Телеграм канал «ERONSHUNOSLIK VA AFGʻONSHUNOSLIK OLIY MAKTABI»

Туғма шарқшунос
 
2014 йил. Магистрлик диссертациямни инглиз тилида ёзаётган эдим. Уни шу тилда ҳимоя қилиш мумкинми, деган масалада кафедрада иккиланиш пайдо бўлди. Масалага ўша пайтда илмий ишлар бўйича проректор Гулчеҳра Шавкатовна Рихсиева ечим бериши мумкин эди.
Минг ҳаяжон билан хоналарига кирдим. Устоз илиқ кутиб олдилар. Мавзуим ва мақсадимни эшитгач, юзларида қувонч пайдо бўлди: «Жуда яхши иш қиляпсиз. Ҳимояга мени ҳам албатта таклиф қилинг», дедилар.
Шу бир оғиз гап менга қанот берди. Диссертациямни 100 балл билан ҳимоя қилдим.

Кейин йиллар давомида устознинг меҳрини ҳам, талабчанлигини ҳам кўрдим. Таянч докторантурага қабул қилинишдан тортиб, илмий изланишларимгача, керак жойда қўллаб-қувватладилар, керак жойда қаттиққўллик билан тўғри йўл кўрсатдилар.

2019 йилда у киши институт ректори этиб тайинланган пайтда мен Нидерландиянинг Лейден университетида малака ошираётган эдим. Ўшанда устоз катта режалари борлигини, бу йўлда ёшларга суянишини айтган эдилар.
Ва бу сўзлар амалда ўз исботини топди.

Институт университетга айланди. Янги йўналишлар очилди, халқаро ҳамкорликлар кенгайди, ўзбек шарқшунослигининг дунёдаги ўрни ва нуфузини мустаҳкамлаш йўлида катта ишлар қилинди. Бу жараёнларда давлатимиз раҳбарининг қўллаб-қувватлаши билан бирга Гулчеҳра Шавкатовнанинг меҳнати, қатъияти ва шарқшуносликка садоқати алоҳида ўрин тутади.

Устоз кучли олима, моҳир раҳбар ва музокарачи, шарқшуносликнинг ҳақиқий жонкуяри. Аммо мен учун у кишининг энг катта фазилати ҳар қандай вазиятда ҳам аввало инсон бўлиб қолишидир. Ёнидаги инсоннинг дардини ҳис қилиш, уни қўллаб-қувватлаш ва керак пайтда унга ишонч бериш...
Баъзан шарқшунос деганда фақат шу соҳани тамомлаган инсонни тушунамиз. Менимча, шундай инсонлар ҳам борки, улар шарқшунос бўлиб туғиладилар. Бутун умрини Шарқни ўрганиш, англаш ва уни бошқаларга танитишга бағишлайдилар.
Мен Гулчеҳра Шавкатовнани ана шундай туғма шарқшунослардан деб биламан.
Устоздан ўрганадиган жиҳатларимиз жуда кўп. Лекин мен учун энг катта сабоқ лавозим ва мақомдан қатъи назар, инсонлигингни йўқотмаслик, одамларнинг дарди ва ўйини қалбан ҳис қила билишдир.

Кеча университетимизга янги ректор тайинланди. Янги ректорнинг ҳам қадами қутлуғ келсин. Университетимиз ва ўзбек шарқшунослиги ривожи йўлида кўплаб хайрли ишларга сабабчи бўлсин.

Гулчеҳра Шавкатовнанинг эса ТДШУдаги фаолияти давом этади. Ишонаманки, у кишининг катта тажрибаси, илми ва шарқшуносликка бўлган садоқати ҳали университетимиз ривожига кўп йиллар хизмат қилади.

Биз шогирдлар учун эса устознинг ёнимизда экани, маслаҳати ва дуосини ҳис қилиб туришнинг ўзи катта куч.

Нодир Каримов,
Тарих фанлари доктори (DSc), профессор  в.б.

