🇦🇺 Avstraliya regulyatori “Katta törtlik” auditorlik kompaniyalariga oid qonunbuzarliklar haqidagi xabarlarni tekşirmoqda Avstraliya qimmatli qoğozlar va investitsiyalar komissiyasi (ASIC) dunyoning eng yirik auditorlik kompaniyalari — KPMG, Deloitte, PwC va EY faoliyatiga oid tekşiruvlarni olib bormoqda. ASIC ma’lumotlariga tayanib e’lon qilingan axborotga köra, 2023-yil 1-iyuldan 2026-yil 7-oktabrgacha regulyatorga ehtimoliy qonunbuzarliklar yuzasidan 153 ta xabar kelib tuşgan. Kompaniyalar kesimida: • KPMG — 53 ta; • Deloitte — 47 ta; • PwC — 42 ta; • EY — 18 ta. Bundan taşqari, ASIC mazkur kompaniyalarda qayd etilgan 550 dan ortiq içki şikoyatlarni ham örganmoqda. Potensial xabar beruvçilardan kelib tuşgan 48 ta murojaatning 23 tasi bevosita auditorlarning kasbiy faoliyati va xatti-harakatlariga taalluqli. Regulyator auditorlik kompaniyalarida kasbiy standartlar, etika talablari va içki tartib-taomillarga rioya etilişini nazorat qilişni davom ettirmoqda. Manbalar: 🔗 ASIC — Avstraliya davlat regulyatorining rasmiy bayonoti: https://www.asic.gov.au/about-asic/news-centre/speeches/parliamentary-joint-committee-on-corporations-and-financial-services-opening-statement-4-september-2026 🔗 Accounting Times — professional naşr: https://www.accountingtimes.com.au/profession/big-4-misconduct-reports-to-asic-pile-up-to-153

🚨 20 ДАҚИҚАДА $6,36 МЛРД: ТАРИХДАГИ ЭНГ ЙИРИК КРИПТОҲУЖУМ 2026 йил 29 октябрь куни криптовалюта бозори мисли кўрилмаган ҳодисага дуч келди. Binance ҳамёнларидан ўнта блокчейн орқали жами 6,36 миллиард долларлик криптоактивлар чиқариб кетила бошланди. Маблағларнинг асосий қисми атиги 20 дақиқа ичида кўчирилган. Агар TRM Labs баҳолари тасдиқланса, бу криптовалюта тарихидаги энг йирик ўғирлик бўлади. Таққослаш учун: 2025 йил февраль ойида Bybit биржасига қилинган ҳужум натижасида тахминан 1,5 миллиард долларлик активлар ўғирланган эди. 🔍 Ҳужум ортида ким турибди? TRM Labs таҳлилий компанияси ҳодисани юқори эҳтимол билан TraderTraitor номли Шимолий Корея хакерлик гуруҳи билан боғламоқда. Ушбу гуруҳ КХДР давлат тузилмалари манфаатлари йўлида фаолият юритиши билан танилган. Мазкур гуруҳ 2025 йилдаги Bybit биржасига қилинган ҳужум бўйича ўтказилган текширувларда ҳам тилга олинган. Ҳужум қандай амалга оширилган? Binance'нинг дастлабки маълумотларига кўра, ҳужумчилар DevOps муҳандисининг ноутбукини назоратга олиб, у орқали сервис инфратузилмасига кириш имкониятига эга бўлган. Бу эса рухсатсиз транзакцияларни амалга оширишга имкон берган бўлиши мумкин. TRM Labs маълумотларига кўра, ҳужумга тайёргарлик асосий маблағлар чиқарилишидан камида 36 соат олдин бошланган. Жумладан, Ethereum тармоғида ҳужумчилар EIP-7702 механизми ва олдиндан тайёрланган авторизациялардан фойдаланиб, биржанинг «иссиқ» криптоҳамёнидаги транзакцияларни бошқариш имкониятига эга бўлган. Эътиборлиси, Binance криптоҳамёнларнинг махфий калитлари сиздирилганига оид белгиларни аниқламаган. 💰 Маблағлар тақдири нима бўлди? Криптоиндустрия иштирокчиларининг жавоб чоралари тезкор бўлди: ▪️ Tether, Circle, Ripple ва бошқа иштирокчилар активларнинг бир қисмини блоклади. ▪️ Arbitrum Хавфсизлик кенгаши ҳам маблағларни музлатиш бўйича чоралар кўрди. ▪️ TRM Labs баҳоларига кўра, тахминан 2,7 миллиард долларлик активларни блоклашга эришилган. ▪️ Дастлабки баҳолашларга кўра, тахминан 2,4 миллиард долларлик активлар ҳали ҳам ҳужумчилар назоратида қолган. Binance фойдаланувчилар маблағлари хавфсизлигини таъминланганини, юзага келган барча йўқотишлар эса компаниянинг захиралари ва ўз маблағлари ҳисобидан қопланишини маълум қилди. ⚠️ Нима учун бу воқеа нафақат криптобозор учун муҳим? Ушбу ҳодиса ички IT-инфратузилманинг компрометация қилиниши қандай жиддий оқибатларга олиб келиши мумкинлигини кўрсатади. Йирик молиявий ҳужумни амалга ошириш учун блокчейнни тўғридан-тўғри бузиш ёки криптоҳамёнларнинг махфий калитларини ўғирлаш шарт эмас. Баъзан муайян тизимли ваколатларга эга ходимнинг қурилмасига кириш имкониятини қўлга киритишнинг ўзи етарли бўлиши мумкин. Воқеа бўйича текширув ҳали давом этмоқда. Бироқ бу ҳодиса ҳатто энг йирик молиявий-технологик платформалар ҳам ички назорат механизмлари рухсатсиз операцияларни ўз вақтида олдини олишга қодир бўлмаса, жиддий хавф остида қолишини кўрсатмоқда. 20 дақиқада 6,36 миллиард доллар. Назорат тизимидаги битта жиддий заифликнинг қиймати. Telegram / Facebook / Сайт / YouTube / Instagram Рус тилида Forensic Audit #Forensic #CyberSecurity #Binance #Crypto #FinancialInvestigation

