Аналитика Telegram-канала
Подписчики
1 226
Охват за 24 ч
81
ER за 24 ч
6,61%
Публикаций
575

Динамика подписчиков

7 дней 30 дней 6 месяцев Больше
16 ноя19 ноя22 ноя
Показаны последние 7 дней Больше истории →

Охваты публикаций

30.1030.1015.11
7
Средний охват
10
Лучший результат
Показаны 3 публикации — последние в канале Больше статистики →

Упоминания

102
Упоминаний
100
Из них репостов
25
Каналов
Все упоминания

Последние посты

3 из 575 2 из 575
اول خلية نباتية-حيوانية (Planimal) بالعالم! نشر باحثين من جامعة طوكيو قبل 3 ايام دراسة بمجلة Nature Communications توثق نجاحهم بانشاء اول خلية هجينة تجمع بين المادة الوراثية للطحالب والخلايا الحيوانية، اطلقو عليها اسم planimal، عن طريق دمج خلية طحلبية وحيدة الخلية ويا خلية حيوانية. قبل لا نحجي بالتفصيل، نحتاج نفهم شغلة: شلون يتم نقل المادة الوراثية بين الكائنات الحية؟ عدنا طريقتين رئيسيتين لانتقال المادة الوراثية : 1- النقل العمودي vertical transfer: بهاي الطريقة تنتقل المادة الوراثية من الآباء الى الابناء، تورث معظم المادة الوراثية للكائن الحي من احد الابوين (بالتكاثر اللاجنسي) او من الاثنين (بالتكاثر الجنسي). 2- النقل الافقي horizontal transfer: بعض الكائنات الحية مثل البكتيريا تكدر تاخذ مادة وراثية من بكتيريا ثانية، سواء من النوع نفسه او من اننواع مختلفة، او تاخذ جزيئات DNA حرة من البيئة مالتها، ناتجة عن تحلل بكتيريا ميتة. وهاي تعتبر من الطرق اللي تساهم بانتشار جينات مقاومة المضادات الحيوية بين البكتيريا. اما الكائنات حقيقية النواة Eukaryotes فهي هم تكدر تكتسب مادة وراثية من البيئة او من الفيروسات اللي تصيبها، لكن انتقال كميات كبيرة من المادة الوراثية بين كائنات حقيقية النواة متباعدة تطورياً يعتبر حدث نادر جداً.. وحدة من امم الاحداث اللي توثق انتقال المادة الوراثية من بدائية النواة إلى خلية حقيقية النواة صارت قبل أكثر من 1.5 مليار سنة. بذاك الوقت، خلية حقيقية النواة ابتلعت خلية بدائية النواة، وهي البكتيريا الزرقاء (Cyanobacterium)، واللي تتميز بقدرتها على القيام بعملية البناء الضوئي. ويُعتقد أن بعد ابتلاعها، تكونت علاقة تكافلية بين البكتيريا الزرقاء والخلية حقيقية النواة، وبمرور الزمن تطورت هاي البكتيريا الى البلاستيدات الخضراء (Chloroplasts). وخلال هذا الحدث التطوري، انتقلت هواي من جينات البكتيريا الزرقاء لجينوم الخلية حقيقية النواة اللي ابتلعتها، وهالشي ادى لتكامل الكائنين ضمن نظام بايولوجي واحد. #نقل_الكروموسومات_بين_الانواع_المختلفة على الرغم من فهم الباحثين للآليات اللي يصير من خلالها النقل الافقي للمادة الوراثية بين بدائيات النواة، الا ان لحد الان عدنا محدودية بفهم شنو يصير من يتم نقل مادة وراثية بحجم كروموسوم كامل من طحلب مثلاً الى خلية حقيقية النواة من نوع اخر بعيد تطورياً. لذلك قرر الفريق البحثي الياباني من جامعة