Телеграм канал ««ЭСКИ ҚОВУНЧИ» ЖОМЕ МАСЖИДИ»

Қуръонни ёд олиш учун иродали ва қатъиятли инсон бўлиш керак

У (ёд олишга жиддий киришган қори) шароит ва турли машғулотларни баҳона қилмайди. Аксинча, Қуръон учун ўз нафси билан курашади, меҳнат қилади ва ҳатто ўзининг айрим қулайликларидан воз кечади.
У ўзи учун энг қадрли ва қимматли вақтларини Қуръонга ажратади; ҳатто уйқусидан ва дунёвий ишларидан ҳам Қуръон учун улуш ажратади.
Мана шу инсон содиқ ва мухлис бандадир. У ўз нафсига Қуръондан ёд олган кунлик вазифасини бирор кун ҳам такрорламасдан қолишга йўл қўймайди. Ғайрат қилинг!

Мажид Закий

•┈┈┈┈•❈••✾••❈•┈┈┈┈•

DOKTOR AYMAN SUVAYD HAFIZAHULLOHDAN E'TIROF

Shayx Alijon qori rasmiy
sahifalari👇
Telegram | Facebook | Youtube | Instagram

Доктор Айман Сувайд ҳазратлари юртимизда

Ўзбекистон мусулмонлари идораси раиси, муфтий шайх Нуриддин Холиқназар ҳазратлари ташаббуси билан диний соҳа мутахассисларининг малакасини ошириш бўйича бир қатор ишлар тизимли равишда амалга оширилмоқда. Хусусан, «Қуръони карим ва тажвид» ўқув курслари ўқитувчиларининг тажвид илми бўйича билимларини ошириш мақсадида хорижлик мутахассисларни жалб қилиш режалаштирилган.

2026 йил 26 сентябрь куни юртимизга «Ҳозирги замон Жазарийси» номи билан танилган, Қуръон қироати ва тажвиди мутахассиси, доктор, шайх Айман Сувайд ҳафизаҳуллоҳ ташриф буюрди. Бу ҳақда @alquranuz телеграм канали хабар берди.

Нуфузли меҳмонни Ўзбекистон мусулмонлари идораси раисининг биринчи ўринбосари Ҳомиджон домла Ишматбеков, «Қуръон ва тажвидни ўргатиш» бўлими раҳбари шайх Али Файзуллоҳ Махдум ва бир қатор масъул ходимлар кутиб олдилар.

Маълумот ўрнида жорий йилнинг 28 сентябрь — 14 октябрь кунлари устоз, доктор Айман Сувайд иштирокида «Тажвид дарслари» бўлиб ўтади. Дарсларда Ўзбекистон мусулмонлари идораси тасарруфидаги ўрта ва олий таълим муассасалари ҳамда «Қуръони карим ва тажвид» ўқув курслари педагог-ўқитувчилари иштирок этадилар.

🕋 @islomuz

Нега аввал юртимиздан кўп уламолар чиққан? Хозир нега ундай эмас?

🧕 Аёллар албатта эшитинг...


•┈┈┈┈•❈•┈┈┈┈•
📚 KУНЛИК ҲАДИС

#Bosh_imom_minbari 

82 ЁШЛИ ҚУРЪОН ХАТМ ҚИЛУВЧИ АЁЛ

Дониёр домла Икромов
Тошкент вилояти бош имом-хатиби

Қуръондаги энг кучли ризқ дуоларидан бири

​Агар бу дуони мунтазам ўқисангиз, Аллоҳ таоло кутилмаган томондан ва ҳеч бир сабабсиз ҳам ризқингизни бар баракали қилади.

​Бу — денгизни иккига ёрган Мусо алайҳиссаломнинг дуоларидир. Мусо алайҳиссалом ушбу дуони қилганларидан сўнг, Аллоҳ у кишига солиҳа аёл, бошпана ҳамда 10 йиллик иш бериб мукофотлаган.
​Дуо:
رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ
«Рабби инний лимаа анзалта илаййа мин хойрин фақийр»

​Маъноси:
«Роббим, Сенинг менга туширадиган ҳар бир яхшилигингга муҳтожман». (Қасас сураси, 24-оят)

ҚУРЪОНИ КАРИМ ҲАҚИДА САВОЛ-ЖАВОБЛАР

❓Савол: Қуръони карим қандай Китоб?
💬 Жавоб: Қуръон Аллоҳнинг Каломидир. Бу Китоб бандаларни энг тўғри йўлга бошлайди, нима ҳақ, нима ноҳақ, нима ҳалол, нима ҳаромлигини баён этади. Қуръон ҳукмлари ҳеч қачон эскирмайди, ўзгармайди, қиёматгача амалда бўлади. Қуръон ҳам қалбимиз, ҳам танамиз учун шифодир. Қуръон қалбни ислоҳ қилади. Каломуллоҳ фақат айрим маросимларда, йиғинларда ўқиш ёки дам солиш учун эмас, инсонларни огоҳлантириш учун туширилган. Қуръон билан ҳамнафас инсон икки дунё саодатига эришади.

❓Савол: “Қуръон” сўзининг маъноси нима?
💬 Жавоб: Қироат қилиш, ўқиш.