🔍 Камерал солиқ текширувлари: бизнес нималарни билиши ва ўз позициясини қандай ҳимоя қилиши керак? UPL.uz нашрининг 2026 йил 24 октябрдаги хабарига кўра, январь–сентябрь ойларида Ўзбекистонда 25,1 минг нафар солиқ тўловчи камерал солиқ текширувлари билан қамраб олинган. Текширувлар натижасида 27,7 трлн сўмлик тафовутлар аниқланган. Уларнинг асосий қисми ҚҚС ва фойда солиғига тўғри келади. Солиқ тўловчиларга тегишли талабномалар юборилган. Камерал текширув нима? Ўзбекистон Республикаси Солиқ кодексининг 138-моддасига мувофиқ, солиқ органи солиқ ва молиявий ҳисоботларни компания фаолияти тўғрисида ўзида мавжуд бўлган маълумотлар билан солиштиради. Текширувдан олдинги таҳлил ва камерал солиқ текширувини фарқлаш лозим. ❗️ Текширувдан олдинги таҳлил буйруқ чиқармасдан, автоматик тарзда амалга оширилади. Унинг натижалари бўйича юборилган хабарномага 10 иш куни ичида жавоб бериш лозим: аниқлаштирилган ҳисоботни тақдим этиш ёки аниқланган тафовутларни асослаб бериш керак. Камерал солиқ текшируви натижалари бўйича юборилган талабномага эса уни олган кундан бошлаб 5 иш куни ичида жавоб бериш белгиланган. Муддатларни ҳисоблаш тартиби Солиқ кодексининг 5-моддасида назарда тутилган. Бизнес қандай ҳаракат қилиши керак? 📌 Шахсий кабинет ва белгиланган муддатларни назорат қилинг. Ҳужжат олинган санани қайд этинг, унинг турини аниқланг ва жавоб тайёрлаш учун масъул ходимни белгиланг. Солиқ инспектори билан оғзаки мулоқот қилинган тақдирда ҳам расмий ёзма жавоб тақдим этиш муҳим. 📌 Ҳар бир тафовутни алоҳида таҳлил қилинг. Ҳисоботларни бухгалтерия регистрлари, электрон ҳисобварақ-фактуралар, шартномалар, далолатномалар ва тўлов ҳужжатлари билан солиштиринг. Кўрсаткичлар ўртасидаги фарқ операцияни турли даврларда тан олиш, аванс тўловлари, қайтаришлар ёки ҳужжатларга тузатишлар киритиш билан боғлиқ бўлиши мумкин. 📌 Тасдиқланган хатоларни тузатинг, норозиликни эса асосланг. Солиқ кодексининг 138-моддаси аниқлаштирилган ҳисоботни тақдим этиш ёки ўз позициясини ҳужжатлар билан тасдиқлаш имконини беради. Шунинг учун солиқ мажбуриятларини ўзгартиришдан олдин ҳисоб-китоблар ва солиқ органи талабининг ҳуқуқий асосларини текшириш зарур. 📌 Текширувчилар ваколатларининг чегараларини билинг. Оддий камерал солиқ текшируви давомида текширилаётган корхона ҳудудига кириш, хоналарни кўздан кечириш, текширилаётган солиқ тўловчидан ҳужжатларни талаб қилиш, уни чақириш, ҳужжатлар ва буюмларни олиб қўйиш тақиқланади. ҚҚСни қоплаш мақсадида ўтказиладиган текширув бундан мустасно. Шу билан бирга, корхона ўз позициясини асословчи ҳужжатларни тегишли тушунтиришлар билан бирга тақдим этиш ҳуқуқига эга. 📌 Мураккаб масалаларда солиқ маслаҳатчиларини жалб қилинг. Солиқ кодексининг 138-моддаси солиқ маслаҳатчилари ташкилотининг хулосасини тақдим этиш имкониятини ҳам назарда тутади. «FORENSIC LAW & TAX» МЧЖ аниқланган тафовутларни таҳлил қилиш, солиқ органи талабларининг асослилигини текшириш, тушунтиришлар, ҳисоб-китоблар ва тасдиқловчи ҳужжатларни тайёрлашда ёрдам беради. ❗️ Биз бизнесга камерал солиқ текширувларида ҳамроҳлик қиламиз: хабарномани таҳлил қилиш ва солиқ рискларини баҳолашдан тортиб, асослантирилган позицияни тайёрлаш ҳамда тасдиқланган хатоларни тузатиш бўйича тавсиялар беришгача. ✅ Профессионал ёрдамга қанчалик эрта мурожаат қилсангиз, тўлиқ ва асослантирилган жавоб тайёрлаш ҳамда компания манфаатларини ҳимоя қилиш учун шунчалик кўп вақтингиз бўлади. Telegram / Facebook / Сайт / YouTube / Instagram Рус тилида Forensic Audit