الهي بحق المولودة في هذا اليوم ،زد في نسل شيعة أمير المؤمنين روحي فداه ،واحفظهم وبارك بهم وسهل أمر تزويج شبابهم . متباركين ❤️🙏

((مفاتيح الجرائم)) بحق مولاتنا الزهراء ص الأم التي انطلقت منها كل المصائب حرگة دار.. حرّگة خيمه هنا بسمار... تحول حافر نفس احبال الچتفت حيدر هنــــــــاك تگاود زينب باچر ـــــــــــــــــــــــــــــــــــ زغيره وشاهدت كلشي وشيب بالهـضم رمشي فرد ساعه خسرت اثنين أمي ومحسن او عشي المصيبه الشتت بالي الانطره امــــدد گبالي طفل فوگ الجمر طايح لا يحچي ولا يمشي لطمت اعله الوجه من عاينت حاله ما  معقوله  محــد دنـگ او شـــاله ضل يتلوه فوگ النــــــــار اشوفنه المثله احضان موگاع وجـمر فــاله باب اجذوع... وانته اتصور يضل يـــلوع...  البي يــتعثر حيل يطبگه وحيل اتــجاسر هنـــــــاك تـگاود زينب باچر ـــــــــــــــــــــــــــــــــــ ادني اعيوني يمَه بخوف عمت عيني علذاك الشوف أحسه يگلي يـــــــــا زينب اكل ضهري الجمر مـــلهوف أشوفن نضرته ونــوحه علصوب الباب مشبوحه چنه يگلي لحــگي امي أمي الــــــزهره مجروحه حقيقه مـــــو حلم هذا الجره وشفته محسن يا خلگ مــــــــن الجمر شلته شويه وصــــوت خافت گوه اسمعنه أول ركضه  أول جــــمر انه اسحگته أول نااار.... شافت عيني وال بسمااار... باگ سنيني باب الـدار اتـــــحول حافر هنــــــــاك تگاود زينب باچر ـــــــــــــــــــــــــــــــــــ الشده بـــــالي بعد اكثر صاحت فضه مو حيدر اليــــــفزع للغرب ندري لفزعت أمـــــي ما يگدر الهضمني داســــــو اعتابه وحــــــــــرگو بالحقد بابه خلف الباب عصــــــــروها رحمة الله وحجــــــــــابه أثاري بالوصيه مچتف اوحــــــــاير حسرته بروحه تاكل والــــدمع غاير ما شايف جــــــــبل وحــبال چتفنه صحت بويه دخـــيلك كلي اشصاير ليش احبال..... جتفت ايدك ما تنـــــگال....مااات وليدك من زغري بـــهم گلبي يتاجر هنــــــــاك تگاود زينب باچر ـــــــــــــــــــــــــــــــــــ كل أم للضــــــــنه تحسب وعكسهن أمـي بس تنحب الما شبگت ضناها تــــلوع تنوح أو تغفى مـــن تتعب جمال الما شفت مثله تتاني طلعــــــته اهله تعب أمي ثواني ضاع بعد ألمن تضـــل عدله الفاگدلــــه ضنه يستشعر الحرگه غـــدت من الهضم امي شبه ورگه محسن ماكو ضل بس المهد خالي مگابلت المـــــــهد يا حيرة الفرگه وبهل حاااال.... ماتت أمنه شمســووين... وتيـــــتمنه ياهو المـــــــاتت أمه وصابر هنــــــــاك تگاود زينب باچر ـــــــــــــــــــــــــــــــــــ تمت برعايتها ص خادم الزهراء ص ✍ياسر الزيادي