Телеграм канал «Barhayot Meliyev»

🇺🇿🇺🇿🇺🇿🇺🇿

Davlat tili nufuzini oshirish va tashkilotlarda ish yuritish madaniyatini mustahkamlash maqsadida Olmaliq shahrida «Savodxon tashkilot — savodli jamiyat» tashabbusi doirasida ommaviy diktant tadbiri tashkil etildi.

Ushbu tashabbus xodimlarning yozma savodxonligini yuksaltirish va ona tilimizga bo‘lgan hurmatni yanada orttirishga qaratilgan.

Tadbirda Olmaliq shahar hokimi Barhayot Meliyev boshchiligida shahardagi korxona, tashkilot va muassasalar rahbarlari hamda mas’ul xodimlari ishtirok etdilar.

Ishtirokchilar o‘zbek adabiy tili normalariga rioya qilgan holda to‘g‘ri va savodli yozish ko‘nikmalarini amalda sinovdan o‘tkazdilar.

Bu kabi ma’rifiy tadbirlar davlat tilining jamiyatdagi mavqeini mustahkamlash, xodimlarning kasbiy va yozma savodxonligini oshirish hamda ona tilimizning qadr-qimmatini yuksaltirishda muhim ahamiyat kasb etadi.

Telegram | Vebsayt | Instagram | Facebook | Youtube

🇺🇿🇺🇿🇺🇿🇺🇿

#Hokim_qabuli

Olmaliq shahar hokimi Barhayot Meliyev aholi bilan navbatdagi qabulni o‘tkazdi. Qabulda hokim o‘rinbosarlari, korxona va tashkilotlar rahbarlari ishtirok etdi.

Jarayonda fuqarolarning bandlik, kadastr, ijtimoiy yordam, tibbiy xizmat va boshqa masalalardagi murojaatlari tinglandi.

Murojaatlarning ayrimlari joyida hal etildi, qolganlari esa mutasaddi tashkilotlarga tegishliligi bo‘yicha yo‘naltirilib, ijrosi nazoratga olindi.

Telegram | Vebsayt | Instagram | Facebook |

🇺🇿🇺🇿🇺🇿🇺🇿

#O‘rganish

Olmaliq shahar hokimi Barhayot Meliyev shahar prokurori Abdumalik Kuldashev hamda hokim o‘rinbosari Muhammadsodiq Mo‘minov hamrohligida mahallalarda bo‘lib, hududlardagi real holat va aholining kundalik turmushiga ta’sir ko‘rsatayotgan muammolarni o‘rgandi.

Jarayonda asosiy e’tibor kommunal xizmatlar barqarorligi, hududlarni obodonlashtirish, aholi uchun qulay sharoitlar yaratish hamda kuz-qish mavsumiga tayyorgarlik jarayonlariga qaratildi.

Muloqotlar yakunida mavjud kamchiliklarni o‘z vaqtida bartaraf etish, aholi murojaatlariga tezkor yechim topish va sovuq kunlarda infratuzilmaning betalafot ishlashini ta’minlash bo‘yicha ustuvor vazifalar belgilab olindi.

Telegram | Vebsayt | Instagram | Facebook | Youtube

🇺🇿🇺🇿🇺🇿🇺🇿

#Muloqot

Qonuniy bo‘lsa, men ruxsat beraman — Barhayot Meliyev

Olmaliq shahar hokimi Barhayot Meliyev tadbirkorlar bilan navbatdagi ochiq muloqotni o‘tkazdi.

Uchrashuvda shahar prokurori A.Kuldashev, Davlat soliq inspeksiyasi boshlig‘i I. Aliyev hamda “Xalq banki” ATB departament direktori A. Mengturaev ham ishtirok etib, biznes vakillarining murojaat va takliflarini joyida o‘rgandilar.

Uchrashuv davomida, xususan, faoliyatni kengaytirish uchun binolarni ijaraga olish va tadbirkorlik maqsadida yer maydonlari ajratish bilan bog‘liq muhim masalalar ko‘rib chiqildi. Shahar hokimi har bir murojaatni shaxsan tinglab, bildirilgan tashabbuslarni qonunchilik doirasida tezkor va ijobiy hal etish bo‘yicha mas’ullarga aniq topshiriqlar berdi.

Muloqotning asosiy maqsadi — hududda tadbirkorlikni rivojlantirish, biznes subyektlari faoliyatida yuzaga kelayotgan g‘ov va to‘siqlarni bartaraf etish hamda qulay va shaffof sarmoyaviy muhit yaratishdan iborat bo‘ldi.

Telegram | Vebsayt | Instagram | Facebook | Youtube

🇺🇿🇺🇿🇺🇿🇺🇿

Hurmatli olmaliqliklar!

Davlatimiz rahbarining 2026-yil 11-sentyabrdagi 193-sonli farmoni ijrosini ta’minlash maqsadida barqaror ish o‘rinlarini yaratish va kichik biznesni qo‘llab-quvvatlash bo‘yicha hududiy shtab o‘z faoliyatini boshladi.

Ayni paytda Olmaliq shahar hokimligi binosida tashkil etilgan mazkur shtab fuqarolarga qulaylik yaratish maqsadida 24 soatlik ish rejimiga o‘tgan.
Ishsiz, imtiyozli kreditlar yoki subsidiya olish istagida bo‘lgan barcha fuqarolarimiz ushbu shtabga murojaatqilishlari mumkin.

Murojaat uchun: 55 903 99 50

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

#O‘rganish

Olmaliq shahar hokimi Barhayot Meliyev kommunal soha mas’ullari ishtirokida Kimyogar mahallasining yog‘ingarchilik mavsumiga tayyorgarlik holatini ko‘zdan kechirdi.

Jarayonda ichki yo‘llar, muhandislik tarmoqlari va isitish tizimlarining holati o‘rganilib, tegishli chora-tadbirlar belgilandi.

Telegram I Vebsayt I Instagram I Facebook I Youtube

🇺🇿🇺🇿🇺🇿🇺🇿

#Hokim_qabuli

Olmaliq shahar hokimi Barhayot Meliyevning fuqarolar bilan navbatdagi qabuli bo‘lib o‘tdi. Unda shahar aholisining turli masalalarga oid murojaatlari tinglandi.

Fuqarolar o‘zlarini qiynayotgan muammolar va takliflari bilan murojaat qildi. Qabul davomida har bir murojaatga e’tibor qaratilib, ko‘tarilgan masalalar yuzasidan fuqarolar bilan batafsil suhbatlashildi.

Murojaatlarning mazmun-mohiyati o‘rganilib, ularni hal etish imkoniyatlari muhokama qilindi. Ayrim masalalar bo‘yicha mas’ullarga tegishli vazifalar yuklatildi. Shahar hokimi murojaatlarni hal etishda qonunchilik talablariga rioya qilish, fuqarolarga amaliy ko‘mak ko‘rsatish va belgilangan vazifalar ijrosini ta’minlash zarurligini ta’kidladi.

Telegram I Vebsayt I Instagram I Facebook I Youtube