Телеграм канал «🖋Dew's Notes ……🩵»

මිනිස්සුන්ටත් කියාගන්න බැරි දේවල් තියෙනවා.!!

හැම ප්‍රශ්නයකදීම නිහඬව ඉන්න අය හැමදේම දරාගන්න පුළුවන් අය කියලා හිතන්න එපා.

සමහර අය කතා නොකර ඉන්නේ කියන්න දෙයක් නැති නිසා නෙවෙයි, තමන් කියන දේ අහගෙන ඉන්න කෙනෙක් නැති නිසා.💔

තවත් සමහරු තමන්ගේ ප්‍රශ්න කියලා අනිත් අයගේ හිත් බර කරන්න කැමති නැහැ.

ඒ නිසා කෙනෙක් නිහඬයි කියලා එයාගේ හිත ඇතුළේ කිසිම දෙයක් සිද්ධ වෙන්නේ නැහැ කියලා හිතන්න එපා.!!

සමහර වෙලාවට වැඩියෙන්ම කතා කරන්න ඕන මිනිස්සු තමයි කිසිම දෙයක් නොකියා ඉන්නේ.!!!!❤️‍🩹🫀✨







🖋Dew🩵....

නිදහස කියන්නේ අපිට ඕන ඕන දේ කරන එක විතරක් නෙවෙයි.!!

අනිත් මිනිස්සු අපි ගැන මොනවා හිතයිද කියලා හැම තත්පරයකම හිතන්නේ නැතුව ජීවත් වෙන්න පුළුවන් එකත් නිදහසක්.✨

තමන්ගේ සතුට වෙනුවෙන් වරදකාරී හැඟීමක් නැතුව තීරණයක් ගන්න පුළුවන් එකත් නිදහසක්.

හැමෝටම හොඳ කෙනෙක් වෙන්න උත්සාහ කරලා තමන්ටම නරක කෙනෙක් නොවී ඉන්න එකත් නිදහසක්.!

ජීවිතේ හැමෝම අපිව පිළිගන්න ඕන නැහැ.!!

හැමෝම අපිත් එක්ක එකඟ වෙන්න ඕනත් නැහැ.!!

අපි අනිත් අයට හානියක් නොකර, අපේ හිතට එකඟව ජීවත් වෙනවා නම් ඒ ඇති.

මොකද අනිත් අයගේ අදහස් අතරේ තමන්වම නැති කරගන්න තරම් ජීවිතේ කෙටි වැඩියි.!!🤍🧠







🖋Dew🩵....

https://telegra.ph/%E0%B6%85%E0%B6%B1%E0%B6%AD%E0%B6%B8%E0%B6%A7-%E0%B6%B8%E0%B6%B8-%E0%B6%B8%E0%B7%80-%E0%B6%AD%E0%B6%BB%E0%B6%9C%E0%B6%AD%E0%B6%AD-10-22

කාලය ගෙවෙනකොට අපිට හැමදේම අමතක වෙනවා කියලා කියනවානේ !!

ඒත් ඇත්තටම සමහර දේවල් අපිට කවදාවත් අමතක වෙන්නේ නැහැ.

වෙනස් වෙන්නේ ඒ දේවල් මතක් වෙනකොට අපිට දැනෙන විදිහ විතරයි.

ඉස්සර හිත රිද්දපු සිදුවීමක් අද මතක් වෙද්දී ඒ තරම් දුකක් නොදැනෙන්න පුළුවන්.
ඉස්සර අහිමි වුණ කෙනෙක් ගැන හිතනකොට අද අපිට එයාට හොඳින් ඉන්න කියලා ප්‍රාර්ථනා කරන්න පුළුවන්.

ඒ කියන්නේ ඒ හැමදේම අපිට අමතක වෙලා කියන එක නෙවෙයි.!

අපි ඒ හැමදේම එක්ක ජීවත් වෙන්න ඉගෙනගෙන කියන එකයි.

සමහර තුවාල සම්පූර්ණයෙන්ම මැකෙන්නේ නැති වුණත්, ඒවා නිසා හැමදාම වේදනාවෙන් ඉන්න ඕන නැහැ.!!!❤️‍🩹✨





🖋Dew🩵....

අපේ සමාජයේ මිනිස්සුන්ට අනිත් අයගේ ජීවිත ගැන අදහස් තියෙනවා.

කෙනෙක් නිහඬව හිටියොත් එයාට ආඩම්බරයි කියනවා.!
වැඩියෙන් කතා කළොත් එයාට විනයක් නැහැ කියනවා.!
තමන්ගේ කැමැත්තට ජීවත් වුණොත් වෙනස් කියනවා.!