❓Савол: Қуръоннинг яна қандай номлари бор?
💬 Жавоб: Мусҳаф, Фурқон, Каломуллоҳ, Бурҳон, Зикр, Китоб, Ҳақ, Нур, Танзил ва ҳоказо.

❓Савол: Расулуллоҳ соллаллоҳу алайҳи ва саллам Қуръонни қайси фаришта орқали қабул қилиб олганлар?
💬 Жавоб: Жаброил алайҳиссалом.

❓Савол: Қуръондан илк бор нозил қилинган оятлар қайси?
💬 Жавоб: “Алақ” сурасининг аввалги 5 ояти.

❓Савол: Қуръони карим неча йил давомида нозил қилинган?
💬 Жавоб: Йигирма уч йил давомида оятма-оят, бўлиб-бўлиб туширилган.

❓Савол: Қуръон қайси тилда нозил қилинган?
💬 Жавоб: Араб тилида.

❓Савол: Қуръон неча порадан иборат?
💬 Жавоб: 30 порадан.

❓Савол: Бир пора неча бет?
💬 Жавоб: Бир пора 10 варақ – 20 бетдан иборат.

❓Савол: Қуръони каримда нечта сура бор?
💬 Жавоб: 114 та.

❓Савол: Энг узун сура қайси?
💬 Жавоб: “Бақара”.

❓Савол: “Бақара” нечта оятдан иборат?
💬 Жавоб: 286 оятдан.

❓Савол: Энг қисқа сура қайси?
💬 Жавоб: “Кавсар”.

❓Савол: “Кавсар” сураси нечта оятдан иборат?
💬 Жавоб: 3 оятдан.

❓Савол: Қуръондаги энг фазилатли сура қайси?
💬 Жавоб: “Фотиҳа”.

❓Савол: Нима учун “Фотиҳа” дейилади?
💬 Жавоб: Чунки у Қуръони каримнинг биринчи сураси, Қуръонни очувчи сурадир.

❓Савол: “Фотиҳа” сурасининг яна қандай номлари бор?
💬 Жавоб: Уммул Қуръон, Асос, Сабъул масоний, Суратул ҳамд, Шифо, Руқя, Канз ва ҳоказо.

❓Савол: Расулуллоҳ соллаллоҳу алайҳи ва саллам “Икки ёритувчи нур”, деганда қайси сураларни назарда тутганлар?
💬 Жавоб: “Бақара” билан “Оли Имрон” сурасини.

❓Савол: Қайси сура ўқилган уйдан шайтон чиқиб кетади?
💬 Жавоб: “Бақара” сураси.

❓Савол: Одатда, жума куни қайси сура тиловат қилинади?
💬 Жавоб: “Каҳф” сураси.

❓Савол: Қайси сура Қуръоннинг учдан бирига тенг?
💬 Жавоб: “Ихлос” сураси.

❓Савол: Қуръони каримда нечта оят бор?
💬 Жавоб: 6236 та.

❓Савол: Қуръони каримда нечта сўз, нечта ҳарф бор?
💬 Жавоб: 77.437 та сўз, 323.671 та ҳарф.

❓Савол: Энг узун оят қайси?
💬 Жавоб: “Бақара” сурасининг 282-ояти. Бу оят қарз олди-бердиси ҳақида бўлиб, тўлиқ бир бетдан иборат.

❓Савол: Энг қисқа оят қайси?
💬 Жавоб: “Ёсин” сураси ва “Ҳаа мим” билан бошланувчи сураларнинг биринчи ояти. Улар икки ҳарфдан иборат.

❓Савол: Қуръондаги энг фазилатли оят қайси?
💬 Жавоб: “Оятул курсий”.

❓Савол: “Оятул курсий” қайси сурада келган?
💬 Жавоб: “Бақара” сурасининг 255-оятида.

❓Савол: Нима учун “Оятул курсий” дейилади?
💬 Жавоб: Чунки бу оятда “курсий” сўзи бор.

❓Савол: Қуръон ўқиган одам қанча савоб олади?
💬 Жавоб: Ҳар бир ҳарф учун 10 та савоб берилади.

❓Савол: Қуръонни бир марта тўлиқ ўқиб чиққан одам қанча савоб олади?
💬 Жавоб: Уч миллиондан ортиқ. Банда ихлосига қараб савоб миқдори яна кўпайиши мумкин.

❓Савол: Қуръонни неча кунда хатм қилган маъқул?
💬 Жавоб: Қуръонни хатм қилишнинг ўртача муддати 40, 30 ёки 20 кун. Энг оз муддати 7, 5 ёки 3 кун.

❓Савол: Қуръонни бир-икки кунда хатм қилса ҳам бўладими?
💬 Жавоб: Уч кундан кам муддатда хатм қилишга рухсат берилади, аммо тавсия этилмайди.

❓Савол: Қуръон жумлаларига ўхшаш жумлани одамзот туза оладими?
💬 Жавоб: Йўқ. Бутун дунёдаги одамлар, жинлар бир ерга тўпланиб, минг уринишса-да, Қуръонга ўхшаш мўъжизавий китобни келтира олишмайди. Қуръон жумласига ўхшаш жумла тузиш бандалар қўлидан келмайди.

•┈┈┈┈•❈••✾••❈•┈┈┈┈•