الباب ندفع ومحسن وكع وانعصرت الزهره سال الدمه من فاطمة وبالخد أثر سطره ارتدت الاعراب والدم خلف باب الله نزل ولاچنهم ذوي القربى ولا ضمير الها انفعل مره حسبوها غريبه وطفل من عدها انكتل كل ضمير الماتحرك بعده بي تلكه هبل نار شعلوا بباب الولي نار وهي صاحت ياعلي نار وحدي ومحد الي إنَّ يومَ الباب أصلَ كل هذا العذاب _______________________________ تلثميه اجوا والهاجموا وتتفرج الامه مامرني ابد هيجي عدد يهاجمله حرمه وكلها تدري الدار المن ويامره البي تنعصر الله خالق كلشي الها محجبه بسورة عصر ليش ينزل منها دمها وإضلعها ينكسر يعينك الله يالصميده بخدها من شفت السطر شلون وذاك بسمار الحقد شلون ناره تسعر بالجبد شلون كلميني وماترد إنَّ يومَ الباب أصلَ كل هذا العذاب __________________________________ كلمة "وإن" اخذت ابن ماشايف النور حقها انغصب و خدها نضرب والضلع مكسور طاحت اعله الكاع فاطم والضلع ينزف دمه فضه اجتها وشاهدتها اعليها مغمي فاطمه سنّدتها بس ضلعها جان كلشي يلچمه خطوه تمشي وخطوه توكع بايد فضه ملزمه ليش ايدها بنار نچوت ليش من النزف فاطم هوت ليش انغصب حقها بيا بخت إنَّ يومَ الباب أصلَ كل هذا العذاب __________________________________ يابو الحسن ماينحجن اجروحك هواي مشيع ضوه وفاكد هوه ومضيع الراي مشيب وحزنك بطولك حتى الاخيال انحنى المن تصير البواجي لفاطمه لو للضنا مافتح عينه عليك ولا عليه دارت سنه وباجر بنيتك تشاهد راس اخوها اعله القنا حسين تشوفه باجر عالثرى حسين ضلوعه كلها مكسره حسين وعالقنا تصد منحره إنَّ يومَ الباب أصلَ كل هذا العذاب مرتضى فيصل الشمري

#ليالي مولاتي الزهراء صلوات الله عليها يابابها ليش اندفعت بقوة يابابها وانعصرت القل هوه دافنلي كون بمكبره والزهره ماجانت مره يابابها يابابها ——————————————— الليل كله كعده صاير وعيني ابد ماتنطبك الضلع عنده كاسرينه شلون بالله ينشبك الفركه تكتل والمفارك بلايه كلشي محترك يسافر كلبي يم كل ذكرى ويوكف عدها اعزازي الراحت من بين ايدي جا شيردها نار بكصبه دموع التنزل وشيخمدها بساعه راحو مستعجلين الفركه بساعه راحو بلا سلام وشبكه بكلشي اشوفه اتذكره والزهره ما جانت مره يابابها يابابها جرح صاحي وحزن دايم والوجع نفس الوجع ياسوالف تختصرني علي ياوادم وكع القلع خيبر باب بيته عالضلع وسفه اندفع هذا المنظر وانت تخيل صار كبالك ايدك تلمس ضلع مهشم لام عيالك ولازم تصبر تحبس دمعك يم اطفالك هذا انه محدب رجعت اتجه هذا انه واعله الربع اتوجه والضلع حيلي مكسره والزهره ما جانت مره يابابها يابابها ورق يابس روحي ذبلت جنازه بيها من رحت من شلتها وجفنتها اعله روحي تشاهدت كلميني انه حيدر ضيعة الفاكد ضعت مدري شبيه وكمت اتراجف حيلي تهدم الجفن الابيض صاير احمر من كد الدم ومو بس ولدي حتى اني هم اتيتم يابويه نار واحس تاكلني يابويه كسر الضلع كاتلني وياكلبي جا شيصبره والزهره ما جانت مره يابابها يابابها من رجعنا مارجعنا تغيرينه بالدرب ياثكلها اجدامي صارت امشي بس بلاكلب تنتظرني هناك زينب الها بالله شلون اطب من تسئلني جا وين امي شحجي شبيها امج ماتت اي يازينب شلون احجيها ومامش الها كبر وذكرى ومتزوريها كبر ماكو وابجي اعله امج سكته كبر ماكو وحتى الحجر فززته وهالامر مثله ماجرى والزهره ما جانت مره يابابها يابابها شايفيها الابنيه لامها تحتاج شكثر تجي لامها يمها تكعد وبحضنها تستقر شلون بيها بنيتي زينب إمها ماعدها كبر كلمة "يمه" هاي انشالت ماتت امج هسه إيتيمه ووحدج صرتي ومحد يمج خمس سنين وجرحج اكبر واكثر همج يازينب يابويه صرتي إيتيمه يازينب راحت الجانت خيمه وهذا السفر للاخره والزهره ما جانت مره يابابها يابابها مرتضى فيصل الشمري