስር) መጨረሻ ጥቅምት መጀመሪያ ላይ ኢየሱስ ይወለዳል ። 📌መጽሐፍ ቅዱስ እንደዚህ የሚናገር ከሆነ የገና በዓል እየተባለ በታህሳስ ወር የሚከበረው ከየት መጣ ?? --------------------- ✍️እንግዲህ በአጭሩ የገናን በዓል ታሪክ ወደ ኃላ መለስ ብለን ስንቃኘው ክርስትና ከመስፋፋቱ በፊት በሮም እና በአውሮፓ የተለያዩ አረማዊ (Pagan) በዓላት በታኅሣሥ ወር ይከበሩ ነበር። ክርስትና ከተጀመረ ከ 313 በኃላ ቤተክርስቲያን ነፃነቷን ስታገኝ ከአህዛብን አለም የመጡትን አዳዲስ አማኞች ተከትሎ የገባ የአህዛብ በዓል ነው። ታሪክ እንደሚነግረን አህዛቦች የብርሃን አምላካችን የተወለደበት ብለው ጨለማው አለፈ የበጋው ብርሃን መጣ በማለት እሳትን እያነደዱ የለመለመ ዛፍን እየቆረጡ ያከብሩ ነበር። ይህ አህዛባዊ በዓል በቤተክርስቲያን ውስጥ የጌታችን የኢየሱስ ክርስቶስ ልደት ተብሎ ተቀየረ ። ቆይቶም የካቶሊክ ቅዱስ የተባሉት ኒቆላዎስ የገና አባት ተብለው በየቤተክርስቲያኑ ውስጥ ተቀባይነት ካገኙ ዘመናትን አስቆጥረዋል ። ✍️በኢየሱስ ክርስቶስ የልደት በዓል የተቀየሩት የአህዛብ ጣኦታት እነዚህ ናቸው ፣ 👉• ሳተርናሊያ (Saturnalia)፦ ሮማውያን ለግብርና አምላካቸው ሲሉ ከታኅሣሥ አጋማሽ ጀምሮ የሚያከብሩት፣ በድግስና በስጦታ ልውውጥ የታወቀ በዓል ነበር። 👉• የማትበገረው ፀሐይ ልደት (Sol Invictus)፦ በታኅሣሥ 25 ይከበር የነበረ የፀሐይ አምላክ በዓል ነው። ክርስቲያኖች "እውነተኛው የጽድቅ ፀሐይ ክርስቶስ ነው" በሚል ትርጉም በዚያው ቀን ማክበር ጀመሩ። 👉• ዩል (Yule)፦ በሰሜን አውሮፓ የክረምት ወቅት አጋማሽን ለማክበር የሚደረግ በዓል ሲሆን፣ የገና ዛፍን የማስጌጥ እና ግንዶችን የማቃጠል ልማድ ከዚያ የመጣ ነው። በሚያሳዝን ሁኔታ ቤተክርስቲያንም እነዚህን በዓላት በክርስትና ትርጉም ለመተካት የልደት በዓልን በዚያው ሰሞን እንዲሆን አድርጋለች፦ ✍️ገላትያ 4 (Galatians) 8፤ ነገር ግን በዚያን ጊዜ እግዚአብሔርን ሳታውቁ በባሕርያቸው አማልክት ለማይሆኑ ባሪያዎች ሆናችሁ ተገዛችሁ፤ 9፤ አሁን ግን እግዚአብሔርን ስታውቁ ይልቅስ በእግዚአብሔር ስትታወቁ እንደ ገና ወደ ደካማ ወደሚናቅም ወደ መጀመሪያ ትምህርት እንዴት ትመለሳላችሁ? እንደ ገና ባሪያዎች ሆናችሁ ዳግመኛ ለዚያ ልትገዙ ትወዳላችሁን? 10፤ ቀንንና ወርን ዘመንንም ዓመትንም በጥንቃቄ ትጠብቃላችሁ። 11፤ ምናልባት በከንቱ ለእናንተ ደክሜአለሁ ብዬ እፈራችኋለሁ። ✍️ የገና በዓል እንዲህ ስር የሰደደ እና በብዙኀን ዘንድ ተቀባይነት ቢያገኝም እውነት ሊሆን አይችልም እውነቱ የእግዚአብሔር ቃል የሚናገረው ብቻ ነው። ♦️ከተወለደበት ቀን ይልቅ ወደ ተወለደው ማንነት መዞር ይሁንልን ቀኑ ሳይሆን ኢየሱስ ነው መፍትሄው 📌"ኢየሱስም ሞቱን እንድናስብ ነው ያዘዘን" ✍️ ይሁዳ 1፡17 እናንተ ግን፥ ወዳጆች ሆይ፥ በጌታችን በኢየሱስ ክርስቶስ ሐዋርያት ቀድሞ የተነገረውን ቃል አስቡ፤ ✍️ 2 ቆሮንቶስ 13 (2 Corinthians) 14፤ የጌታ የኢየሱስ ክርስቶስ ጸጋ የእግዚአብሔርም ፍቅር የመንፈስ ቅዱስም ኅብረት ከሁላችሁ ጋር ይሁን። አሜን። https://t.me/Graceofjesushighpriest