ما نامت عيوني لگبر أمي ودوني ،،  بعيده ،، وحيده ام البخت  راحت ماتت بعد   ماتت ،،  بعيده  ،، وحيده ------------------------------- داري وحشه بلا ضواهه وروحي صحره گلبي وعيوني ودموعي    تصيح   زهره آنه البنيه       اليتيمه     وهيه     ادرى موتت   الفلاح    تذبح    الف    شجره يا يمه   عين بلا ضوى    جثه بجزيره چا  غير  انه    مدلله  وعندچ   اميره هسه وحدي ،، بيتي لحدي ،،  آه ييمه ماكو صوتچ ،،  هذا  موتچ  ،،  آه ييمه  اي ليش عفتيني انتي    التباريني   ،،  يروحي ،، تعالي مو  توهن  ايامي ابديهه     بآلامي ،،   يروحي ،،  تعالي --------------------------------- يمه  وينچ    يلحنينه   الليل   اجاني  باقي  بس  عطر الوساده   الصبراني آنتي   مو  تدريني  ما احمل   ثواني يلمشيتي ليا    گبر   مو   زينب  آني ؟ مشتاگه اشمچ مو متت    وينچ يجنه مخنوگه  من يوم الضلع ونه اعله ونه أنه  انتي ،،  صرتي ونتي  ،، وسفه والله يا حنينه ،،  ما  تجينه     ،،  وسفه والله يا   جنة   سنيني لا      لا   تخليني  ،،  غريبه   ،،  بدونچ يا  گلبي   يا  ناره محتاره   محتاره  ،، غريبه  ،،  بدونچ ---------------------------------- انتي هسه  بلحد  يمه   وآني  عدله عمري  ما ريده   بغيابچ    ما  اكمله ميته  يم چلمة   تهون بنيتي  سهله  بعد  يا  دنيا    البدونچ  راح   تحله ظليت اباوع  گعدتچ   فارغ  مكانچ يم  المحنه المن وكت رايح  حنانچ هذا حدنه   ،،  مو بعدنه  ،، العشره توهه ابقى وحدي ،، ردي  ردي ،، العشره توهه ها يم  گلب  دافي كافي البعد   كافي  ،،   ييمه  ،، اريدچ اشسويتي بعيوني للجنه       ودوني  ،،   ييمه ،،  اريدچ -------------------------------- طفله  واتغطى بعباتچ   وابچي  سكته الدار  ظل موحش بدونچ    ما  حملته يا هوى  الدنيا  ابتعد  ما ريدك     انته انت شتفيد     وحظن    أمي  الدفنته هسه بلحد جوى الترب   چف الحبيبه من هسه زينب يا علي  صارت  غريبه يا خساره  ،،   ماكو چاره  ،، وانتي ميته سكته دارچ ،، گلبي  زارچ ،، وانتي ميته رديلي   لو    ساعه يا گلبي   واوجاعه  ،،  سوالف ،، محنه متأكده    تبچيلي واعرف     تگليلي   ،، سوالف ،، محنه ------------------------------------- تالي مدفونه من ازورچ   ما  اشوفچ اغفى فوگ  تراب  گبرچ  مو چفوفچ يمه  يا  بيت  الاردله؟ شلون  اعوفچ ؟ انتي جوه الگاع  وانه انحب واطوفچ يايمه  طولي   اليندفن    وآنه  بترابه  هو  آني اول  تالي   تلفيني    الخرابه يا نهايه   ،،  وي السبايا  ،،   وما تجيني بلا زلمنه  ،،  ولا  علمنه  ،،   وما تجيني محتاجه      للملگى مو   تكتل    الفرگه  ،،  دموعي ،، النهايه خلصت      يلمتنه ماتت      سلامتنه  ،، دموعي  ،، النهايه كلمات / رعد الفريجي ثوابها الى روح والدتي

نعي الليالي الفاطمية  - 1448 ---------------------------------- گعديلي  صوفر  وجه الايام گعديلي  كل ايامي   محتام جيتچ نمت   من  اول  العام من يوم موتچ  وانه صاحي هذا  الترب   شمسوي   بيه وين     المحنه        الاوليه گوميلي هل  مديت    اديه ما ينعرف  ليلي  وصباحي حطيت عيني     بحظن التراب ام  الهلا     وتلفيهه     الاحباب باني  الگبر   ما حاسب حساب لا قصرت    شيخسرك    الباب ؟ وين     يتوجه    فاگد    الروح الما  يلگى امه   يعيش  مذبوح حال  الجنايز   هيچ     مطروح مثل    الغزل   يغزل    بالجروح بالبيت  چانت كلشي   بالبيت هيه   بگبر     وانه    التوفيت اذن  حزنهه     ودمع    صليت رديت  لهلي    شلون     رديت  ؟ شيل   الجدم   ما   بيه   حيله هاي  المصيبه     المو     قليله حظن     الحنينه     التشتكيله شو  هدم باقي  وعطر   شيله  !! كلمات الخادم /   رعد الفريجي ثوابها الى روح والدتي

نزلة خَيْمَةُ الْوَفاءْ       قَاسِمُ الْعَطَاءْ  ــــــــــــــــــ  ثـورة الاحزان قامـت و الـجـرح اعلن حداد توشحت روحي بحِزِنها والجسد لابس سواد ودمعتي أهملها واقره الفاتحه العمِ الجواد هذا باب الله ورحمته وهذا عطاي المراد قَابِلُ الْدُعَاءْ       قَاسِمُ الْعَطَاءْ ــــــــــــــــــ  حسرة بالروح شكبرها وقلبي من صدري يصيح بس اهل بيت النبوة بيها مسموم وذبيح كم قبر ليهم وجدنا وكم بناية وكم ضريح خلي هاي الناس تنظر للدموع اللي تطيح عَبْرَةُ الْبُكاءْ       قَاسِمُ الْعَطَاءْ  ــــــــــــــــــ  كل سنة نجدِد حزنه ودمعة الفاگد تشيب حسرة احزان المدينة من رحل ابن الحبيب جرح ابن موسى ابن جعفر بالألم لا ما يطيب هذا أخو السلطان يرحل يا وسف ميت غريب وّحْشَةُ الْفَنَاءْ          قَاسِمُ الْعَطَاءْ  ــــــــــــــــــ  والله من يشتم ضريحه يشعر بمعنى الخشوع ويشعل الوحشة برحيله وبالقلب ومض الشموع دين وأخلاق وتواضع ما تعلم عل الخنوع هذا ابن ذاك السجين الما عرض للذل خضوع صَاحِبُ إِلابَاءْ         قَاسِمُ الْعَطَاءْ  ــــــــــــــــــ  من أهل بيت الرسالة أطهر وأشرف سليل هذا ابن موسى ابن جعفر صاحب الصبر الجميل نوره من شمس الامامة هذا مولانا الجليل كل موالـي خل يزوره بالكرم ماله مثيل دَعُوَةُ السَمَاءْ       قَاسِمُ الْعَطَاءْ  ــــــــــــــــــ  مو فقط نوره تشعشع ع الارض والمومنين واضح النور التجله بكون رب العالمين من قبس نور الزجية طاهر من الطاهرين يكفي هوه من سلالة جده أمير المؤمنين سَيّدُ الْبَقَاءْ        قَاسِمُ الْعَطَاءْ  ــــــــــــــــــ الشاعر زين العابدين الشمري