Телеграм канал «Daryo — LIVE»

“Afgʻonistonga elektr energiyasi eksport qilish ichki talab to‘liq qondirilgandan keyin amalga oshiriladi” — energetika vaziri

Sherzod Xo‘jayev quyosh va shamol elektr stansiyalar yuqori quvvat bilan ishlagan vaqtda hosil bo‘lgan ortiqcha quvvatlarni eksport qilish hisobiga kattaroq iqtisodiy samara olish mumkinligini ta’kidladi.

@daryo_live

Bolaga otasining ismini familiya sifatida berishga ruxsat etildi

Oila kodeksiga kiritilgan o‘zgartirishlarga, bolaga otaning ismi, ota yoki ona tomonidan milliy an’analarga ko‘ra boboning ismi bo‘yicha familiya berilishi mumkinligi belgilandi.

@daryo_live

Tojikiston havo hududi buzilgani va fuqarosi o‘lgani sabab “Tolibon”ga nota yubordi

Afg‘onistondan otilgan o‘q sabab Darvoz tumanida 20 yoshli ayol halok bo‘ldi. Respublika prezidenti Emomali Rahmon marhumaning oilasiga hamdardlik bildirdi. Tojikiston Afg'onistondan chegara daxlsizligiga rioya etishni talab qildi.

@daryo_live

🟢Qonunda administratsiya rahbarining huquqiy maqomi va vazifalari, administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan.

Administratsiya prezident faoliyatini tashkil etish doirasida parlament, hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi.

Administratsiya prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va prezidentga kiritadi.

@daryo_live

Qonun 4 ta bob va 34 ta moddadan iborat bo‘lib, administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan:

✅Administratsiya O‘zbekiston prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi;

✅Administratsiyani prezident shakllantiradi, prezident belgilagan asosiy yo‘nalishlarda faoliyat yuritadi, prezidentga bo‘ysunadi va hisobdor bo‘ladi.

@daryo_live

AQSH 40 dan ortiq davlatni bojlarni chetlab o‘tishda Xitoyga yordam berganlikda aybladi. Ro‘yxatda O‘zbekiston va Qozog‘iston ham bor.

Oq uy tegishli ma’lumotni Troya oti tasvirlangan hisobotida ochiqladi. Hujjatga ko‘ra, Xitoy o‘z tovarlarini bu davlatlarda minimal darajada qayta ishlab, ularni pastroq bojlar bilan AQSHga eksport qilmoqda. Bu AQSHga har yili 26 milliard dollargacha zarar keltirmoqda.

@daryo_live

❗️“O‘zbekiston Prezidenti administratsiyasi to‘g‘risida”gi qonun qabul qilindi

Ushbu qonun Qonunchilik palatasi tomonidan 2026-yil 6-avgustda qabul qilingan, Senat tomonidan esa 2026-yil 7-avgustda ma’qullangan edi.

@daryo_live