سلام عليكم دعواتكم الطفل محمد عباس بلشفاء العاجل حالين بالمستشفى

https://t.me/dfresfhjjhjjkk كروب بيع وشراء الاحذيه والملابس

موشح ليش بيت الزهرة بالنـار احـترگ وليش ذاك الباب عالضلع انطبگ …………………………… نـنـشـد ودورنــه للحـادث سبـب ليش من مـات النبي صار العجب وعله باب ابنيـتـه جمـعـوه الحطب وبعده جرح امصاب ابوها ماعتگ …………………………… بنـيـه مفجـوعه بأبوها التـوه راح تصلي چـانت بلكي همـها يستراح لنها تسمـع جـعجـعت ناس ورماح وما تعرف اشرايده منها الخـلگ …………………………… وانـكـر اصوات الزلـم لنـه ضُبح وين حيدر ، والشر بعينه جـدح وگـوه باب البيت عالزهره انفتح ولا جبـين الخجـل للوادم عرگ …………………………… وطبوا عليها بـلا رخصه وأذن حرگوا گـال الدار خلها تنطحن الزهره گـالوا بيها، گـاللهم وأن الثاني اول واحد الطب وحرگ …………………………… وللستر لاذت خلف باب الجذع عليها ذيـچ البـاب لنـها تـنـدفـع وبيـها بسمار ونبـت نص الضلع عليها غَلگت موت هالباب انغلگ …………………………… من الوجع گامت عمت عيني تـلوج وهـيست بيـها الارض گـامت تموج طاحـت وفـوگ التـرب دمها يفـوج وثـوبـها بدمهـا يهـالـوادم غـرگ …………………………… وشافـها مرمـيـه ترفـس عالترب بسوطه لـن النذل طاحلـها ضرب والدمـع وي الدمـه عالخـد يصب حين خدها بچـفه هالظالم صفگ …………………………… برجله هالظـالـم لبت طـه رفـس والهـوى بريـتـها والـدم انحـبـس رادت اتموت انگـطع منها النفس والفَضه بدخان واعجاج اختنگ …………………………… واثر رفسات النذل طاح الحمل ويل گلبي اعليه محسن منچتل ودمـه يشـهد عالجريمه هالطفل وللزچيه باچر ايطلعلها حگ عقيل الحسناوي..