اشدُد حيازيمك علي بهاي المسيه موش المنيتك ياعلي الدفن الزچيه ……………….. اشدُد حيازيم الگلب واصبر يحيدر فكد الزچيه اثگلُ تره من باب خيبر هالمره ماضن ياعلي اعله الفرگه تكدر هليله ترجع منكسر حامي الحميه ………. هليله تبدي ياعلي كل نايباتك من تدفن الزهره اوتضل بس ذكرياتك الماتت حياتك يا بقيه الـ في حياتك ياحيدر انته وفاطمه ابنفس المنيه ………. موسهله هليله علي هليله صعبه قبلك منوَه الي يشيع بيده گلبه محد يلومك من تگول الفرگه غربه يامن تقاسمتو الحلو والمر سويه ……… بكل خطوه تعثر ياعلي الله يعينك اتفزز اهل المگبره نبرةْ ونـيـنـنك ينقص البير وينملي من دمع عينك تصحه ابرزيه ياعلي وتغفه ابرزيه ………… مِيسر صديج او لا عدو هليله وضعك راحت المن تبچي تجي وتمسحه دمعك ما چانت ابالك ابد فاطم تفجعك وتخلي دمعاتك على اخدودك جريه ……………. #عباس_هابيل_الزينبي #الليالي_الفاطميه

قصيدة بحق الزهراء عليها السلام عن الإمام علي عليه السلام جديدة يا زهـــــرتي كلما اصد   ذبلانة من دون الورد الچانت حياتي ودنيتي  راحت يوسفة وماترد ****** عشنا اعله حب الله سوة   أجمل عمر يازهرتي كل ذكــرياتي البألامس   وياچ اجني ابوحدتي مثلچ فلا يوجد بــــشر   آه شكبرها وحشتي رحتي وخذيتي كل علي  يالچنتي كلشي بدنيتي بعدچ فلا يسوة العمر   ومنين اجيبلچ صبر فگد الحبيب اشگد صعب  يمرد بقى بگلبي مرد ======================= بعـــــدچ علي لا مو علي   يالفگدچ ايبچي علي ابيض صبح حتى الرمش  حزني ابد ما ينجلي صعبة التعيش ويا سوة   بحزنك يتركك تبتلي مو نصي كلي فاطمة   روحي وحياتي وكل هلي يازهرة فگدچ مو سهل   ميت لچن شكلي عدل عايش جسد بعدچ اظل   تچويني نيران البُعد ======================= اتنفــــسچ مـــــثل الهوة  وروحي بصفاتچ هايمة هسة اعله گبرچ انتحب  بُعـــــدچ دليلي ايألمة من گبرچ لگبرچ عشت   كل ساعة اصيحن فاطمة ياربي عجل مــــــوتتي    واجمعنا يا رب السمة بعدچ عيوني اشگد بچن   يا فاطمة يم الحسن مشتاگة روحي لشوفتچ   يا رايح لگبرچ وَرد ======================= الهم إذا صاب الگلب   انظرلچ يروح بعجل يالرحمة الله شوفتچ   تفتحلي أبواب الامل بعدچ يزهرة اتألمت   هم فگدچ اعلية جبل احسب ليالي وانتظر  يا ساعة يلفيني الاجل عافيتي چانت شوفتچ   جرحت دليلي فرگتچ من راسي لجدمي حزن   فگدچ مرد حتى الچبد ======================= صعبة الي مثلچ ينفگد   عشرتنة ابد ما تنسة انــتي الوحيدة فاطمة   بت النبي وخير النسة مگابل مكانچ وانتحب   وياذيني لو صار المسة طولچ اشوفة بكل كتر   يالكل حياتي تارسة كل لحظة اشوفلچ اثر   بعيوني محفورة الصور ما ينتهي حزن الگلب   حد نومتي بوسط اللحد =========================== أسألكم الدعاء رائد الاسدي

امير المؤمنين ع يخاطب الزهراء ع وهي في قبرها… … .. مشتاگلج … يالبية طيبج زارعة مشتاگلج ... كد رحمة الله الواسعة يا فاطمة .. يا فاطمة… يافاطمة … .. يم سوالف دافية وتكطر حنان شرد اسولف عنج ايحير اللسان انت رحمه امن الاله ابكل زمان وبعد عينج ما بقت رحمة وامان وي موتج … مات الورد يالغالية وي موتج … طاحت شمسنة العالية متألمة… متألمة… متألمة … .. يل صفاتج تختلف عن كل صفات ابروحتج كل معنى ماظل للحياة مو عجيبة الكون يبجيلج فرات ومو عجيبة الفرح بعدج ذكره مات حزنانه… لمصيبتج دنيانه حزنانه… ارض وسمة ويانه تبجي السمة... تبجي السمة... تبجي السمة … . انتي يازهرة جنان امن الزهور امچانچ البستان مو ذيج الاكبور ما مصدك ميته والكبرج أزور والج اقرة الفاتحة واشعل بخور معقولة … الفاتحة اقرالج معقولة ... جوه التُراب أخيالج شهل خاتمة… شهل خاتمة…شهل خاتمة … . يالتركتني وانه بعازه الهواج داري ظلمة يالزجية ابلا ضواج علّيتي ما تشفة الا من دواج انه ميت بس جسد باقي وراج تدريني … ما اهو اعيش أبدونج تدريني … للموت احن وأعيونج حلم ارسمة… حلم ارسمة… حلم ارسمة … . صورتج بعيوني مكسورة ظلوع وحركة الباب بحقد ذيج الجموع روحي تاخذني الحجرتج بالدموع اعلك ابحزاني يا زهرة الشموع كل ليلة… ادخل حجرتج ناعي كل ليلة… اللطم عليج اظلاعي وخدي اللطمة… وخدي واللطمة ..وخدي اللطمة …… بية حسرة الموتتج حسرة يتيم ماتت امة وعافته بحزنه يهيم الدنية من بعدج احسنهة جحيم يالمشيتي بظلع مكسور وألليم يالغالية… روحي الج مشتاكة يالغالية… كولي اشوكت نتلاكة يالعالمة… يالعالمة… يالعالمة … . الحمدلله رب العالمين اللهم صل على محمد وال محمد موسى الخادم