یەکێک لە نیشانەکانی ڕەوشت و ئیمانی بەرز، دوورکەوتنەوەیە لە زیادەڕەوی و (ئیسراف)، بە تایبەت لەو شتانەی کە هی خۆت نین، چونکە ئەگەر هی خۆت بوایە، دەتزانی چۆن مامەڵەی لەگەڵ بکەیت. کاتێک دەچیتە مزگەوت، چۆن دەستنوێژ دەگریت؟ ئایا ئاو بە ئەندازە بەکار دەهێنیت وەک ماڵی خۆتان، یان وا دەزانیت ماڵی خودایە و گرنگ نییە؟! کاتێک جلکت چیمەنتۆ و گەچی پێوەیە، ئایا وەک ماڵی خۆت دڵسۆزانە پاکی دەکەیتەوە و بەرماڵ ڕادەخەیت، یان دەڵێیت: "مزگەوتە گرنگ نییە؟! کاتێک کارەبای مۆلیدەیە، ئایا وەک ڕەیسی شتە زیادەکان دەکوژێنیتەوە، یان دەڵێیت: "قەیچێکا، با کار بکات، خۆ پارەی ئەمپێڕەکە دەدەم؟!" کاتێک ماتۆڕ یا سەیارەی برادەرێک بە ئامانەت دەبەیت، ئایا وەک هی خۆت بایەخی دەدەیتێ، یان دەڵێیت: "کەس چاوی لێ نییە، عەزیەتی دەدەم؟!"... لام وایە دوورکەوتنەوە لە بەفیڕۆدان لەو شتانەی کە هی خۆت نین، و مامەڵەکردن لەگەڵیان بە شێوەیەکی ڕاست و دروست، نیشانەیەکی زۆر گەورەی ئیمان و ڕەوشتە.

لەم سەردەمی سەرگەردانی و کەنەفتی و ڕووتسایی و پووچەڵییدا، لە سەردەمی دووبەرەکی و دووڕوویی، پەژارە و کەموکوڕییدا... بەڵێ، جێگەی شانازییە بۆ ئەم کەناڵە و هاوشێوەکانی کە باسی دین و ژین و ژیانێکی پڕ لە مانا و جوانی دەکەن، و بیرکردنەوەیەکی جوان بۆ خوێنەر و بینەر دروست دەکەن و کۆمەڵگا بەرەو لوتکە دەبەن. بەڵێ، جێگەی شانازییە کەناڵانێک هەبن کە نووسەرانی دامەزراو و سەرکەوتوو بنووسن. خۆزگە هەزاران کەناڵی ئاوا هەبوونایە، تا لە هەموو ماڵێکدا کەسانێک هەبن کە سوودی لێ ببینن، کە وەک سەدان جار نامەیان ناردووە و دەڵێن: لە فڵان شار و گوند و وڵات، نووسینەکان دەخوێنینەوە. یەکێکی تر: وازم لە پەیوەندیی ناشەرعی هێناوە. یەکێکی تر: دەستم کردەوە بە لەبەرکردنی قورئان و دەورکردنەوە. یەکێکی تر: دەستم کرد بە خوێندنی زانستە شەرعییەکان. ئەوی تر: فێربوونی زمان. ئەوی تر: خۆ بنیادنان...

ئەو کەسەی کە دەیەوێت ژیانی بگۆڕێت، دەبێت سەرەتا بڕیار بدات کە ئیتر نایەوێت ئەو کەسە بێت کە ئێستا یە.