▪ အကြမ်းဖက်အာဏာသိမ်း စစ်ကော်မရှင်မှ အရပ်သားပြည်သူများအား လေကြောင်းမှ ဗုံးကျဲတိုက်ခိုက်မှု သတင်းထုတ်ပြန်ချက် ▪ ၂၀၂၆ ခုနှစ် ၊ အောက်တိုဘာလ (၂၃) ရက် အကြမ်းဖက်အာဏာသိမ်းဖက်ဆစ်စစ်တပ်သည် ၊ မင်းတုန်းမြို့နယ်အတွင်း စစ်ရေးပစ်မှတ်မဟုတ်သော ၊ အပြစ်မဲ့အရပ်သားပြည်သူများသွားလာနေထိုင်ရာသို့ ၊ လေကြောင်းမှတဆင့်ရည်ရွယ်ချက်ရှိရှိ အကြမ်းဖက်တိုက်ခိုက်ပြီး စစ်ရာဇဝတ်မှုများအား နေ့စဥ်ရက်ဆက်လိုလို ကျူးလွန်လျှက်ရှိရာ ၊ (၂၂.၁၀.၂၀၂၆) ရက်နေ့ ၊ ညနေ (၅)နာရီ အချိန်ခန့်တွင် ၊ အကြမ်းဖက်စစ်ကော်မရှင် လက်အောက်ခံ ၊ သရက်ကပစ (၁၂)မှ တက်လာသော ပါရာမော်တာ (၃)စီးဖြင့် ၊ မင်းတုန်းမြို့နယ် ၊ ရွာသစ်ကျေးရွာ နှင့် ငှက်ပျင်းကျေးရွာအကြား ၊ စားဝတ်နေရေးအတွက် သွားလာလုပ်ကိုင်နေကြသော ပြည်သူများအား ၊ ဗုံးသီး (၉)လုံး ကျဲချအကြမ်းဖက်တိုက်ခိုက်ရာ ၊ ကြို့ဝကျေးရွာနေ အပြစ်မဲ့ပြည်သူ ၊ မောင်ဖိုးလမင်း အသက် (၂၅)နှစ် သေဆုံးခဲ့ပြီး၊ ကြို့ဝကျေးရွာနေ ဦးကြည်ဝင်း အသက် (၆၂) နှစ် နှင့် ကြို့ဝကျေးရွာနေ ဦးအောင်မြိုင် အသက် (၄၇) နှစ်တို့ ဒဏ်ရာရရှိခဲ့ပါသည်။ (ဓာတ်ပုံ - ၂၀၂၆ ခုနှစ် ၊အောက်တိုဘာလ (၂၂)ရက်နေ့တွင် ၊ အကြမ်းဖက်စစ်ကော်မရှင်မှ လေကြောင်းတိုက်ခိုက်မှုကြောင့် သေဆုံးသွားသော အပြစ်မဲ့ပြည်သူ နှင့် ဒဏ်ရာရ မှတ်တမ်းများ) ပြည်သူ့ကာကွယ်ရေးတပ်မတော် သရက်ခရိုင်အမှတ်၄တပ်ရင်း