Телеграм канал «AR Elm və Təhsil Nazirliyi»

Bakıda yerləşən ali təhsil müəssisələrində tədris distant təşkil olunacaq

Formula 1 üzrə Azərbaycan Qran-Prisinin keçirilməsi ilə əlaqədar Bakı şəhərində fəaliyyət göstərən ali təhsil müəssisələrinin fəaliyyətinin tənzimlənməsi ilə bağlı əmr imzalanıb.

Elm və Təhsil Nazirliyinin müvafiq əmrinə əsasən, 23-25 sentyabr tarixlərində Bakı şəhərində fəaliyyət göstərən ali təhsil müəssisələrində tədris distant (məsafədən) formada təşkil olunacaq.

Əmr Formula 1 üzrə Azərbaycan Qran-Prisinin keçirildiyi müddətdə tədris prosesinin fasiləsizliyinin təmin olunması məqsədilə imzalanıb.

Ali təhsil müəssisələrinə əmrin icrası ilə bağlı müvafiq tədbirlərin görülməsi tapşırılıb.

📢 Formula 1 Azərbaycan Qran-Prisi ilə əlaqədar 7 məktəbdə tədris distant olacaq

Bakı Şəhər Halqasının əhatə etdiyi ərazilərdə nəqliyyatın hərəkətinin məhdudlaşdırılması ilə əlaqədar 22–26 sentyabr 2026-cı il tarixlərində aşağıdakı məktəblərdə tədris distant formada təşkil ediləcək:

🔹 6 nömrəli məktəb-lisey
🔹 7, 8 və 23 nömrəli tam orta məktəblər
🔹 160 nömrəli Klassik Gimnaziya
🔹 132-134 nömrəli məktəb-lisey
🔹 İlyas Əfəndiyev adına Elitar Gimnaziya

Azərbaycan Respublikası Nazirlər Kabineti “Dövlət ümumi təhsil müəssisəsi təhsilalanlarının geyim formalarının təsvirləri”ndə dəyişiklik edilməsi barəsində qərar qəbul edib.

Ətraflı: https://nk.gov.az/az/senedler/qerarlar/azerbaycan-respublikasi-nazirler-kabinetinin-2022-9789

20 Sentyabr – Dövlət Suverenliyi Günü

Bu əlamətdar gün Azərbaycanın suverenliyinin və ərazi bütövlüyünün tam bərpasını, xalqımızın milli birliyini və dövlətçilik iradəsini təcəssüm etdirir.

Dövlət Suverenliyi Günümüz mübarək!🇦🇿

📢 “Ailə tipli icma əsaslı məktəbəqədər təlim qrupları” üçün tərbiyəçi-müəllimlərin qeydiyyatına başlanılır.

👩‍🏫 Namizədlər üçün əsas tələblər:
🔹 Minimum tam orta təhsil;
🔹 Uşaqlarla işləmək bacarığı və məsuliyyətlilik;
🔹 Xüsusi təlim proqramında iştiraka hazırlıq;
🔹 Təhlükəsizlik və sanitariya-gigiyena tələblərinə uyğun məkan.

👧 Qruplar 4–8 uşaqdan ibarət olacaq, məşğələlər həftədə 4 gün, gündə 2–2,5 saat keçiriləcək.

📅 Müraciət üçün son tarix: 23 sentyabr 2026-cı il.

Müraciət üçün keçid: https://forms.cloud.microsoft/r/r39WsgUFVa

📢 “Ana dili – Azərbaycan məktəbi” layihəsinə qeydiyyat başlayıb!

Azərbaycan Gənc Müəllimlər Assosiasiyasının təşkil etdiyi layihə xaricdə yaşayan soydaşlarımızın Azərbaycan dilini öyrənməsinə və milli kimliyini daha yaxından tanımasına dəstək məqsədi daşıyır.

Yaş qrupları: 6–10, 11–13 və 14–18 yaş
📚 Dərslər: həftədə 2 dəfə, onlayn
📅 Dərslərin başlama tarixi: 01 oktyabr 2026
🎓 Səviyyələr: başlanğıc, orta və yüksək
⌛Son qeydiyyat: 28 sentyabr

İştirakçılar dil səviyyəsi və vaxt zonalarına uyğun qruplara bölünəcəklər. Proqramı uğurla başa vuranlara sertifikat təqdim olunacaq.

🔗 Qeydiyyat linki: https://tinyurl.com/mr3h4esj

📢 Məktəbəqədər təhsil müəssisələrinə növbəyə yazılma davam edir

Qəbul prosesi myGov portalı vasitəsilə elektron qaydada həyata keçirilir.

🔹 Bir uşaq üçün maksimum 3 müəssisə seçilə bilər.
🔹 Boş yer olduqda növbə minimum 5 gündən sonra sorğuya çevrilir.
🔹 Boş yerlərə qəbul il boyu davam edəcək.