Телеграм канал «نعي + ابوذيات»

#نعـي

مولاي الحسين يسأل مولاي الحسن روحي لهما الفداء

توِن كلِّ الليل أمنه اشبيها ؟! ..*
*خاف كسْر اضلوعها امأذّيها ..*
**
خاف لاچمها ضلعها المنهِشِم
او خاف جرْح امتونها رد ينلچِم
ابحال أمنه يا حسَن عندك علِم
*ليش ما تفتر من اِبْواچيها ؟! ..*
**
جاوَبه او دمعه يصب صَبِّ المِزِن
حگها كلِّ اللِّيل اُمنه مِن توِن
غير كَسْر اضلوعها او جَرْح المَتِن
*امورّمَات امْن السِّياط إيديها ..*
**
داروْا اعْليها او تشاگف بالإدين
و الأشد من هاي أخبرك يا احْسين
عين اُمنه انطِفَت من لطمة العَين
*عسه انشلَّت إيد الِمْطفَّيها ..*
**
لو غريبه اتصيح ما بين العَرب
چان فزعْوا ليها لاچن العجَب
أُمنه لمَّن صاحت ابنار او حطَب
*اعْليها فزعْوا موش فزعوْا ليها ! ..*
**
أبد ما تنلام لو ونَّتْ ابْليل
و التِسَگْط اِجْنين مـيْظل إِلها حيل
گال : أويلي , او گِلِت : ما ينفع الويل
*او لا تفيد العَبره من نجريها ..*
**
هذا حُكم الله او إلى اللهِ المَصير
و العَلينه كاتْبه الباري يِصير
و أظن ياخويه عُمُر اُمنه گصِير
*اتفارج او نبگه العُمر نبچيها ..*
**
یا حسین اتموت امنه و الصواب
ضلع واحد كاسرينه وره الباب
او بالطف اضلوعك فرع هذا المُصاب
*عشِر خيَّاله التدوس اعْليها .. !*


*ميرزا عادل أشكناني*
قم المقدّسة

#اللهـم_عجـل_لوليـك_الفـرج

#نعـي

ليش الما وصَل عشرين سنها ؟
تموت امعصّبه الراس ابحزنها
عليمن ناحله او منهد ركنها ؟!
او عليش امْن البچي ما فتر ونها ؟!
و الهيّج لروحي او زاد حَنها
يوم المرتضى غسّل بدنها
شاف السّوط شِمسوّي ابمَتِنها
الوديعه اليوم رجّعها لچَنها
ضلعها امهشّم او أحمَر جِفنها

ميرزا عادل الأشكناني

#اللهم_عجل_لوليك_الفرج

سلامة لقلب ولي النعم صاحب الزمان
الصلاة على محمد وآل محمد

#نعـي

حـيـدر غـسـلاهـه ابـلـيـل
وشاف الضـلـع والـكـسـره
نـاشـد فـضــه بــدمـوعــه
وبــنــص الـگـلـب حـسـره
يـفـضـه احـچيلي گالـلـهه
أشتـخفي فـاطمة الـزهـره

يـداحــي الـبـاب گـالـتـلــه
وتـشــاهــد نــفــذ صـبــره
تـصـبّـر گــامـت بــحــيـدر
وأتـعـظـم عــلــيــه أجـــره
وتـكـلـه فــاطـمـة مــاتــت
وبـخـدهـه أثــــر ســطــره

يفـضـه شـلـون حـمـلـتـهـه
هــايــه الـفـاجـعـة الــمــره
هَضمة مـحـسـن وخـدهــه
مـاكـشـفـت إلــي الــزهــره
الـكـاسـر اظــهــور الـگــوم
هــالـيـوم انـكـسـر ظــهــره

تـعـلـمـنــه الـصـبـر گــالــت
وانـتـه الـيـجــزع اتـصـبـره
أشـــوفـك حـدّبـت ظـهـرك
واشــوفـن بـالـگـلـب عـَبـره
شـلـون ايـخـلـص ويــنـهـار
وادري بــصـبـرك اشــكـبـره

الشاعر رعد الجريخي

#اللهـم_عجـل_لوليـك_الفـرج

#نعـي

ماطاب ضلعچ لسه ماطاب
وبسمار صدرچ بعده لهاب
ومن وجو النيران بالباب
والزينب الحره احترگت اطناب
وحين الوگع محسن عله التراب
طاح الحسين ابسهم وانصاب
ومن طبو الدراچ الأجناب
زينب سلبها اشلون سلاب

المحفوف بنظرة الحسين عليه السلام
الشيخ الحبيب زمان الحسناوي

#اللهـم_عجـل_لوليـك_الفـرج

telemetr.me/fatima313e0

#نعـي

صـاحـت يـفـظـه تـلاحگيـنـي
وأبـسـاع خـل حـيــدر يجيني
ايـشـيـلنـي ويـاخــذ جنيـنــي
ويمسح دمه السال اعله عيني

ركضت فظه مشدوهه وتنادي
يبعد عيـونـي ياسلوت الهادي
ياهــو العـورچ يا فيّ عـمـادي

من عله الصايح وزينب سمعته
لأمها هذا الصوت والون عرفته
ركضت على الراس بالدم صبغته
زينب وشگت على امها احجابها

امنين الزمچ يمه محتاره واشليچ
كسرت اظلوعج خذت يالزهره حيلج
ويكسر الخاطر وضع محسن جنينج
وطيحتچ ضاعت علينه اسبابها.

داروا اعليها وعلـه صـوت النحيب
وموقف ايصدع الصخر ونه ويذيب
شوفوا لأمنه بساع يخواني طبيب
زيـنـب تـصـيـح وتـحـشم احبابها

مـا أظـن ينفـع طبيب الهـا أودوه
ضيـگ علـيها الكـسر شـم الهـوه
داروا أعلـه امـهـم ثلاثـتـم سوه
وبللـوا مـن الـدمـوع اثـيـابـهـا

نسألكم الدعاء

السيد حسين الياسري

#اللهـم_عجـل_لوليـك_الفـرج