Телеграм канал «Daryo — LIVE»

“Oʻzbekistonga xush kelibsiz, janob Rubio” — Saida Mirziyoyeva AQSH Davlat kotibini qutladi

Prezident administratsiyasi rahbari Marko Rubioni koʻhna va navqiron Samarqand zaminida qutlashdan mamnunligini bildirdi. Bu Amerika tashqi siyosati yetakchisining Markaziy Osiyoga ilk tashrifi ekanini qayd etdi.

“Oldinda "C5+1" formatidagi muhim muzokaralar, biznes doiralari vakillari bilan uchrashuvlar hamda Amerika–Oʻzbekiston ishbilarmonlik va investitsiya kengashining navbatdagi yigʻilishi kutmoqda”, deb yozdi Telegram-kanalida Saida Mirziyoyeva.

@daryo_live

AQSH davlat kotibi Marko Rubioning samolyoti Samarqandga qo‘ndi

“Daryo” muxbiri ko‘ra, Amerika tashqi siyosati lideri Markaziy Osiyo davlatlari tashqi ishlar vazirlari bilan uchrashadi.

@daryo_live

“Mana shu koʻprik mening orzularimdan biri edi” — prezident Samarqandda qurilayotgan koʻprik haqida

Shavkat Mirziyoyev viloyatga tashrifi chog‘ida loyiha bilan tanishib, orzusi roʻyobga chiqqanini aytdi. Obyekt ishga tushirilsa, masofa 23 kilometrdan 4 kilometrga, yoʻlga ketadigan vaqt esa 30 daqiqaga qisqarishi kutilmoqda. Loyiha qiymati 310 milliard soʻm boʻlgan koʻprikning uzunligi 780 metr, kengligi 29,8 metr, balandligi esa 2 metrni tashkil etadi.

@daryo_live

Ruminiya o‘z suvli hududlari ustida ikki dronni urib tushirdi

Hodisa Ruminiya qirg‘oqlari yaqinida yuk kemalariga dronlar hujumi sodir bo‘lganidan bir necha kun o‘tib yuz berdi. So‘nggi 10 kun ichida Ruminiya va qo‘shni Bolgariya qirg‘oqlari atrofida kamida beshta yuk kemasiga dron hujum qilgan.

@daryo_live

Zelenskiy qoʻshnilardan Ukraina donini tranzit qilishga ruxsat soʻradi

Ayrim davlatlar Ukrainaning arzon donlari ichki bozorda qolishi va mahalliy fermerlar daromadiga ta’sir etishidan xavotirda.

@daryo_live

Prezident Shavkat Mirziyoyevning Samarqandga tashrifi Imom Buxoriy maqbarasi ziyoratidan boshlandi

Tashrif chogʻida davlat rahbariga majmuadan samarali foydalanish boʻyicha bajarilgan ishlar hisoboti berildi.
“Biz ulugʻlarimiz merosini asrash va targʻib qilish yoʻlida hali koʻp ishlar qilamiz. Butun dunyodan odamlar Oʻzbekistonga kelib, Islom sivilizatsiyasi markazini, Imom Buxoriy majmuasini koʻrishi, ziyorat qilishi uchun sharoit yaratamiz”, dedi prezident.

@daryo_live

Marko Rubioning Samarqandga tashrifi xorijiy OAV nigohida: O‘zbekiston va Markaziy Osiyoning ahamiyati tobora ortib bormoqda

AQSH Davlat kotibining O‘zbekistonga tashrifi xalqaro ommaviy axborot vositalari tomonidan mintaqaning geosiyosiy va iqtisodiy maydondagi nufuzi oshayotgani nuqtai nazaridan keng yoritilmoqda. Aksariyat xorijiy nashrlar ushbu uchrashuvlarni AQSHning mintaqadagi hamkorligida muhim va ijobiy burilish sifatida baholamoqda.

▶️Reuters agentligi

tashrifni pragmatik ruhda tahlil qilib, Qo‘shma Shtatlar tashqi siyosatida Markaziy Osiyoning o‘rni va ahamiyati ortayotganiga urg‘u beradi. Nashrning yozishicha, AQSH rasmiylari tabiiy resurslarga boy Markaziy Osiyoni ko‘proq e’tiborga loyiq mintaqa sifatida baholamoqda. Bu o‘zaro iqtisodiy hamkorlikni kengaytirish va savdo aloqalarini yangi bosqichga olib chiqishga qaratilgan ijobiy va amaliy qadam sifatida ko‘rsatilgan.

▶️AFP axborot agentligi va uning materiallarini e’lon qilgan Yahoo News, Barron's kabi nashrlar AQSHning ushbu qadamlarini "Markaziy Osiyoda diplomatik faollikka o‘tish" deb atagan. Bu esa AQSHning mintaqa, ayniqsa O‘zbekiston bilan hamkorlikni jadallashtirish va strategik aloqalarni mutlaqo yangi darajaga ko‘tarish uchun jiddiy tashabbuslarni ilgari surayotganini anglatadi.

Xorijiy matbuotdagi tahlillar shuni ko‘rsatmoqdaki, AQSH va Markaziy Osiyo o‘rtasidagi hamkorlik rasmiy uchrashuvlardan tashqari investisiyalar kiritish, xavfsizlik va barqarorlikni ta’minlash sohalarida aniq amaliy bosqichga ko‘tarilmoqda.

@daryo_live