ኢተምድ ከፔትኮ ኢትዮጵያ ሪሳይክሊንግ የማህበረሰብ ድርጅት ጋር ውይይት አካሄደ ። ጥቅምት 20 ቀን 2019 ዓ.ም አዲስ አበባ (ኢተምድ) ==================== የኢትዮጵያ የተስማሚነት ምዘና ድርጅት (ኢተምድ) ከፔትኮ ኢትዮጵያ ሪሳይክሊንግ የማህበረሰብ ድርጅት ጋር አነስተኛና መካከለኛ ማኑፋክቸሪንግ ኢንተርፕራይዞችን በጋራ ለመደገፍ በሚያስችሉ ጉዳዮች ላይ ተወያየ። የውይይቱ ዋና ዓላማ በጨርቃ ጨርቅ፣ በቆዳ ውጤቶች፣ በአግሮ ፕሮሰሲንግ፣ በእደ-ጥበብ እና በደረቅ ቆሻሻ መልሶ መጠቀም ዘርፎች የተሰማሩ ድርጅቶች የጥራት ደረጃዎችንና የተስማሚነት ምዘና መስፈርቶችን በመተግበር ረገድ የሚገጥሟቸውን ተግዳሮቶች ለመለየትና ለመፍትሔው በጋራ ለመስራት ነው። ሁለቱ ተቋማት በተለይም በምርት ሰርተፊኬሽን፣ በጥራት ሥራ አመራር ሥርዓት እና በፍተሻ አገልግሎቶች ዙሪያ የቴክኒክ ድጋፍ፣ የግንዛቤ ማስጨበጫና የአቅም ግንባታ ሥራዎችን በጋራ መሥራት በሚቻልባቸው ጉዳዮች ዙሪያ የጋራ የሥራ ግንኙነት ለመፍጠር የሚያስችሉ ተግባራዊ የትብብር ሁኔታዎች ላይ በስፋት ተወያይተዋል፡፡