تدرون شنو معنى تشتغل وتتعب؟ مو بس معنى تقضي ساعات من عمرك بالشغل وترجع للبيت مرهق، لا... معنى تشتغل وتتعب هو أن تتنازل عن راحتك حتى توفر لنفسك حياة أفضل، وأن تتحمل مسؤوليات يمكن أكبر من عمرك، وتبتسم رغم التعب اللي بداخلك. معنى تتعب هو أن تمر عليك أيام تتمنى بيها ترتاح، بس تعرف أن وراك أحلام ومسؤوليات ما تنتظر أحد. وأجمل شعور من تشوف تعب السنين يتحول إلى نتيجة، وتشوف نفسك وصلت لمكان جان يوم من الأيام مجرد أمنية تدعي بيها. لا تستهين بتعبك، لأن كل خطوة تعبت بيها إلها قيمة، وحتى لو محد شاف شكد عانيت، رب العالمين شاهد على كل تعبك. وتذكر: مو كل تعب خسارة، بعض التعب يبني منك إنسان ما تهزه الظروف بسهولة. الكاتب 𝑯.. 𝑫

جنت دائما أكول ما راح أكدر أكمل دراستي، وأوقات أفقد الأمل وأحس الطريق أطول من قدرتي، بس رغم كل هذا جنت أدرس وأتعب وأدعي، لدرجة دموعي كانت تنزل من شدة التعب والخوف من المجهول. بس كان عندي إيمان بربي، إيمان يخليني أرجع أوقف كلما تعثرت، وأكول بيني وبين نفسي: يمكن أني ما أكدر، بس ربي على كل شيء قدير. واليوم من ألتفت لورا، أشوف شكد من ليلة تعبت بيها، وشكد من دمعة نزلت، وشكد من مرة ظنيت أن النهاية بعيدة، لكن بفضل الله وصلت. تعلمت أن مو كل طريق صعب يعني مستحيل، ومو كل تأخير يعني حرمان. الحمد لله الذي لم يضيّع تعبي، والحمد لله الذي جبر خاطري بعد كل تلك الأيام. واليوم أگدر أكول: الشي اللي جنت أخاف ما أوصله، صار ذكرى جميلة أفتخر بيها. فلا تفقدون إيمانكم، يمكن الشي اللي تشوفوه بعيد، عند الله قريب. 𝑯.. 𝑫الكاتب