TALVASA. 1856-yilda Sierre Nevadaning allaqaysi burchagida daryo chekkasidagi to'lqinlarga elak tutib turgan allaqaysi Tom bilan o'xshash tomonimiz – ikkimizning ham talvasa kasalligiga chalinganimizda. Tom oltin topishni, boyib ketishni, oilasi ehtiyojlarini qondirishni va yaxshi hayot qurishni xohlaydi. Men esa shunchaki ketishni, hatto qayergaligi muhim emas, negaligini ham bilmayman. Bilganim ketishim kerak. Garchi oltin izlovchilar zamoni allaqachonlar o'tib ketganligini, hatto gidravlik mashinalarga ega yirik-yirik konchilik kompaniyalari ham qo'lini siltab qo'yganligini, izlovchilar aksar hollarda hech qanday natija ololmasdan oylab vaqt yo'qotib, hech narsasiz qaytib ketayotganlarini bilsa ham har kuni suvga tilla umidida elak tutadi allaqaysi Tom. Xuddi men barcha urinishlarim deyarli foydasiz ekanligini, hatto nima xohlashimni aniq bilmasligimni, rejalarim hech qanday asosga ega emasligini, mabodo bulardan biron natija bo'lgan taqdirda ham hech qanday foyda olib kelmasligini bilganim holda ketuvchi yo'llarga intilaverganim singari. Farqimiz, o'sha allaqaysi Tomning xatti-harakatlarida ozgina bo'lsa ham mantiq bor. @egoreack