Кожная пятніца - роднае, сваё
🟢🟢🟢На факультэце прыродазнаўства адбыўся марафон чытачоў — шчыры, жывы і вельмі эмацыйны. Яго прысвяцілі тыдню роднай мовы і Году беларускай жанчыны.
⭐️ Злата Хрыпунова пачала імпрэзу вершам Людмілы Цітко «Спяваюць жанчыны» пра жаночую сілу, салідарнасць і ўнутраную прыгажосць.
⭐️ Елізавета Зямцова прачытала верш Яўгеніі Янішчыц «Сава і Марыя» так пяшчотна, што хацелася спыніць час. Гэта паэзія пра чысціню пачуццяў і святло кахання.
⭐️ Лізавета Бабко выбрала глыбокую прозу Васіля Быкава і распавяла пра вобраз Клавы Шарохінай з аповесці «Воўчая зграя» пра выпрабаванні чалавека, выбар і вернасць сабе.
⭐️ Алеся Жураўлёва вершам «Маўчу» Інэсы Дэмбскай даказала: часам у цішыні хаваецца больш пачуццяў, чым у сотні слоў. У фінале свята дзяўчына выйшла на сцэну з песняй «Новы дзень».
⭐️ Вячаслаў Іванісь прачытаў верш Арыны Колесавай пра мары, надзеі і веру ў каханне.
⭐️ У выкананні Аксаны Іванаўны Градуновай верш «Маці» Ніла Гілевіча крануў да глыбіні душы.
⭐️ Удзельнікі мерапрыемства таксама спрабавалі перакладаць тэксты, адгадваць беларускія назвы птушак і тлумачыць сэнс народных прыказак.
☺️ БрГУ имени А.С. Пушкина