طوكيو تصميم سلسلة من التجارب حتى يدرسون تأثير نقل مادة وراثية من طحلب لخلية حيوانية مشتقة من الهامستر. استخدم الباحثون تقنيات تصوير الخلايا الحية (live cell Imaging)، وتسلسل الجينوم (genome sequencing)، حتى يدرسون شلون تتعامل الخلايا المضيفة ويا DNA الطحالب عبر الاجيال الخلوية. كانت النتائج مثيرة للاهتمام، لكه الباحثين ان دمج الخلايا (Cell Fusion) ادى لانتاج خلايا هجينة مستقرة. بوحدة من الخطوط الخلوية المشتقة من خلايا الهامستر، لاحظوا ان الخلايا كدرت تحتفظ بحوالي 16.3 مليون زوج قاعدي من DNA الطحالب، يتضمن كروموسومات سليمة وتسلسلات مشتقة من الكروموسومات العشرين للخلية الطحلبية. والشي الاكثر اثارة جان هو اكتشاف ان DNA الطحالب بقى قابل للكشف حتى بعد 155 جيل خلوي! يعني المادة الوراثية اللي انتقلت من الطحلب للخلية الحيوانية استمرت موجودة عبر عدد كبير من الانقسامات الخلوية. #جينات_الطحالب اكتشف الباحثون ان اغلب جينات الطحلب اللي تم نقلها للخلية الحيوانية كانت غير نشطة، وما كان الها اي تعبير جيني واضح. ولاحظوا هم ان اغلب المادة الوراثية اللي دخلوها إلى خلايا الهامستر تعرضت لتعديلات فوق جينية (epigenetic modifications) تضمنت : - مثيلة DNA Methylation - تعديلات هستونية مثبطة repressive histone modifications وهاي التعديلات ادت الى اسكات الجينات gene Silencing، بدون ما يصير اي تغيير بتسلسل القواعد النيتروجينية للـDNA. ومن كرر الباحثين التجربة باستخدام خلايا هامستر تفتقر لانزيم DNMT3A، وهو انزيم يشارك بعملية مثيلة الـDNA، لاحظوا انخفاض عدد المستعمرات الخلوية الهجينة، والخلايا الناتجة احتفظت بكميات اقل من DNA الطحالب. تشير هاي النتائج الى ان آليات التنظيم فوق الجيني تشتغل مثل حارسات للجينوم، وتساعد الخلايا الثديية على استيعاب كميات كبيرة من DNA الغريب، مع ابقاء معظم الجينات المنقولة غير نشطة. يتأمل الباحثيين انهم يكدرون يوصلون مستقبلاً لطريقة لتفعيل جينات الطحالب بصورة انتقائية داخل الخلايا الحيوانية. والهدف النهائي هو منح الخلايا الحيوانية بعض القدرات الفريدة الموجودة عند الطحالب والنباتات، مثل القدرة على القيام بعملية البناء الضوئي وانتاج الاوكسجين، عن طريق تفعيل مسارات بايولوجية معينة داخلها.
ещё
10 1 15 ноя, 23:28
شباب اطلبوا ترا فلوسكم رح تساهم بنشر البحث العلمي 😔
ещё
9 0 30 окт, 15:24
Фото
✅ طلبات الرسم انفتحت 🔹التسليم حسب رغبتكم، اما نسخة الكترونية او يوصل للزبون للبيت بس رح تزيد عليه فلوس التوصيل 🔹التوصيل لجميع محافظات العراق ٥ آلاف، ولجامعة بغداد والنهرين فرع الجادرية مجاني 📩 للطلب او المزيد من التفاصيل راسلوا دايركت القناة
ещё
1 0 30 окт, 15:23
Больше постов

Продолжить анализ этого канала

  • История роста подписчиков
  • Просмотры и охваты публикаций
  • Кто упоминает канал и кого упоминает он
  • Похожие каналы и подбор для рекламы
Открыть аналитику
Демо до 14 дней