⚖️🤝 «Հայաստանի պետական շահերի պաշտպանություն» ուսանողական առաջին դատախաղ-մրցույթում իրենց ուժերն են փորձում ԵՊՀ 55 ուսանողից բաղկացած 14 թիմերը: Դատախաղ-մրցույթը կազմակերպել է Հայաստանի Հանրապետության դատախազությունը Երևանի պետական համալսարանի և Ռաուլ Վալլենբերգի անվան մարդու իրավունքների և մարդասիրական իրավունքի ինստիտուտի հետ համատեղ: Այն նվիրված է ՀՀ նախկին գլխավոր դատախազ Արտավազդ Գևորգյանի ծննդյան 100-ամյակին: Մրցույթին որպես դատավորներ ներգրավված են 40-ից ավել իրավաբաններ՝ դատախազներ, դատավորներ, փաստաբաններ։ 2026 թվականի հոկտեմբերի 30-ին մեկնարկած նախընտրական՝ բանավոր երկօրյա փուլը, անցկացվում է Երևանի պետական համալսարանում: Դատախաղն ապագա իրավաբաններին հնարավորություն է տալիս գործնականում կիրառելու տեսական գիտելիքներն ու զարգացնելու մասնագիտական հմտությունները։ 🗓 Մրցույթի կիսաեզրափակիչ ու եզրափակիչ փուլերը կկայանան նոյեմբերի 1-ին՝ Գլխավոր դատախազության շենքում գործող ԵՊՀ իրավաբանական լաբորատորիայում: 🇦🇲 Հաջողություն ենք մաղթում դատախաղ-մրցույթի մասնակիցներին:

🇦🇲🇦🇲🇦🇲 Աբովյան 10 հասցեում գտնվող գույքի բռնագանձման վերաբերյալ Դատախազության հայցով Վերաքննիչ հակակոռուպցիոն դատարանը բեկանել է Հակակոռուպցիոն դատարանի վճիռը. գործն ուղարկվել է նոր քննության:

📌«Բնության հատուկ պահպանվող տարածքներում տնտեսական գործունեության հնարավորությունների ընդլայնումը չպետք է հանգեցնի հողերի ոչ նպատակային օգտագործման, բնական լանդշաֆտների աղավաղման և, արդյունքում, հանրային շահի վնասման»,- CBD COP17 շրջանակում կազմակերպված պանելային քննարկման ժամանակ ընդգծել է ՀՀ գլխավոր դատախազ Աննա Վարդապետյանը։ #COP17Armenia #BiodiversityAction #ForAction