Лараме йиша!

Аллах1а доккхачу г1уллакхна кхоьллина хьо.
Къахьогийла ахь 1еламнах а, Делах кхоьру а, г1арабевлла а нах хьайн доьзалехь кхиорна тlехь.

Фат1има (Фатхьи х1усам нана):

"Нанас йо1 муха кхио еза, х1у кхетам бала беза цуо?"

⁠Цхьана Iеламстага аьлла:

Хьай кIантана бакъдерг Iамаде ахь, ткъа бакъоно цунна массо хIума Iамор ду хьуна.

Вайна каналан репост е🌿

Шун берийн хьекъалш а, кхетам а ларбарехь шуна г1о...

Кху чохь, Дала мукъ лахь, берашна а, дайшна-наношна а, шайн чохь бераш долчарна а, кхечарна а пайде дерг хир ду.
https://t.me/berashna_lerina
______

Доьзалехь эвхьазло яржор

Сийлахь-Везачу АллахIа муъма нахе доккха аманат шайна тIеэца аьлла омра дина:

«ХIай, Делах тешнарш! Шаьш а, шайн доьзалш а цIарах ларбе, шен ягориг нах а, тIулгаш а хин долучу. Царна тIехула буьрса а, нуьцкъала а малекаш ду. АллахIа диначу омрина тIера ца довлу уьш, шайга омра мел динарг кхочуш а до цара» («ат-Тахьрим»: 6).

Ткъа оцу аманатана ямарт хилла уьш, шайга лардан деллачу аманатана тешнабехке хилла уьш. Цундела къематдийнахь церан хьал а хир ду Ша Бакъволучу, Сийлахь-Везачу АллахIа ма-дийццара.

Цхьаболучара эвхьазло, хьарамло, бохам шаьш беана шайн хIусамашка. Цхьаберш шаьш бу шайн бераш а, шайн зударий а талхарехь бахьана хилла дIахIиттинарш, шайн доьзалш а, шайн хIусамнаной а ялсаманех бохуш бахьана хилларш. Цундела Сийлахьчу АллахIа сацам бина: оцу бохаман бахьана хилла волу иза ялсаманех воккхуш, цо шен доьзал а, зударий а ма-баххара оцу ялсаманех. ХIунда аьлча бекхам - диначуьнга хьаьжжина бу.

Оцу дерригенан бахьана - вай дехачу хIокху вайн заманчохь дай хилар ду – АллахIа шайх къинхетам бина боцурш: шайн коьртачу гIуллакхера, уггарех ладамечу декхарера берриге а цхьаьна балхара дIа а бевлла. АллахIа царна тIедиллина коьрта а, ладаме а гIуллакх – оьзда доьзал кхиор дара, гIиллакхе бераш кхиор дара, бусалба хIусам кхоллар дара, АллахIан Жайнера а, элчанан (АллахIера къинхетам а, маршо а хуьлда цунна) Суннатера а цIеначу хьостехула.

Доьзал – иза шина агIор долу жоьпалла ду: ден-ненан берашна хьалха, берийн дений-нанний хьалха. Ден-ненан жоьпалла хьалххехь дIадолало, бер дуьненчу даларца. Оцу дийнахь дуьйна дIадоло дезаш ду иза кхетош-кхиор. Бераца доьзна цхьа а хIума а дац кIезиг. Цундела бен а доцуш хьежа мегар дац оцу гIуллакхе.

Нохчийн гlиллакх - оьздангалла / Муса Ахмадов

1⃣ Берашна Элчанан дийцарш

Ӏакъикъат ца дийча цамгарш гулйой беро?

Хаттар:
Берана тIера Iакъикъат ца дийча беро цамгарш лехьайо бохург бакъ дуй?

Жоп:
Бакъ дац, цхьа а бух болуш къамел дац, Iакъикъат дер суннат ду, ткъа суннат кхочушдинчунна ял ю, ца динчунна къа дац. Иза бакъ цахиларан далил - Iакъикъат ца дийначу берана цамгарш хуьлу аьлла цхьа а далил цахилар ду.

«Дас-нанас шайн доьзалхочунна дечу диканех уггаре диканиг - цунна бусалба динах хIума Iамор ду».