ပတ္တရား Bikini Beach Race ပြိုင်ပွဲအတွက် ကမ်းခြေကို ရှင်းလင်းနေပြီ CJ Platform ထိုင်းနိုင်ငံ၊ ပတ္တရားမြို့မှာ အောက်တိုဘာ ၃၁ ရက် ကျင်းပမယ့် ၁၀ ကြိမ်မြောက် Pattaya International Bikini Beach Race 2026 ပြိုင်ပွဲအတွက် ကမ်းခြေထီးနဲ့ ထိုင်ခုံငှားရမ်းရောင်းချသူတွေကို အောက်တိုဘာ ၃၁ ရက်မှာ လုပ်ငန်းရပ်နားဖို့နဲ့ အောက်တိုဘာ ၂၉ ရက်နဲ့ ၃၀ ရက် ည ၈ နာရီနောက်ပိုင်းမှာ ပစ္စည်းတွေ သိမ်းဆည်းထားဖို့ မြို့အာဏာပိုင်တွေက ညွှန်ကြားထားပါတယ်။ ပြိုင်ပွဲကို ပတ္တရားကမ်းခြေမှာ ကျင်းပမှာဖြစ်ပြီး နိုင်ငံပေါင်း ၃၀ ကျော်က အပြေးသမားတွေနဲ့ လာရောက်အားပေးသူ စုစုပေါင်း ၅,၀၀၀ ကျော် ပါဝင်မယ်လို့ စီစဉ်သူတွေက ခန့်မှန်းထားပါတယ်။ ပြိုင်ပွဲဝင်တွေဟာ အောက်တိုဘာ ၃၁ ရက် ညနေ ၅ နာရီခွဲခန့်မှာ Central Pattaya ကုန်တိုက်ရှေ့ကနေ ၅ ကီလိုမီတာ အပြေးပြိုင်ပွဲကို စတင်မှာဖြစ်ပါတယ်။ ဒီနှစ်ပြိုင်ပွဲမှာ Halloween ပွဲတော်အပြင်အဆင်တွေ ပါဝင်မှာဖြစ်ပြီး ပြိုင်ပွဲပြီးတဲ့အခါ Glow Party နဲ့ Beach Concert ကို ဆက်လက်ကျင်းပဖို့ စီစဉ်ထားပါတယ်။ ကမ်းခြေထီးနဲ့ ထိုင်ခုံလုပ်ငန်းလုပ်ကိုင်သူတွေဟာ သတ်မှတ်ထားတဲ့ နေရာတွေမှာ အောက်တိုဘာ ၂၉ ရက်နဲ့ ၃၀ ရက် ည ၈ နာရီနောက်ပိုင်း ပစ္စည်းတွေကို သိမ်းဆည်း၊ ဖုံးအုပ်ပြီး ကြိုးနဲ့ လုံခြုံအောင် ချည်နှောင်ထားရမှာဖြစ်ပါတယ်။ အဲဒီညွှန်ကြားချက်ဟာ ကမ်းခြေထီးနဲ့ ထိုင်ခုံလုပ်ငန်းလုပ်ကိုင်တဲ့ အမှတ် ၆၅ ကနေ ၇၃ အထိနဲ့ အမှတ် ၇၄ နေရာတွေမှာ အကျုံးဝင်ပါတယ်။ ပြိုင်ပွဲကျင်းပမယ့် အောက်တိုဘာ ၃၁ ရက်မှာ လုပ်ငန်းရပ်နားရမှာဖြစ်ပြီး နိုဝင်ဘာ ၁ ရက် မနက်ပိုင်းမှာ ပုံမှန်အတိုင်း ပြန်လည်လုပ်ကိုင်နိုင်မယ်လို့ မြို့အာဏာပိုင်တွေက ပြောထားပါတယ်။ ပြိုင်ပွဲအတွက် လုံခြုံရေး၊ ယာဉ်အသွားအလာနဲ့ လမ်းဖြတ်ကူးရာမှာ အပြေးသမားတွေ ဘေးကင်းရေးတို့ကိုလည်း သက်ဆိုင်ရာအဖွဲ့တွေက ကြိုတင်ပြင်ဆင်နေပါတယ်။ ဒီပြိုင်ပွဲကို ပတ္တရားမြို့၊ Pattaya City Business and Tourism Association နဲ့ Central Pattaya တို့ ပူးပေါင်းစီစဉ်တာဖြစ်ပါတယ်။ Ref - Pattaya Mail ဓာတ်ပုံ - Pattaya Mail #CJPlatform #ထိုင်းသတင်း #ပတ္တရား #မြန်မာရွှေ့ပြောင်းလုပ်သား #BikiniBeachRace