Uzun postlarni òqishga ham odatlaning. Miyamizni qisqa video va postlarga moslashtirib qòyyabmiz. Miyamizni chirishidan saqlaylik.

Agar bir narsa sening taqdiringga bitilgan bo‘lsa, yetti qit’a narida bo‘lsa ham, seni albatta topadi. Sen kutmagan yo‘llar ochiladi, sen tasavvur qilmagan sabablar paydo bo‘ladi va bir kun kelib, nasibingga yetasan. Agar bir narsa senga nasib qilmagan bo‘lsa, unga qanchalik yaqin bo‘lma, qancha urinma, baribir u seniki bo‘lmasligi mumkin. Chunki biz istagan hamma narsa ham biz uchun xayrli bo‘lavermaydi. Shuning uchun, qalbingni ortiqcha tashvishlarga topshirma. Hamma narsani nazorat qilishga, har bir voqeaning sababini tushunishga urinma. Sen bugun faqat bir qismini ko‘rayotgan voqealarning ortida qanday hikmatlar borligini bilmaysan. Allohga tavakkul qil. Qo‘lingdan kelganicha harakat qil, duo qil va natijani Unga topshir. Tavakkul-hamma narsadan voz kechish emas, balki qo‘lingdan kelganini qilib, qalbingni Allohga bog‘lashdir. Balki sen bugun yo‘qotish deb bilgan narsang seni bir zarardan asragandir. Balki kechikish deb o‘ylaganing sen uchun eng munosib vaqtni kutishdir. Biz bilmaymiz, Alloh biladi. Har bir holatingda hamd ayt. Qalbing siqilganda Allohni zikr qil, umiding so‘nganda duoga qo‘l och. Odamlardan kutganingni Allohdan so‘ra, qalbingni Unga yaqinlashtir. Unutma, sening vazifang hamma narsaning qanday bo‘lishini oldindan bilish emas. Sening vazifang to‘g‘ri yo‘lda qolish, sabr qilish, yaxshilikka intilish va Allohning rahmatidan umid uzmaslik. Nasibingni quvib, qalbingni yo‘qotma. Taqdiringdan qo‘rqib, bugungi ne’matlaringni unutma. Hamma narsa vaqtida bo’ladi. Qachon ilmingni mevasini ko’rishingdan tortib boshqasigacha. Allohga tavakkul qil, chunki sen bilmagan narsalarni ham U biladi. #olindi

Kuz ham tugayabdi..