👉 @DrNodir_Karimov

#Tayinlov

Oliy taʼlim, fan va innovatsiyalar vazirining tegishli buyrug‘i bilan Nosirova Saodat Abdullayevna Toshkent davlat sharqshunoslik universiteti rektori etib tayinlandi.

Saodat Nasirova mazkur tayinlovga qadar Toshkent davlat sharqshunoslik universiteti huzuridagi Konfutsiy nomidagi O‘zbek-Xitoy instituti direktori lavozimida faoliyat yuritib kelayotgan edi.

Facebook | Instagram | YouTube | Telegram

⚡️⚡️⚡️

📣SHARQDAN CHALLANGE‼️

Sharq xalqlari tillari va adabiyoti Filologiya va tillarni o’qitish-Fors tili 1-bosqich talabalari

#Sharqshunos_Ustozimga_Ehtirom

@sharq_xabar

#tabrik_ustozlar

⚡️⚡️⚡️

✨ Aziz ustozlar, Eronshunoslik va afg'onshunosik oliy maktabining professor-o'qituvchilari, o'z kasbining fidoyilari bugungi kasb bayramingiz, ustoz va murabbiylar kuni muborak bo'lsin!

✨ Yurtimiz ravnaqi, sharqshunos yoshlar avlodini tarbiyalash yo'lida qilayotgan fidokorona mehnatlaringiz uchun tashakkur!

✨ Sizlarga mustahkam sog‘liq, baxt va omad, xonadoningizga tinchlik-xotirjamlik, fayzu baraka, sharafli va mas'uliyatli faoliyatingizda kattadan-katta muvaffaqiyatlar tilayman.

Nodir Nuriddinov

⚡️⚡️⚡️

💥 TABRIKLAYMIZ 💥

🌟 PROFESSOR DIPLOMI 🌟

❇️ AXMEDOVA DILFUZA RAFUKJANOVNA❇️

➡️@eron_afg

😄Toshkent davlat sharqshunoslik universitetida 1-oktabr — O‘qituvchi va murabbiylar kuni munosabati bilan “Sharqshunos ustozimga ehtirom!” nomli ma’naviy-ma’rifiy tadbir o‘tkazildi.

✅TDSHU Matbuot xizmati/Пресс-служба ТГУВ/Press service of TSUOS

🌐Telegram |🌐Facebook |🌐Youtube
📹Instagram|🌐Twitter |🗄 tsuos.uz

Aziz va muhtaram ustozlar!

😄Sizlarni sharafli kasb bayramingiz — O‘qituvchi va murabbiylar kuni bilan chin qalbimdan samimiy muborakbod etaman!

Yangi O‘zbekistonning bilimli, ma’naviy yetuk, vatanparvar va fidoyi yoshlarini, xususan, yosh sharqshunoslarni har tomonlama barkamol etib tarbiyalash, ularga zamonaviy bilim va ko‘nikmalar berish, ta’lim hamda ilm-fan rivojiga qo‘shayotgan fidokorona hissangiz uchun chuqur minnatdorlik bildiraman.

Sizlarning mashaqqatli va sharafli mehnatingiz, boy ilmiy-pedagogik tajribangiz hamda yosh avlod kamoloti yo‘lidagi sa’y-harakatlaringiz bilan Prezidentimiz belgilab bergan vazifalarni to'liq ado etishingizga, natijalar esa Yangi O‘zbekiston taraqqiyotining muhim qadamlaridan bo'lishiga ishonaman.

Sizlarga mustahkam sog‘lik, oilaviy xotirjamlik, pedagogik va ilmiy faoliyatingizda ulkan muvaffaqiyatlar, yangi ilmiy yutuqlar va yuksak marralar tilayman.

Kasb bayramingiz muborak bo‘lsin, aziz ustozlar!

Hurmat bilan,
TDSHU rektori, professor
Gulchehra Rixsiyeva

✅TDSHU Matbuot xizmati/Пресс-служба ТГУВ/Press service of TSUOS

🌐Telegram |🌐Facebook |🌐Youtube
📹Instagram|🌐Twitter |🗄 tsuos.uz