‏مافي شيء بمنعك تبتسم ، مافي شيء بستحق انك تضايق نفسك بسببه ، الحياة متقلبة ، انت بس عليك انّك تقتنع انو الماضي انتهى والحاضر انكتب ليك.

من فترة قريبة شديد كُنت زول إجتماعي لأبعد درجة وتلفوني كان بيرن في اليوم قرابة الـ10 مرات من بين صحبي العايزني أطلع معاه القهوة لصحبي العايزني يستشيرني في حاجة لصحبي المشتاق لي وعايز يتكلم معاي.. فكرة إني كنت بحب المكالمات شديد بتجي فترة بنتكلم بالساعات ولأنصاص الليالي مع أصحابنا ومرات بتكون مكالمات جماعية الواحد كان ما بيحس بالزمن فيها.. كانت في أسباب بتخليني ما أفارق الواتس آب وكان عندنا قروبات بنساهِر فيها لأوقات طويلة.. كنت كان كائن بيحب يتصور كتير، بيحب يطلع كتير، بيحب يتونس.. مؤخراً بقيت بتضايق من المكالمات وفكرة إنو بقى يعدي علي إسبوع وإسبوعين بدون ما إتكلم مع زول.. بقيت أنسى إنو عندي تطبيق إسمو واتس آب وبقى ذي الآلة الحاسبة نادراً ما أفتحو.. ما متذكر آخر مرة طلعت فيها مبسوط و شربت قهوة..! ولا متذكر آخر مرة إتصورت فيها صورة حلوة متين..! وما متذكر آخر مرة إتكلمت فيها مكالمة طويلة متين..! وما متذكر آخر مرة ساهرت فيها مع زول متين..! ما بين يوم و ليلة لقيت نفسي قافل نفسي وبقيت أخاف من إنو إتعرف على أصحاب جدد أو أصنع علاقات و أقحم زول حياتي.. ولقيت نفسي مرتاح ومتصالح فعلياً من فكرة إني بقيت براي وما عندي ناس مقربين وأغلب الناس الحولي معارف وكل فترة دائرة المعرفة بتقل.. من وقتها إكتشفت إنو الحياة مراحل والدنيا مدورة بتلف وبتسرح و بتمرح وبترجع لذاتك البراك.. نادراً جداً تفاصيلك تعيش معاك لفترة طويلة. عارف إنو السطحية و الوحدانية صفة ما كويسة، بس مافي داعي كل مرة تشاهد نفس الفيلم على أمل إنو تكون النهاية مختلفة. كُنت متمني إنو حاضري يكون أجمل من الماضي بتاعي، بس للأسف إكتشفت إنو الحقيقة دي الأنا عليها أسي وإنو التفاصيل و الذكريات القديمة العشتها في حياتها كُلها كانت مرحلة ما أكتر. على قول ألبرت. "نصف مشاكلي إنني لا أتحدث مع أحد، والنصف الآخر عندما أتحدث لا أستطيع التعبير عما في داخلي"

العشم حار .... ما تعشم بت ناس فيك و تخليها تحبك و تتعود عليك و علي صوتك و علي حاجات كتيرة بتخصك يااخ انت من البداية ما قدر الحاجة دي ما تعملاا و خليهاا لي البقدر عليها و بحتويها لانو الحكاية ما هي رجالة يعني كونك انت عشمتها و مشيت خليتها بدون مقدمات و اسباب تافها جداً هي ما حاتذعل علي الفراق حاتذعل علي العشم و ياخ خليك صريح قول ليها يا بت الناس انا ماقدر المسؤلية دي ما لما خلاص هي تكون حكت لي صحباتها قدر شنو هي بتحبك تجي انت تخزلا والله البت لما تحبك بالجد ياخ و هي بتتكلم عنك عيونها بتكون ظاهر فيها الحب و حاجة اخيرة الفراق ما حاار "حار العشم والله"و في النهاية بقول "خذوهن علي محمل الحب ولا تذؤوهن" البت ما شهوه ولا لمسه .. البت ما صورة  او جسم يشدك .. البت ما شي تستخدمها و تخليها .. البت م لعبه .. هي اختك و في يوم حتبقى بتك بعد ما تكون زوجتك و الاهم امك عشان كدا خاف عليها و خليها بقلبك و حبها بطريقة حلوه و خاف عليها و التمس ليها العزر و لو غلطت اعتزر انت لانك سندها احتويها و افهما في كل حالاتها و اديها الثقه الكامله و إحذر من كسر قلبها فقد تكسر قلباً يحبه الله فرفقاً برفيقة الدرب لو بكت بتبقى انت الغلطان دموعها غاليه هن اجمل شي في الدنيا يا جماعه البنات ديل حاجه كدا ارهف و ارق و الطف مما نتوقع بندخلهم في علاقات و بنكسرهم. ليه ! ما تعشما صدقوني هن ما شبه الكسر و الحزن الجواها  ح تلقى انو هي م عايزة شي منك  غير انك تكون ليها بمليون راجل و تملى عينها تحترمها و تقدرها تحبها و تخاف عليها  تهتم بيها في عز زعلها و ضيقها تكون جمبها و ابدآ م تخليها تحسسها في كل ثانية بتمر عليها انو عندها زول ح يحارب الدنيا عشانها و عشان سعادتها و ضحكتها حتي لو غلطت ما تلقاها فرصة انك تتخلا عنها لا بالعكس وريها قول ليها الحاجة دي غلط وصلحا ووريها الغلط من الصح بس ما تخليها خليك سند ما هي مخلوقة من ضلعك..... ونرجع نقول نحنا مابقتلنا الفراق نحنا بقتلنا العشم