හැමෝම සතුටු කරන්න උත්සාහ කළොත් තමන්ට තමන්වම අහිමි වෙනවා.

ඇත්තටම අපි මොන විදිහට ජීවත් වුණත් කවුරුහරි කෙනෙක්ට ඒක වැරදියි.!!

ඒ නිසා හැමෝගෙම අදහස්වලට අනුව ජීවිතේ ගොඩනඟන්න උත්සාහ කරන එකෙන් වෙන්නේ අපිට අපේම ජීවිතේ අමතක වෙන එක.

අනිත් අය කියන හැමදේම ගණන් නොගෙන ඉන්නත් බැහැ. 🧠

ඒත් ඒ හැම අදහසක්ම අපේ ජීවිතේ තීරණය කරන්න දෙන්නත් එපා.!!!❤️





🖋Dew🩵....

කාලයත් එක්ක අපි වෙනස් වෙනවා.☘

ඉස්සර පුංචි දෙයකටත් සතුටු වුණ අපි, අද ඒ දේවල් ගැන එච්චර හිතන්නේ නැති වෙලා.

ඉස්සර කවදාවත් නැති කරගන්න බැහැ කියලා හිතපු මිනිස්සුන්ගෙන් අද අපි ඈත් වෙලා ඉන්නවා.

අපි ජීවිතේ අලුත් දේවල් ඉගෙන ගන්නවා, අලුත් විදිහට හිතන්න පුරුදු වෙනවා.

සමහර පරණ පුරුදු අපිට තවදුරටත් ගැළපෙන්නේ නැහැ.
සමහර සම්බන්ධතාත් එහෙමයි.

ඒ නිසා ඉස්සර හිටපු අපිම වෙන්න හැමදාම උත්සාහ කරන්න එපා.‼️

මොකද සමහර වෙනස්කම් සිද්ධ වෙන්නේ අපිට අපිවම හොයාගන්නයි.!!






🖋Dew🩵....

අපි සමහර වෙලාවට අපේ ජීවිතේ දිහා බලනවට වඩා අනිත් අයගේ ජීවිත දිහා බලන්න පුරුදු වෙලා ඉන්නවා.

එයාලා කොච්චර ඉස්සරහට ගිහින්ද,එයාලට කොච්චර දේවල් ලැබිලද,එයාලා කොච්චර සතුටින් ඉන්නවද කියලා හිතන අතරේ අපිට අපි ළඟ තියෙන දේවල් පවා අමතක වෙනවා.

සමහර වෙලාවට අනිත් කෙනෙක්ගේ ජයග්‍රහණයක් දකිනකොට අපි අපේ ජීවිතේ පරක්කුයි කියලා හිතනවා.

ඒත් හැමෝම එකම පාරේ යන්නේ නැහැ.!
කෙනෙක්ට ඉක්මනින් ලැබෙන දෙයක් තවත් කෙනෙක්ට ලබාගන්න කාලයක් යන්න පුළුවන්.

ඒකෙන් අදහස් වෙන්නේ කවුරුහරි කෙනෙක් අපිට වඩා හොඳයි කියන එකවත්,අපි කාටහරි වඩා අඩුයි කියන එකවත් නෙවෙයි.

අනිත් අයගේ ජීවිත එක්ක අපේ ජීවිත සංසන්දනය කරනකොට අපි දකින්නේ එයාලගේ ජීවිතේ එක පැත්තක් විතරයි.
අපි නොදන්න ප්‍රශ්න,අපි නොදන්න උත්සාහයන් ඒ පිටිපස්සේ තියෙන්න පුළුවන්.!

ඒ නිසා අනිත් කෙනෙක්ගේ ගමන දිහා බලලා තමන්ගේ ගමන ගැන කලකිරෙන්න එපා.!!

ඊයේ හිටපු තමන්ට වඩා අද තමන් ටිකක් හරි ඉස්සරහට ගිහින් නම්,ඒකත් ජයග්‍රහණයක්.

මොකද අපේ ජීවිතේ
වටිනාකම තීරණය වෙන්නේ අනිත් අය අපිට වඩා කොච්චර ඉස්සරහින් ඉන්නවද කියන එකෙන් නෙවෙයි.
අපි අපේ ජීවිතේ කොහොමද ගොඩනඟාගන්නේ කියන එකෙන්.🌱


ඔයා ඔයා වෙන්න.!!unique වෙන්න.🧿🤍



🖋Dew🩵....