🇦🇲✅ Ֆուտզալի Հայաստանի Բարձրագույն խմբի առաջնությունում կկայանա 3-րդ տուրը։ 🆚 Գործող չեմպիոն «Յունիսպորտը» նախորդ տուրը բաց թողնելուց հետո կհանդիպի «Ալաշկերտին»։ FFA Official

➡️Ալֆա Ֆարմ - Վեգա 1-4 Միանշանակ տուրի կենտրոնական հանդիպումն էր և այս թիմերի խաղերը միշտ անցնում են շատ լարված, հետաքրքիր, պայքարով լի և էմոցիոնալ։ Ալֆա Ֆարմը համալրումները մի կողմ ունի նաև կազմի կորուստներ և եթե հեռացած ֆուտզալիստները մնային գուցե ավելի հավասարազոր քառյակներ ստացվեր։ Խաղը մեկնարկեց բավական հավասար պայքարում և թիմերն էլ փոխանակվեցին գոլերով ու առաջին կեսն այդպես էլ ավարտվեց։ Իսկ երկրորդ կեսում արդեն կրկին դրվագային ոչ պարտադիր դիրքում սխալ փոխանցումը բերեց գոլի, իսկ Վեգան այդպիսի սխալներ չի ներում ու նաև բազմիցս խոսել եմ Վեգայի ամուր պաշտպանության մասին, որը միշտ եղել է Վեգայի այսպես ասած այցեքարտը և պարզ իրավիճակում գոլային սխալ իրականացնել նշանակում է թիմին շատ բարդ իրադրության մեջ դնել։ Երկու թիմն էլ շատ տրամադրված էին և այս թիմերի հանդիպումներն այլ կերպ չեն էլ լինում, բայց այսօր Վեգան ավելի տրամադրված էր հաղթանակի, ավելի հանգիստ էիմ և համբերատար սպասում էին իրենց պահերին, իսկ Ալֆան 2-րդ գոլն ընդունելով կարծես սկսեցին շտապել և տեղ-տեղ նաև հախուռն որոշումներ կային։ Այս անգամ էլ Վեգան հաղթեց և վաստակեց իր 3 միավորը, իսկ թիմերը մեզ նվիրեցին դիտարժան հանդիպում։

➡️Ավտոսան-Պիկսարտ 1-4 Պիկսարտը բավական ուժեղ կազմ է հավաքել այս առաջնության համար, բայց խաղային առումով կարծես դեռ խաղակցվածության հարց ունեն լուծելու։ Որակային առումով միանշանակ զգացվում է թիմի ուժը և այս խաղին էլ հենց որակները շատ մեծ դեր կատարեցին հաղթանակի հասնելու համար։ Ավտոսանն էլ հաճելի տպավորություն թողեց, մեծ ցանկությամբ և համառությամբ էին խաղում և ունեն նաև որակյալ խաղացողներ։ Կարծում եմ թիմը դեռ առաջնության ընթացքում ավելի կբացվի և ավելի համառ խաղ կսկսի ցուցադրել։