Yakkabog' tumanida “Yashil makon” umummilliy loyihasi doirasida seminar tashkil etildi Yakkabog‘ ixtisoslashtirilgan o‘rmon xo‘jaligi rahbari Turg‘un Nurmatov hamda o‘rmonchi-murabbiylar hamkorligida Yakkabog‘ tumanida “Yashil makon” umummilliy loyihasi doirasida seminar tashkil etildi. Unda tumandagi 59 ta mahalla fuqarolar yig‘ini raislari ishtirok etdi. Seminarda O‘zbekiston Respublikasi Prezidentining PF-206-son Farmoni ijrosini ta’minlash, tuman mahallalarini yashillashtirish ishlarini takomillashtirish, ko‘kalamzorlashtirish tadbirlarini yanada jadallashtirish hamda bu boradagi hamkorlik samaradorligini oshirish masalalari muhokama qilindi. Seminar yakunida mahallalarda ko‘kalamzorlashtirish ishlarini tizimli tashkil etish, o‘rmon xo‘jaligi va mahalla hamkorligini kuchaytirish hamda loyiha doirasidagi ishlar samaradorligini oshirish bo‘yicha tegishli tavsiyalar berildi. 🌿Qashqadaryo viloyati Ekologiya bosh boshqarmasi matbuot xizmati telegram | facebook | instagram | ecokash.uz

Shahrisabz tumanida ekologik reyd tadbirlari o‘tkazildi Qashqadaryo viloyati Ekologiya bosh boshqarmasi Shahrisabz tumani bo‘limi xodimlari tomonidan ekologik qonunchilik talablariga rioya etilishini ta’minlash maqsadida navbatdagi reyd tadbirlari o‘tkazildi. Reydlar davomida Oqsuv daryosi o‘zanida noqonuniy qum-shag‘al qazib olishga urinish, ekologik talablarga zid harakatlar hamda maishiy chiqindilarni belgilanmagan joyga tashlash holatlari aniqlandi. Aniqlangan huquqbuzarliklar yuzasidan jami 8 nafar fuqaroga nisbatan qonunchilikda belgilangan tartibda ma’muriy choralar, jumladan jarimalar qo‘llanildi. Bunday tadbirlar tabiiy resurslarni muhofaza qilish, atrof-muhit ifloslanishining oldini olish va aholining ekologik madaniyatini oshirishga qaratilgan. Tabiatni asrash — barchamizning burchimiz! 🌿Qashqadaryo viloyati Ekologiya bosh boshqarmasi matbuot xizmati telegram | facebook | instagram | ecokash.uz

YASHIL MAKON”: MUBORAKDA KO‘CHAT EKISH MAVSUMIGA TAYYORGARLIK KO’RILMOQDA Muborak tumanida “Yashil makon” umummilliy loyihasi doirasida hududlarni ko‘kalamzorlashtirish, yashil maydonlarni kengaytirish hamda aholi o‘rtasida ekologik madaniyatni yuksaltirishga qaratilgan ishlar davom etmoqda. Shu munosabat bilan tuman aholisi, mahalla faollari va tashkilotlar uchun mevali hamda manzarali daraxt ko‘chatlari savdo yarmarkasi tashkil etildi. Yarmarkada mahalliy iqlim sharoitiga mos turli ko‘chatlar hamyonbop narxlarda taklif etilib, xaridorlarga ularni to‘g‘ri ekish va parvarishlash yuzasidan zarur tavsiyalar berildi. Mazkur tashabbus shaharda kuzgi ko‘chat ekish mavsumini faollashtirish, mahallalar va jamoat joylarini obodonlashtirish hamda atrof-muhit musaffoligini ta’minlashga xizmat qiladi. 🌿Qashqadaryo viloyati Ekologiya bosh boshqarmasi matbuot xizmati telegram | facebook | instagram | ecokash.uz