اللّهُمَّ صَلِّ عَلىٰ مُحَمَّدٍ وَآلِ مُحَمَّد اللَّهُمَّ عَجِّل لِوَلِيِّكَ الْفَرَج.

اليوم شخص كال لي: انطيني تلفونج، وما قبلت أنطيه. فـ سألني: إذا صاحب الزمان عجل الله فرجه إجه وطلب منج تلفونج، تنطينه إياه؟ فـ أنه جاوبته: إي عادي، لأن ما بي شي! بس من رجعت فكرت بكلامه، حسّيت إن جوابي مو كافي، وإنّي يمكن جنت غلطانة من الأساس. هالسؤال خلّاني أراجع نفسي، وأرجع لتلفوني وأتأكد من كلشي بي. صرت كلما أشوف شي أسأل نفسي: هذا الشي، لو شافه صاحب الزمان ، راح يقبل بيه؟ بدون تردد بديت أمسح كلشي ما يرضي مولاي. يمكن سؤال بسيط من شخص، بس خلّاني أنتبه لأشياء جنت غافلة عنها. خلّينا دائماً نتذكّر مو بس تلفوناتنا، حتى قلوبنا وأعمالنا وأسرارنا، نتمنى لو كان صاحب الزمان مطّلع عليها بكل لحظة، فخلّينا نعيش بطريقة ما نستحي بيها من نظرته إلينا. اللهم اجعلنا ممن يفرح قلب مولاه بصلاح أعماله

إني قد أستقبحت مايُصنع بالنّساء ، أنّه يُطرح على المرأة الثوب فَيـصـفـها لِمن رأى.. - سيّدة النّساء فاطمة الزّهراء (عليها السّلام)