ስለ አርሲ ኦርቶዶክሳውያን ሳስብ ብዙ ነገር ያስጨንቀኛል። ምናልባት በኢትዮጵያ ምድር ክርስቲያን መኾን በራሱ "ወንጀል" እንዳይኾን ስጋት አለኝ። የኦርቶዶክስ ተዋሕዶ መሪዎች የያዛቸው ይዟቸው ይኾናል፤ ቢኾንም ከልጆቻቸው አይበልጥም ነበረ። ወንጌላውያንና ካቶሊኮቹ መሪዎችም ዝምታቸው "የቤት ሥራው የኦርቶዶክስ ብቻ" መስሏቸው ይኾናል። ግን ሰውን ያህል ክቡር ፍጡር በዚህ መንገድ ማዋረድ፣ "ዕዳው ገብስ" አይደለም፤ ባለቤቱ እነሆ በሰማያት በዙፋኑ አለ!

እውነት ለመናገር አርሴማ ለብዙዎች ዕረፍት አልሰጠ'ችም፤ ዛሬም ኤራኒ ዕረፍት አት'ሰጥም። ፍጥረትን መከተል ጥም አይቆርጥም፤ አርክቶ የሚያ'ሳርፈው የናዝሬቱ ኢየሱስ ብ'ቻ ነው። ለሰው ዕርካታ አብ ከሰማይ የላከው የሕይወት ውኃ፣ ክርስቶስ ኢየሱስ ብቻ ነው! የቴሌግራም አድራሻ - https://t.me/ebenezertek

ያረጋል አበጋዝ ስለ "ቅድስት" ኤሬኒ የምትባል አዲስ "አማልክት" በመደነቅ ያስተዋውቃል። ለምን ግን ስለ ክርስቶስ እንዲህ በቅንአት እንደማይናገሩ ሳስብ እደነቃለኹ። ክርስቶስን በትክክል የሚሰብክ ሰው፣ ማንንም ለማድነቅና ለማጕላት አይቅበዘበዝም። በአማን ነጸረ የተባለ ፌስቡከር "ቤተክርስቲያን ሳትመሰክር" ቅድስት ማለት አይገባም፤ በግልጥ ቃልም "የመርቆርዮስ ዘካሪ" ነበረች ብሎአል። ያረጋል አበጋዝ፣ የመርቆርዮስ "ሎሌ" የነበረችውን "ሴት" ለማስተዋወቅ፣ ሩቅ መሄዱ አይደንቀኝም፤ ክርስቶስን የኤራኒ ያህል በቅዱስ ቅንአት ለመናገር አይደፍርምና። ያሉትም ቢወገዱ እንላለን እንጂ መጨመሩ ጨለማውን ማባስ ነው። ምክንያቱም አንዱ መካከለኛ ክርስቶስ ኢየሱስ በቂ ነውና።