📜قصيدة [ خايف گلبي ] 🎤اداء: سجاد المحمداوي ✍كلمات: محمد الربيعي خايف گلبي وانت بعيد ارجف كلي الحضنك اريد بصدرك أغفى لو على إيد معلمه الصبح..عيني تنفتح..بويه يمي والگاك خايفه شكثر..الحضنك انتظر.. لو خذتني وياك اهنانه بالغرب..إمن يجي أنضرب..صرت انه بجفاك بابا بابا ما ضل عند ابنيتك حيل شيغمض اعيوني بهل ليل لسه ارجف من صوت الخيل بابا بابا مشتاگتلك بابا هواي ذبلت روحي و انت الماي ما يرضى ارتاح الحداي ابتاه من الذي التمني ـــــــــــــــــــــــــــــــــــــــــــــــــــــــــــــ ظهر الناگه عالي واصيح خافن اغفى ومنه اطيح حمره اعيوني وجفي جريح بچفي سلسله..ويمي حرمله..شغفى گلي ورتاح إمن شوكت قبل..صاعده بهزل.. وابچي واشبع انياح وينك تعبت..والله مانمت..وحيلي من رحت راح بابا بابا نسوني ايام الحلوات ع الناگه يگلولي إنبات شلون اگدر والليل اصوات بابا بابا حضنك محتاجته اشلون من احچي اسمك ما يرضون عيني ومتني نفس اللون ابتاه من الذي أيتمني ـــــــــــــــــــــــــــــــــــــــــــــــــــــــــــــ فراگك ذابح مني دلال اغفى أمنيتي وماكو حبال بدلوا اسمي رجعه تعال بدل السبي..إسمي يا ابي..الحبه گلبك  اهواي يشتكي المنو..المائله أبو..المسبي ما إله راي تدري من رحت..حافيه اركضت..لاچن استمع هاي بابا بابا اتعنيتك بس ياعذاب تلگاني بصوطه السلاب ينزف جرح اذني وماطاب بابا بابا ماشوف بعيني إمن صار خدي الهسه اشعر حار من الصوط بمتني آثار ابتاه من الذي أيتمني ــــــــــــــــــــــــــــــــــــــــــــــــــــــــــــــ الشام وليله عشته جروح وجابوا طشتك وعنه اروح مو عطشانه الوالدي انوح والله ما چنت..ادري بالطشت..بويه راسك الگاه گتلي راح اجي..وآنه ارتجي..طولك أغفى وياه يعني كل صبح..انت ع الرمح..تمشي يمي ويلاه بابا بابا يعني انت البل رمح اوياي شفت شلون اتطگني اعداي شفته اگبالي يبدي الماي بابا بابا اشگد تانيتك بويه أتعود شوف اچفوف ابنيتك سود من كد ما حبل المشدود