Телеграм канал «Барҳаёт Мелиев»

🇺🇿🇺🇿🇺🇿🇺🇿

#Jarayon

Bugun O‘zbekiston mahallalari uyushmasi Olmaliq shahar bo‘limi boshlig‘i Navruzbek Alimov shahar hokimi Barhayot Meliyevga hududlarda bajarilgan ishlar, belgilangan rejalar va erishilgan natijalar yuzasidan hisobot taqdim etdi.

Shuningdek, jarayonda “Yashil makon” umummilliy loyihasi doirasida amalga oshirilayotgan ishlar holatiga alohida e'tibor qaratildi. Shahar bo‘ylab ko‘kalamzorlashtirish tadbirlarini yanada jadallashtirish masalalari muhokama qilindi.

Muloqot yakunida mahalla raislari faoliyatini yanada takomillashtirish, mahalla hududlarini rivojlantirish va mavjud muammolarni tizimli hal etish bo‘yicha muhim yo‘nalishlar belgilab olindi.

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

OLMALIQ SHAHAR HOKIMI MELIYEV BARHAYOT BAHTIYORJONOVICHNING O‘QITUVCHI VA MURABBIYLAR KUNI MUNOSABATI BILAN SOHA XODIMLARIGA YO`LLAGAN BAYRAM TABRIGI

BATAFSIL

Telegram I Vebsayt I Instagram I Facebook I Youtube

Oʻzbekiston oʻqituvchi va murabbiylariga tabrik
—
Поздравление учителям и наставникам Узбекистана

Prezident.uz|Facebook|Instagram|YouTube|X

🇺🇿🇺🇿🇺🇿🇺🇿

#E’zoz

Ustoz deganda ko‘nglimizda cheksiz ehtirom, hayotimizga ziyo baxsh etgan fidoiy zotlar gavdalanadi. Shu munosabat bilan, Olmaliq shahridagi muhtasham «Oqsaroy» to‘yxonasida 1 oktyabr — O‘qituvchi va murabbiylar kuniga bag‘ishlangan fayzli va tantanali bayram tadbiri tashkil etildi.

Yuqori kayfiyatda o‘tgan ushbu tantanada ta’lim tizimida faoliyat yuritayotgan fidoiy pedagoglar, ko‘p yillar davomida sohaga munosib hissa qo‘shgan faxriy o‘qituvchilar bir dasturxon atrofida jam bo‘lishdi.

Tadbirda Olmaliq shahar hokimi Barhayot Meliyev ishtirok etib, yig‘ilganlarni ayyom bilan chin qalbdan muborakbod etdi. Shahar rahbari o‘z nutqida jamiyatda o‘qituvchilarning o‘rni beqiyos ekanligini, kelajak avlod tarbiyasi va mamlakat taraqqiyoti bevosita ularning mashaqqatli mehnatiga bog‘liqligini alohida ta’kidlab o‘tdi.

So‘nggi yillarda yurtimizda ustozlarning nufuzini oshirish, ularga munosib mehnat sharoitlari yaratish borasida olib borilayotgan islohotlar bugun o‘z mevasini berayotgani ham alohida qayd etildi.

Tantanali tadbirda ta’lim sohasida o‘z jonbozligi va fidokorligi bilan ajralib turgan bir guruh ustoz va murabbiyla shaahar hokimi tomonidan ularga esdalik sovg‘alari va tashakkurnomalar topshirildi.

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

#Muloqot

Olmaliq shahridagi «Oydin» dehqon bozorida yuzaga kelgan noxush yong‘in oqibatida bir qator tadbirkorlik sub’yektlari moddiy zarar ko‘rgan edi. Shahar hokimligi mas’ullari bu og‘ir vaziyatda jabrlanganlarni yolg‘iz qoldirmay, ularga amaliy va qonuniy yordam ko‘rsatish, shuningdek, biznesini qayta tiklash uchun imkoniyatlar izlamoqda.

Shu maqsadda Olmaliq shahri hokimi Barhayot Meliyev bevosita tadbirkorlar bilan uchrashib, ularning muammolari va takliflarini diqqat bilan tingladi. Muloqot chog‘ida qonun doirasida tegishli chora-tadbirlarni amalga oshirish yuzasidan fikr almashildi.

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

#Hokim_qabuli

Olmaliq shahrida aholi bilan yaqindan muloqot qilish, fuqarolarni qiynayotgan muammolarni ijobiy hal etish va ularning qonuniy manfaatlarini ta’minlash borasida tizimli ishlar olib borilmoqda. Shu maqsadda muntazam ravishda fuqarolar bilan muloqotlar tashkil etilmoqda.

Jumladan, Olmaliq shahar hokimi Barhayot Meliyev shahar Xalq qabulxonasida navbatdagi fuqarolar qabulini o‘tkazdi. Qabul jarayonida shaharning turli mahallalaridan kelgan fuqarolarning turar joy, bandlik, moddiy yordam, kommunal xizmatlar va tadbirkorlikni rivojlantirish kabi turli yo‘nalishlardagi murojaatlari birma-bir tinglandi.

Har bir murojaat sinchiklab o‘rganilib, ularning aksariyati yuzasidan mas’ul rahbarlarga aniq vazifalar yuklatildi hamda qonuniy yechim topish yuzasidan tegishli ko‘rsatmalar berildi.

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

#Muloqot

Olmaliq shahar hokimi Barhayot Meliyevning tadbirkorlar bilan navbatdagi qabuli bo‘lib o‘tdi.

Unda tadbirkorlik sub’yektlari tomonidan turli masalalar yuzasidan bildirilgan murojaat va takliflar bevosita tinglandi. Murojaatlarda yer maydoni ajratish, kredit, ishlab chiqarish faoliyatini kengaytirish hamda tadbirkorlikni rivojlantirish bilan bog‘liq masalalar ko‘tarildi.

Har bir murojaat mas’ul mutasaddilar ishtirokida ko‘rib chiqilib, ularning yechimi yuzasidan tegishli vazifalar belgilab berildi. Tadbirkorlarni qo‘llab-quvvatlash, ularning faoliyatiga to‘sqinlik qilayotgan masalalarni bartaraf etish va yangi loyihalarni amalga oshirish uchun zarur sharoitlarni yaratishga alohida e’tibor qaratildi.

Telegram I Vebsayt I Instagram I Facebook I Youtube